ຂ່າວຫຼ້າສຸດ

ບາ​ເຣນ ອະນຸຍາດ​ໃຫ້​ບໍລິສັດ​ຂອງ​ຕ່າງປະເທດ​ຄອບ​ຄອງ​ໂຄງການ​ນ້ຳມັນ ແລະ ​ແກ​​ັສ

252 05 ມິ.ຖ. 2019 ຂ່າວຕ່າງປະເທດ
ບາ​ເຣນ ອະນຸຍາດ​ໃຫ້​ບໍລິສັດ​ຂອງ​ຕ່າງປະເທດ​ຄອບ​ຄອງ​ໂຄງການ​ນ້ຳມັນ ແລະ ​ແກ​​ັສ

   ຕາມ​ຂ່າວ​ຕ່າງປະເທດ ວັນ​ທີ 2 ມິຖຸນາ​ນີ້ ນາຍົກລັດຖະມົນຕີ​ບາ​ເຣນ ເຊັກ ຄາ​ລີ​ຟາ ບິນ ຊາ​​ລ​ມານ ອາ​​ລ ຄາ​ລີ​ຟາ ໄດ້​ປະກາດ​ໃຊ້​ດຳລັດ​ສະບັບ​ໜຶ່ງ ຊຶ່ງ​ຕາມ​ນັ້ນແລ້ວ ບັນດາ​ບໍລິສັດ​ຂອງ​ຕ່າງປະເທດ ຈະ​ໄດ້​ຮັບ​ສິດ​ຜັນ​ຂະຫຍາຍ​ບັນດາ​ການເຄື່ອນໄຫວ​ຂຸດ​ຄົ້ນ​ນ້ຳມັນ ແລະ ແກ​​ັສ ຢູ່​ໃນ​ບາ​ເຣນ.

   ສຳນັກ​ຂ່າວສານ​ຂອງ​ບາ​ເຣນ ໃຫ້​ຮູ້​ວ່າ ບັນດາ​ຂໍ້​ກຳນົດ​ໃໝ່​ລະບຸ​ວ່າ ບັນດາ​ບໍລິສັດ​ຂອງ​ຕ່າງປະເທດ ຈະ​ໄດ້​ຮັບ​ອະນຸຍາດ​ຄອບ​ຄອງ 100% ຂອງ​ບັນດາ​ໂຄງການ​ຂຸດ​ຄົ້ນ​ນ້ຳມັນ ແລະ ​ແກ​​ັສ ຖ້າ​ຫາ​ກວ່າ​ໄດ້​ຮັບ​ການ​ລົງ​ນາມ ຫຼື​ພວມ​ຢູ່​ໃນ​ໄລຍະ​ເຮັດ​ສຳເລັດ​ການ​ລົງ​ນາມ​ຂໍ້​ຕົກລົງ​ກັບ​ລັດຖະບານ​ບາ​ເຣນ ກ່ຽວ​ກັບ​ການ​ຂຸດ​ຄົ້ນ ແລະ​ຜະລິດ​ນ້ຳມັນ ແລະ ແກ​​ັສ ຢູ່​ໃນ​ບາ​ເຣນ.

   ບາ​ເຣນ ເປັນ​ປະເທດ​ຜູ້​ຜະລິດ​ນ້ຳມັນ​ລາຍ​ນ້ອຍ​ສຸດ ຢູ່​ໃນ​ສະພາ​ການ​ຮ່ວມ​ມື​ເຂດ​ອ່າວ. ເມື່ອ​ປີ​ກາຍ ບາ​ເຣນ ໄດ້​ແຈ້ງ​ໃຫ້​ຮູ້​ເຖິງ​ການ​ຄົ້ນ​ພົບ​ບໍ່​ນ້ຳມັນ ແລະ ​ແກ​​ັສ ແຫ່ງ​ໃຫຍ່​ສຸດ​ເທົ່າ​ທີ່​ເຄີຍ​ມີ​ມາ​ຢູ່​ໃນ​ປະເທດ​ນີ້. ຕາມ​ນັ້ນແລ້ວ ບໍ່​ນ້ຳມັນ​ດັ່ງກ່າວ​ຖືກ​ຄົ້ນ​ພົບ​ຢູ່​ທາງ​ທິດຕາເວັນຕົກ​ຂອງ​ປະເທດ​ບາ​ເຣນ ຊຶ່ງ​ມີ​ປະລິມານ​ນ້ຳມັນ​ສະ​ສົມ​ຢູ່​ປະມານ 80 ຕື້​ບາ​ເຣນ ແລະ ແກ​​ັສ​ປະມານ 10.000-20.000 ຕື້​ແມັດ​ກ້ອນ.

ຂ່າວທີ່ກ່ຽວຂ້ອງ