ຂ່າວຫຼ້າສຸດ

ລັດຖະບານຍ້ອງຍໍບຸກຄົນທີ່ມີຜົນງານດີເດັ່ນ

744 05 ມິ.ຖ. 2019 ຂ່າວໜ້າ​ໜຶ່ງ
ລັດຖະບານຍ້ອງຍໍບຸກຄົນທີ່ມີຜົນງານດີເດັ່ນ

    ໂດຍ​ອີງ​ຕາມ​ລັດ​ຖະ​ດຳ­ລັດ​ຂອງ​ປະ­ທານ​ປະ­ເທດ ວ່າ​ດ້ວຍ​ການ​ປະ­ດັບ​ຫຼຽນ​ໄຊ​ແຮງ​ງານ ຊັ້ນ III ແລະ ອີງ​ຕາມ​ໃບ​ມອບ​ສິດ​ຂອງ​ທ່ານ​ນາ­ຍົກ­ລັດ­ຖະ­ມົນ­ຕີ ໃຫ້​ທ່ານ​ລັດ­ຖະ­ມົນ­ຕີ ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ຕາງ­ໜ້າ​ໃຫ້​ລັດ­ຖະ­ບານ​ລາວ​ປະ­ດັບ​ຫຼຽນ​ໄຊ​ແຮງ​ງານ ຊັ້ນ III ແລະ ໃບ​ຍ້ອງ­ຍໍ​ໃຫ້​ບຸກ­ຄົນ​ທີ່​ມີ​ຜົນ­ງານ ໃນ​ການ​ປະ­ກອບ­ສ່ວນ​ສ້າງ­ສາ​ພັດ­ທະ­ນາ​ປະ­ເທດ​ຊາດ.

    ວັນ​ທີ 31 ພຶດ­ສະ­ພາ 2019 ທີ່​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ທ່ານ ບໍ່​ວຽງ​ຄຳ ວົງ​ດາ­ລາ ລັດ­ຖະ­ມົນ­ຕີ​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ຕາງ­ໜ້າ​ໃຫ້​ລັດ­ຖະ­ບານ​ລາວ ໄດ້​ໃຫ້​ກຽດ​ປະ­ດັບ​ຫຼຽນ​ໄຊ​ແຮງ​ງານ ຊັ້ນ III ໃຫ້​ທ່ານ ອາ​ລິ​ວັນ ສີ​ທາ­ລາ ປະ­ທານ​ກຸ່ມ​ບໍ­ລິ­ສັດ AMZ ຈຳ­ກັດ ແລະ ມອບ​ໃບ​ຍ້ອງ­ຍໍ​ໃຫ້​ທ່ານ Nobuyuki AOKI ປະ­ທານ​ບໍ­ລິ­ສັດ MarunouchiCo.,ltd ທີ່​ມີ​ຜົນ­ງານ​ໃນ​ການ​ປະ­ກອບ­ສ່ວນ​ຈັດ​ຕັ້ງ​ປະ­ຕິ­ບັດ ໂຄງ­ການ​ສ້າງ​ສູນ​ຂໍ້​ມູນ​ທີ່​ນຳ​ໃຊ້​ພະ­ລັງ­ງານ​ຢ່າງ​ມີ​ປະ­ສິດ­ທິ­ພາບ​ຂອງ​ລາວ (LEED) ເຊິ່ງ​ໂຄງ­ການ​ດັ່ງ­ກ່າວ ໄດ້​ເລີ່ມ​ຈັດ​ຕັ້ງ​ປະ­ຕິ­ບັດ​ແຕ່​ປີ 2016 ແລະ ມາ​ຮອດ​ປັດ­ຈຸ­ບັນ​ໄດ້​ສຳ­ເລັດ ອັນ​ເປັນ​ການ​ປະ­ກອບ­ສ່ວນ​ສຳ­ຄັນ​ໃນ​ການ​ພັດ­ທະ­ນາ​ປະ­ເທດ​ຊາດ.

ຂ່າວທີ່ກ່ຽວຂ້ອງ