ຂ່າວຫຼ້າສຸດ

ສື່ມວນຊົນ ທັດສະນະສຶກສາແຫຼ່ງພະລັງງານໄຟຟ້າ

780 29 ພ.ພ. 2019 ຂ່າວໜ້າ​ໜຶ່ງ
ສື່ມວນຊົນ ທັດສະນະສຶກສາແຫຼ່ງພະລັງງານໄຟຟ້າ

    ລັດ​ວິ​ສາ​ຫະ​ກິດ​ໄຟ­ຟ້າ​ລາວ (ຟຟລ) ນຳ­ພາ​ສື່​ມວນ​ຊົນ​ຂະ­ແໜງ​ຕ່າງໆ ທັດ­ສະ­ນະ​ສຶກ​ສາ​ແຫຼ່ງ​ຜະ­ລິດ​ພະ­ລັງ­ງານ​ໄຟ­ຟ້າ ສາຍ​ສົ່ງ ສະ­ຖາ­ນີ ແລະ ການ​ບໍ­ລິ­ການ​ໄຟ­ຟ້າ​ຂອງ​ຝ່າຍ​ປະ­ຕິ­ບັດ​ການ​ໄຟ­ຟ້າ​ນະ­ຄອນ­ຫຼວງ ວັນ​ທີ 27-28 ພຶດ­ສະ­ພາ 2019 ເຊິ່ງ​ນຳ­ພາ​ໂດຍ​ທ່ານ ທິບ​ພະ­ຈັນ ຊາ​ມຸນ­ຕີ ຮອງ​ຫົວ­ໜ້າ​ຫ້ອງ­ການ​ຂໍ້​ມູນ​ຂ່າວ­ສານ ແລະ ປະ­ຊາ­ສຳ­ພັນ ຟຟລ.

    ການ​ລົງ​ທັດ­ສະ­ນະ​ສຶກ​ສາ​ຄັ້ງ​ນີ້ ໄດ້​ຢ້ຽມ­ຢາມ​ເຂື່ອນ​ໄຟ­ຟ້າ​ນ້ຳ​ງຶ່ມ 1 ແຂວງ​ວຽງ​ຈັນ ເບິ່ງ​ເຮືອນ​ຈັກ​ຜະ­ລິດ​ກະ­ແສ​ໄຟ­ຟ້າ ແລະ ພາກ​ຂະ­ຫຍາຍ​ການ​ຜະ­ລິດ​ກະ­ແສ​ໄຟ­ຟ້າ ເບີ 7 8 ທີ່​ກໍ່­ສ້າງ​ສຳ­ເລັດ ແລະ ເປີດ​ໃຊ້​ກາງ​ປີ 2018 ຈາກ​ນັ້ນ ກໍ​ໄດ້​ໄປ​ສະ­ຖາ­ນີ​ໄຟ­ຟ້າ​ໂພນ​ຕ້ອງ (ລະ­ບົບ​ສົ່ງ​ໄຟ­ຟ້າ​ພາກ​ກາງ 1) ນະ­ຄອນ­ຫຼວງ​ວຽງ​ຈັນ ເຊິ່ງ​ສະ­ຖາ­ນີ​ດັ່ງ­ກ່າວ ເປັນ​ບ່ອນ​ຮັບ​ກະ­ແສ​ໄຟ­ຟ້າ​ທີ່​ມາ​ຈາກ​ເຂື່ອນ​ໄຟ­ຟ້າ​ນ້ຳ​ງຶ່ມ 1 ນ້ຳ​ລີກ 2 ແລະ ເຂື່ອນ​ໄຟ­ຟ້າ​ນ້ຳ​ມັງ 3 ແລ້ວ​ແຈກ​ຢາຍ​ໃຫ້ 9 ສະ­ຖາ­ນີ​ໄຟ­ຟ້າ​ໃນ​ນະ­ຄອນ­ຫຼວງ​ວຽງ​ຈັນ ຈາກ​ນັ້ນ ກໍ​ໄດ້​ໄປ​ຢ້ຽມ­ຢາມ​ຝ່າຍ​ປະ­ຕິ­ບັດ​ການ​ໄຟ­ຟ້າ​ນະ­ຄອນ­ຫຼວງ​ວຽງ​ຈັນ (ໜອງ​ບຶກ) ເຊິ່ງ​ຝ່າຍ​ປະ­ຕິ­ບັດ​ການ​ນີ້​ແມ່ນ​ໃຫ້​ບໍ­ລິ­ການ 3 ໜ້າ­ທີ່​ຄື: ບໍ­ລິ­ການ​ຕິດ​ຕັ້ງ​ໝໍ້­ນັບ­ໄຟ ລະ­ບົບ​ເຕັກ­ນິກ ບຳ­ລຸງ​ຮັກ­ສາ ເກັບ​ເງິນ ເກັບ​ໄຟ ທວງ​ໜີ້ ຄຸ້ມ​ຄອງ​ພະ­ລັງ­ງານ​ຕົກ­ເຮ່ຍ.

    ຈຸດ­ປະ­ສົງ​ເພື່ອ​ໃຫ້​ສື່​ມວນ​ຊົນ​ຮັບ​ຮູ້ ແລະ ເຂົ້າ­ໃຈ​ຕໍ່​ການ​ດຳ­ເນີນ​ທຸ­ລະ​ກິດ​ຂອງ ຟຟລ ພ້ອມ​ທັງ​ຂັ້ນ​ຕອນ ການ​ຜະ­ລິດ​ກະ­ແສ​ໄຟ­ຟ້າ​ຈົນ​ເຖິງ​ຂັ້ນ​ຕອນ​ການ​ບໍ­ລິ­ການ​ສູ່​ສັງ­ຄົມ ເພື່ອ​ໃຫ້​ສື່​ຕ່າງໆ​ນຳ​ສະ­ເໜີ​ຂໍ້​ມູນ​ຂ່າວ­ສານ​ຂອງ ຟຟລ ໃຫ້​ມີ​ຄວາມ​ຊັດ​ເຈນ ຖືກ­ຕ້ອງ ແລະ ເປັນ​ເອ­ກະ​ພາບ.

ຂ່າວທີ່ກ່ຽວຂ້ອງ