ຂ່າວຫຼ້າສຸດ

ໃສທິລາດກຣຸບ ຊຸກຍູ້ນັກກີລາລົດຖີບລາວ

738 05 ມິ.ຖ. 2019 ວົງຈອນກີລາ
ໃສທິລາດກຣຸບ ຊຸກຍູ້ນັກກີລາລົດຖີບລາວ

    ພາຍ­ຫຼັງ​ທີ່​ສະ­ຫະ­ພັນ​ກີ­ລາ​ລົດ­ຖີບ​ແຫ່ງ​ຊາດ​ລາວ ສົ່ງ​ນັກ­ກີ­ລາ​ຖີບ​ລົດ​ທີມ​ຊາດ​ລາວ 2 ຄົນ​ຄື: ທ້າວ ຖາ­ວອນ ພົນ​ອາ­ສາ ແລະ ທ້າວ ທະ­ວີ​ສັກ ສຸ­ວັນ­ນະ​ຣາ​ຊ ເຂົ້າ​ຮ່ວມ​ການ​ແຂ່ງ­ຂັນ​ຖີບ​ລົດ​ລາຍ­ການ Bikingman Lao world Championship Race ຈັດ​ຂຶ້ນ​ທີ່​ນະ­ຄອນ­ຫຼວງ​ພະ​ບາງ ແຂວງ​ຫຼວງ​ພະ​ບາງ ໃນ​ວັນ​ທີ 20-24 ພຶດ­ສະ­ພາ 2019 ໂດຍ​ເສັ້ນ­ທາງ​ແຂ່ງ­ຂັນ​ເລີ່ມ​ຈາກ​ຫຼວງ​ພະ​ບາງ-ອຸ­ດົມ​ໄຊ-ໄຊ​ຍະ​ບູ​ລີ-ກາ­ສີ ແຂວງ​ວຽງ​ຈັນ-ຫຼວງ​ພະ​ບາງ ລວມ​ໄລ­ຍະ​ທາງ 780 ກິ­ໂລ­ແມັດ ເຊິ່ງ​ທ້າວ ຖາ­ວອນ ພົນ​ອາ­ສາ ສາ­ມາດ​ຍາດ​ໄດ້​ອັນ​ດັບ​ທີ 3 ໃຊ້​ເວ­ລາ 62 ຊົ່ວ­ໂມງ 24 ນາ­ທີ.

    ຈາກ​ຜົນ­ສຳ­ເລັດ​ດັ່ງ­ກ່າວ​ວັນ​ທີ 3 ມິ­ຖຸ­ນາ 2019 ຢູ່​ບໍ­ລິ­ສັດ ໃສ​ທິ​ລາດ​ກຣຸບ ທ່ານ ສຸກ​ສາ­ຄອນ ໃສ​ທິ​ລາດ ປະ­ທານ​ບໍ­ລິ­ສັດ ໃສ​ທິ​ລາດ​ກຣຸບ ປະ­ທານ​ສະ­ຫະ­ພັນ​ລົດ­ຖີບ​ນະ­ຄອນ­ຫຼວງ​ວຽງ​ຈັນ ຮອງ​ປະ­ທານ​ສະ­ຫະ­ພັນ​ລົດ­ຖີບ​ແຫ່ງ​ຊາດ​ລາວ ໄດ້​ມອບ​ເງິນ​ຊຸກ­ຍູ້ 10 ລ້ານ​ກີບ ໃຫ້​ທ້າວ ຖາ­ວອນ ພົນ​ອາ­ສາ ເພື່ອ​ເປັນ​ຂວັນ​ກຳ­ລັງ​ໃຈ ພ້ອມ​ທັງ​ເນັ້ນ​ຕໍ່​ນັກ­ກີ­ລາ ແລະ ຄູ​ເຝິກ​ໃຫ້​ເອົາ­ໃຈ­ໃສ່​ສືບ­ຕໍ່​ເຝິກ­ຊ້ອມ ເພື່ອ​ພັດ­ທະ­ນາ​ວົງ​ການ​ກີ­ລາ​ຖີບ​ລົດ​ລາວ ກ້າວ​ສູ່​ລະ­ດັບ​ພາກ​ພື້ນ ແລະ ສາ­ກົນ​ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ