ຂ່າວຫຼ້າສຸດ

ອົງການຈັດຕັ້ງມະຫາຊົນ ກະຊວງ ຮສສ ສ້າງຂະບວນການ

1.122 31 ພ.ພ. 2019 ວົງຈອນກີລາ
ອົງການຈັດຕັ້ງມະຫາຊົນ ກະຊວງ ຮສສ ສ້າງຂະບວນການ

    3 ອົງ​ການ­ຈັດ­ຕັ້ງ​ມະ­ຫາ­ຊົນ (ສະ­ຫະ­ພັນ​ແມ່­ຍິງ ຊາວ​ໜຸ່ມ ແລະ ກຳ­ມະ­ບານ) ກະ­ຊວງ​ແຮງ​ງານ ແລະ ສະ­ຫວັດ­ດີ​ການ-ສັງ­ຄົມ (ຮສສ) ຈັດ​ແຂ່ງ­ຂັນ​ກີ­ລາ​ບານ­ເຕະ ແລະ ດຶງ​ຊອກ ຍິງ-ຊາຍ ຊີງ​ຂັນ​ທ່ານ​ລັດ­ຖະ­ມົນ­ຕີ​ກະ­ຊວງ ຮສສ ເພື່ອ​ສ້າງ​ຂະ​ບວນ​ການ​ຕ້ອນ­ຮັບ​ກອງ​ປະ­ຊຸມ​ໃຫຍ່ ຄັ້ງ​ທີ V ຂອງ​ກະ­ຊວງ​ດັ່ງ­ກ່າວ ໃຫ້​ມີ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ແລະ ມີ​ຄວາມ​ໝາຍ​ຄວາມ​ສຳ­ຄັນ ທັງ​ເປັນ​ການ​ຮັດ​ແໜ້ນ​ຄວາມ​ສາ­ມັກ­ຄີ​ເຊິ່ງ​ກັນ ແລະ ກັນ ລະ­ຫວ່າງ​ສະ­ມາ­ຊິກ 3 ອົງ​ການ­ຈັດ­ຕັ້ງ​ມະ­ຫາ­ຊົນ.

    ການ​ແຂ່ງ­ຂັນ​ດັ່ງ­ກ່າວ ຈັດ​ຂຶ້ນ​ວັນ​ທີ 25 ພຶດ­ສະ­ພາ 2019 ຢູ່​ສະ­ໜາມ​ກີ­ລາ​ກູດ​ໄລ ໂດຍ​ມີ​ທ່ານ​ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ ຮສສ ພ້ອມ​ດ້ວຍ​ບັນ­ດາ​ຄະ­ນະ​ປະ­ຈຳ​ພັກ ຫ້ອງ­ການ ກົມ ສູນ ສະ​ຖາ​ບັນ ບໍ­ລິ­ສັດ​ຈັດ​ຫາ​ງານ ສະ­ມາ­ຊິກ​ອົງ​ກາ​ຈັດ​ຕັ້ງ​ມະ­ຫາ­ຊົນ​ເຂົ້າ​ຮ່ວມ.

    ຜ່ານ​ການ​ແຂ່ງ­ຂັນ​ດຶງ­ເຊືອກ​ຊາຍ ແລະ ບານ­ເຕະ​ຊາຍ ຊະ­ນະ​ເລີດ​ໄດ້­ແກ່​ກຸ່ມ​ບໍ­ລິ­ສັດ​ຈັດ​ຫາ​ງານ ສ່ວນ​ດຶງ­ເຊືອກ​ຍິງ ຊະ­ນະ​ເລີດ​ແມ່ນ 3 ສູນ​ເສຍ​ອົງ­ຄະ ບານ­ເຕະ​ຍິງ ຊະ­ນະ​ເລີດ​ແມ່ນ​ຫ້ອງ­ການ​ກະ­ຊວງ ຮສສ.

ຂ່າວທີ່ກ່ຽວຂ້ອງ