ຊູແອັດ ສະຫຼອງຄົບຮອບ 100 ປີ ຕາມເສັ້ນທາງປະຊາທິປະໄຕ

800 05 ມິ.ຖ. 2019 ຂ່າວໜ້າ​ໜຶ່ງ

    ພິ­ທີ​ສະ­ເຫຼີມ­ສະ­ຫຼອງ​ວັນ­ຊາດ ຄົບ­ຮອບ 100 ປີ (6/6/1809-6/6/2019) ການ​ປ່ຽນ­ແປງ​ໃໝ່​ໃນ​ປະ­ເທດ​ຊູ​ແອັດ ຈັດ​ຂຶ້ນ​ວັນ​ທີ 3 ມິ­ຖຸ­ນາ 2019 ຢູ່​ໂຮງ­ແຮມ​ເສດ​ຖາ​ປລາ​ສ ນະ­ຄອນ­ຫຼວງ​ວຽງ​ຈັນ ມີ​ທ່ານ ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ທ່ານ ແສງ​ເພັດ ຮຸ່ງ​ບຸນ​ຍວງ ຮອງ​ລັດ­ຖະ­ມົນ­ຕີ ກະ­ຊວງ​ການ​ຕ່າງ­ປະ­ເທດ ທ່ານ Staffan Herrstrom ເອກ​ອັກ​ຄະ​ລັດ​ຖະ​ທູດ​ຊູ​ແອັດ ປະ­ຈຳ​ລາວ ພ້ອມ​ດ້ວຍ​ແຂກ​ຖືກ​ເຊີນ​ເຂົ້າ​ຮ່ວມ.

    ທ່ານ Staffan Herrstrom ກ່າວ​ວ່າ: ວັນ​ທີ 6 ມິ­ຖຸ­ນາ 1809 ການ​ປ່ຽນ­ແປງ​ໃໝ່​ໃນ​ປະ­ເທດ​ຊູ​ແອັດ ໄດ້​ຖືກ​ລົງ­ມະ­ຕິ​ຮັບ­ຮອງ ແລະ ໄດ້​ຍຸບ​ເລີກ​ການ​ປົກ­ຄອງ​ດ້ວຍ​ລະ­ບອບ​ລາ­ຊາ​ທິ​ປະ​ໄຕ ເຊິ່ງ​ເປັນ​ເຫດ­ການ​ສຳ­ຄັນ ແລະ ເປັນ​ບາດ­ກ້າວ​ທຳ​ອິດ​ຕາມ​ເສັ້ນ­ທາງ​ປະ­ຊາ­ທິ­ປະ­ໄຕ ການ​ປ່ຽນ­ແປງ​ດັ່ງ­ກ່າວ ໄດ້​ຢຶດ​ໝັ້ນ​ແນວ​ຄວາມ​ຄິດ​ຂອງ​ລະ­ບອບ​ປະ­ຊາ­ທິ­ປະ­ໄຕ ໃນ​ລັດ​ຖະ​ສະ­ພາ​ທີ່​ໄດ້​ຖືກ​ຮັບ­ຮອງ​ໃນ​ວັນ​ທີ 6 ມິ­ຖຸ­ນາ 1974 ດັ່ງ­ນັ້ນ ປີ 2019 ໄດ້​ມາ​ສະ­ເຫຼີມ­ສະ­ຫຼອງ 100 ປີ ແຫ່ງ​ການ​ມີ​ສິດ​ໃນ​ການ​ເລືອກ​ຕັ້ງ ແລະ 100 ປີ ຕາມ​ເສັ້ນ­ທາງ​ປະ­ຊາ­ທິ­ປະ­ໄຕ.

    ປັດ­ຈຸ­ບັນ ປະ­ເທດ​ຊູ​ແອັດ ເປັນ​ໜຶ່ງ​ໃນ​ບັນ­ດາ​ປະ­ເທດ​ສະ­ມາ­ຊິກ​ຂອງ​ອີ​ຢູ ເຊິ່ງ​ພວກ​ເຮົາ​ມີ​ຄວາມ​ພາກ­ພູມ​ໃຈ​ຫຼາຍ ທີ່​ໄດ້​ເປັນ​ສະ­ມາ­ຊິກ​ຂອງ​ອີ​ຢູ ທີ່​ໄດ້​ຖືກ​ຄົ້ນ​ພົບ​ການ​ປົກ​ປັກ​ຮັກ­ສາ​ສັນ­ຕິ­ພາບ ແລະ ປະ­ຊາ­ທິ­ປະ­ໄຕ​ຈາກ​ສົງ­ຄາມ ແລະ ລະ­ບອບ​ຜະ­ເດັດ­ການ ເຊິ່ງ​ພວກ​ເຮົາ​ກໍ​ເຮັດ​ສຳ­ເລັດ ໄດ້​ໂດຍ​ພື້ນ­ຖານ​ຂອງ​ສະ­ຫະ­ພາບ​ເອີ​ຣົບ​ແລ້ວ ທີ່​ສົ່ງ​ຜົນ​ຕໍ່​ປະ­ເທດ​ຄື​ສິດ­ທິ​ມະ­ນຸດ ແລະ ການ­ຈັດ­ຕັ້ງ​ປະ­ຕິ­ບັດ​ລະ­ບຽບ​ກົດ­ໝາຍ ນອກ​ນັ້ນ ຊູ​ແອັດ​ຍັງ​ໄດ້​ເປັນ​ສະ­ມາ­ຊິກ​ປະ­ຊາ​ຄົມ​ສາ­ກົນ.

    ໃນ​ໄລ­ຍະ​ຜ່ານ​ມາ ຊູ​ແອັດ​ໄດ້​ໃຫ້­ການ​ຊ່ວຍ­ເຫຼືອ​ໃນ​ການ​ແກ້​ໄຂ​ຄວາມ­ທຸກ​ຍາກ ພ້ອມ​ທັງ​ຍື່ນ​ມື​ເຂົ້າ​ໃນ​ການ​ສະ­ໜັບ­ສະ­ໜູນ​ວຽກ​ງານ​ແມ່­ຍິງ ແລະ ເດັກ­ນ້ອຍ​ໃນ​ລາວ.

ຂ່າວທີ່ກ່ຽວຂ້ອງ