ສຸກອາພອນ ຊ່ວຍທີມຊາດລາວ ໄລ່ສະເໝີ ສີລັງກາ ນັດອຸ່ນເຄື່ອງ

779 04 ມິ.ຖ. 2019 ວົງຈອນກີລາ
ສຸກອາພອນ ຊ່ວຍທີມຊາດລາວ ໄລ່ສະເໝີ ສີລັງກາ ນັດອຸ່ນເຄື່ອງ

    ສຸກ​ອາ­ພອນ ວົງ​ຈຽງ​ຄຳ (ເມັສ​ຊີ້​ລາວ) ລົງ​ເປັນ​ຕົວ​ສຳ­ຮອງ ເໝົາ​ສອງ​ປະ­ຕູ​ຊ່ວຍ​ທີມ​ຊາດ​ລາວ ໄລ່​ຕີ​ສະ­ເໝີ ທີມ​ຊາດ​ສີ​ລັງ­ກາ 2-2 ໃນ​ການ​ອຸ່ນ​ເຄື່ອງ​ທົດ​ສອບ​ທີມ ໃນ​ວັນ​ທີ 31 ພຶດ­ສະ­ພາ 2019 ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ນະ­ຄອນ­ຫຼວງ​ວຽງ​ຈັນ ກ່ອນ​ການ​ຄັດ​ເລືອກ​ບານ​ໂລກ​ປີ 2022 ຮອບ​ທີ 1 ຂົງ­ເຂດ​ອາ­ຊີ​ໃນ​ຕົ້ນ​ເດືອນ​ມິ­ຖຸ­ນາ 2019.

    ການ​ອຸ່ນ​ເຄື່ອງ​ນັດ​ນີ້​ເປັນ​ນັດ​ທີ 2 ທີ່​ທັງ​ສອງ​ທີມ​ພົບ​ກັນ​ໃນ​ອາ­ທິດ​ນີ້ ເຊິ່ງ​ນັດ​ທີ 1 ວັນ​ທີ 28 ພຶດ­ສະ­ພາ 2019 ທີມ​ຊາດ​ລາວ​ແຊງ​ຊະ­ນະ 2-1 ໃນ 4 ນາ­ທີ​ສຸດ​ທ້າຍ ນັດ​ນີ້​ສີ​ລັງ­ກາ​ແກ້​ເກມ​ມາ​ດີ ຕັ້ງ​ທີ 1 ບໍ່​ມີ​ປະ­ຕູ ແຕ່​ເຄິ່ງ​ຫຼັງ ສີ​ລັງ­ກາ​ອອກ​ນຳ​ກ່ອນ ຈາກ​ການ​ສະ­ກັດ​ບານ​ເຂົ້າ​ປະ­ຕູ​ຕົນ​ເອງ​ຂອງ ທິນ­ນະ­ກອນ ວົງ­ສາ ກອງ​ຫຼັງ ນາ­ທີໆ 50 ຈາກ​ນັ້ນ ສີ​ລັງ­ກາ​ມາ​ໄດ້​ປະ­ຕູ​ທີ​ສອງ​ໃນ​ນາ­ທີ 70 ເຮັດ​ໃຫ້​ສະ­ຖາ­ນະ​ການ​ຂອງ​ທີມ​ຊາດ​ລາວ​ຍາກ​ລຳ­ບາກ​ກວ່າ​ເກົ່າ ກັບ​ຄວາມ​ຫວັງ​ຈະ​ຄວ້າ​ໄຊ​ໃນ​ນັດ​ນີ້ ແຕ່​ທີມ​ຊາດ​ລາວ​ເປີດ​ເກມ​ບຸກ​ແລກ​ສີ​ລັງ­ກາ ແລະ ມາ​ໄດ້​ຈຸດ​ໂທດ​ໃນ​ນາ­ທີໆ 84 ຈາກ​ການ​ຍິງ​ຂອງ ສຸກ​ອາ­ພອນ ວົງ​ຈຽງ​ຄຳ ທີ່​ລົງ​ມາ​ຊ່ວຍ​ທີມ​ໃນ​ຖາ­ນະ​ຕົວ​ສຳ­ຮອງ ແລະ ມາ​ປະ­ສົບ​ຜົນ­ສຳ­ເລັດ​ໄດ້​ປະ­ຕູ​ຕີ​ສະ­ເໝີ​ຈາກ​ຜູ້​ເກົ່າ ສຸກ​ອາ­ພອນ ວົງ​ຈຽງ​ຄຳ ໄລ­ຍະ​ຕໍ່​ເວ­ລາ​ບາດ­ເຈັບ​ນາ­ທີ 90+2 ຈົບ​ເກມ ທີມ​ຊາດ​ລາວ​ລອດ​ຈາກ​ຄວາມ​ປະ​ລາ​ໄຊ​ແບບ​ຫວຸດ​ຫວິດ.

    ສຳ­ລັບ​ທີມ​ຊາດ​ລາວ ມີ​ຕາ­ຕະ­ລາງ​ລົງ​ແຂ່ງ­ຂັນ​ບານ­ເຕະ​ໃນ​ການ​ຄັດ​ເລືອກ​ບານ​ໂລກ​ປີ 2022 ຮອບ​ທີ 1 ຂົງ­ເຂດ​ອາ­ຊີ​ພົບ​ກັບ​ທີມ​ຊາດ​ບັງ​ກະ­ລາ​ເດັສ ວັນ​ທີ 6 ມິ­ຖຸ­ນາ 2019 ແຂ່ງ​ຢູ່​ສະ­ໜາມ​ກີ­ລາ​ແຫ່ງ​ຊາດ​ຫຼັກ 16 ແລະ ວັນ​ທີ 11 ມິ­ຖຸ­ນາ 2019 ຈະ​ກັບ​ໄປ​ແຂ່ງ­ຂັນ​ຢູ່​ບັງ​ກະ­ລາ​ເດັສ.

ຂ່າວທີ່ກ່ຽວຂ້ອງ