ຂ່າວຫຼ້າສຸດ

ຈຸ​ນັກ​ບິນ​ທີ່​ມີ​ອາຍຸ​ຕ່ຳ​ກວ່າ 18 ປີ ມີ​ກຳນົດ​ບິນ​ຜ່ານ​ທະວີບ​ດ້ວຍ​ເຮືອບິນ​ທີ່​ປະກອບ​ເອົາ​ເອງ

518 05 ມິ.ຖ. 2019 ຂ່າວຕ່າງປະເທດ
ຈຸ​ນັກ​ບິນ​ທີ່​ມີ​ອາຍຸ​ຕ່ຳ​ກວ່າ 18 ປີ ມີ​ກຳນົດ​ບິນ​ຜ່ານ​ທະວີບ​ດ້ວຍ​ເຮືອບິນ​ທີ່​ປະກອບ​ເອົາ​ເອງ

    ນັກ​ບິນ​ຊາວ​ອາ​ຟະ​ຣິກ​ກາ​ໃຕ້​ຈຸ​ໜຶ່ງ ປະກອບ​ມີ 20 ຄົນ ທີ່​ມີ​ອາຍຸ​ຕ່ຳ​ກວ່າ 18 ປີ ໄດ້​ຕົກລົງ​ປະຕິບັດ​ການບິນ​ຜ່ານ​ທະວີບ​ອາ​ຟະ​ຣິກ​ກາ ໃນ​ວັນ​ທີ 15 ມິຖຸນາ​ນີ້ ໂດຍ​ໃຊ້​ເຮືອບິນ 4 ລຳ ທີ່​ພວກ​ເຂົາ​ປະກອບ​ຂຶ້ນ​ມາ​ເອງ ຊຶ່ງ​ຈະ​ບິນ​ໃນ​ເສັ້ນທາງ​ຍາວ​ເທົ່າ​ກັບ  7.500 ​ກມ ຈາກ​ນະຄອນ ແຄບ ທາວ (ອາ​ຟະ​ຣິກ​ກາ​ໃຕ້) ໄປ​ຍັງ​ນະຄອນ ເລີ​ແກ (ປະເທດ ເອ​ຢິບ).

    ນີ້​ນັບ​ວ່າ​ເປັນ​ເທື່ອ​ທຳ​ອິດ ໃນ​ປະຫວັດສາດ​ຂອງ​ຂະແໜງການ​ບິນ​ໂລກ ທີ່​ຈຸ​ນັກ​ບິນ​ໃນ​ໄວ​ຕ່ຳ​ກວ່າ 18 ປີ ປະຕິບັດ​ການ​ບັນຊາ​ເຮືອບິນ ທີ່​ພວກ​ເຂົາ​ປະກອບ​ຂຶ້ນ​ມາ​ເອງ.

    ຂ່າວ​ແຈ້ງວ່າ ຈຸ​ນັກ​ບິນ​ດັ່ງກ່າວ ມາ​ຈາກ​ຫຼາຍ​ທ້ອງຖິ່ນ​ທີ່​ແຕກ​ຕ່າງ​ກັນ ຊຶ່ງ​ພວກ​ເຂົາ​ຕ່າງ​ກໍ​ພວມ​ສຶກ​ສາ​ຢູ່ ໂດຍ​ຈະ​ບັນຊາ​ເຮືອບິນ 4 ລຳ ຈາກ​ນະຄອນ ແຄບ ທາວ ໄປ​ຫາ​ຈຸດ​ສຸດ​ທ້າຍ​ກໍ​ແມ່ນ​ທີ່​ນະຄອນ ເລີ​ແກ.

ເຮືອບິນ​ດັ່ງກ່າວ ຕິດ​ຕັ້ງ​ໃບ​ພັດ​ໄວ້​ທີ່​ສ່ວນ​ປາຍ​ສຸດ​ດ້ານ​ໜ້າ​ຂອງ​ຕົວ​ເຮືອບິນ; ແລະ​ໃນ​ສ່ວນ​ລຳ​ຕົວ ແລະ ​ປີກ​ຂອງ​ເຮືອບິນ ໄດ້​ຮັບ​ການ​ປະກອບ​ດ້ວຍ​ວັດ​ສະ​ດຸ​ປະສົມ​ອາ​ລູ​ມີ​ນຽມ ທີ່​ມີ​ນ້ຳໜັກ​ເບົາ.

    ຄາດ​ວ່າ ກ່ອນ​ທີ່​ຈະ​ໄປ​ຮອດ​ນະຄອນ​ເລີ​ແກ ຄະນະ​ບິນ​ດັ່ງກ່າວ​ຈະ​ຢຸດ​ແວ່​ທີ່​ປະເທດ ນາ​ມີ​ບີ ຊິມ​ບັບ​ເວ ມາລາ​ວີ ຕັງ​ຊາ​ນີ ເຄນ​ຢາ ເອ​ທີ​ໂອ​ປີ ເອ​ຣິ​ເທຣຍ.

ຂ່າວທີ່ກ່ຽວຂ້ອງ