ຫາດຊາຍຟອງ ປູກໄມ້ໃຫ້ເປັນສີຂຽວສ້າງສິ່ງແວດລ້ອມທີ່ດີ

398 27 ພ.ພ. 2019 ຂ່າວໜ້າ​ໜຶ່ງ
ຫາດຊາຍຟອງ ປູກໄມ້ໃຫ້ເປັນສີຂຽວສ້າງສິ່ງແວດລ້ອມທີ່ດີ

    ເນື່ອງ​ໃນ​ໂອ­ກາດ​ວັນ​ປູກ​ຕົ້ນ­ໄມ້​ແຫ່ງ​ຊາດ ວັນ​ທີ 1 ມິ­ຖຸ­ນາ ແລະ ປະ­ກອບ­ສ່ວນ​ໃນ​ການ​ສ້າງ​ຂະ​ບວນ​ການ​ຕ້ອນ­ຮັບ​ວັນ​ສຳ­ຄັນ​ຕ່າງໆ​ຂອງ​ພັກ​ຂອງ​ຊາດ ທັງ​ເປັນ​ການ­ຈັດ­ຕັ້ງ​ຜັນ​ຂະ­ຫຍາຍ​ນະ­ໂຍ­ບາຍ 6 ສ ໂດຍ​ສະ­ເພາະ ສ ສີ­ຂຽວ ສ້າງ​ຄວາມ​ຮົ່ມ​ເຢັນ ແລະ ເສີມ​ສ້າງ​ສິ່ງ­ແວ­ດລ້ອມ​ທີ່​ດີ​ໃຫ້​ອາ­ກາດ​ສົດ­ຊື່ນ​ໃນ​ຕົວ​ເມືອງ.

    ທ່ານ ສົມ​ເຫວີຍ ທຳ​ມະ​ໂຄດ ຫົວ­ໜ້າ​ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ຫາດ​ຊາຍ​ຟອງ ໃຫ້​ສຳ­ພາດ​ວ່າ: ໂດຍ​ປະ­ຕິ­ບັດ​ຕາມ​ເນື້ອ​ໃນ​ຈິດ­ໃຈ ຄຳ​ສັ່ງ​ແນະ­ນຳ​ຂອງ​ຂັ້ນ​ເທິງ ແລະ ແຜນ​ວຽກ​ຂອງ​ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ຫາດ​ຊາຍ​ຟອງ ໃນ​ການ​ສ້າງ​ຕົວ​ເມືອງ​ສີ­ຂຽວ​ສິ່ງ­ແວ­ດລ້ອມ​ດີ​ໜ້າ​ຢູ່​ຫ້ອງ­ການ​ກະ­ສິ­ກຳ ແລະ ປ່າ­ໄມ້​ເມືອງ ໄດ້​ປະ­ສານ​ສົມ­ທົບ​ກັບ​ອົງ­ການ​ປົກ­ຄອງ​ເມືອງ ອົງ​ການ­ຈັດ­ຕັ້ງ​ມະ­ຫາ­ຊົນ ອຳ­ນາດ​ການ​ປົກ­ຄອງ ແລະ ຫ້າງ​ຮ້ານ​ບໍ­ລິ­ສັດ ປະ­ຊາ­ຊົນ​ພາຍ​ໃນ​ເມືອງ ພ້ອມ​ກັນ​ຈັດ​ກິດ­ຈະ­ກຳ​ປູກ​ຕົ້ນ­ໄມ້ ເຊິ່ງ​ຕາມ​ແຜນ­ການ​ປີ​ນີ້​ຈະ​ຈັດ​ຢູ່ 2 ຈຸດ ຕາມ​ເສັ້ນ­ທາງ​ທ່າ​ເດືອ ແລະ ເສັ້ນ­ທາງ 450 ປີ ເຊິ່ງ​ເລີ່ມ​ຈັດ​ກິດ­ຈະ­ກຳ​ວັນ​ທີ 25 ພຶດ­ສະ­ພາ 2019 ເປັນ­ຕົ້ນ​ໄປ.

    ສຳ­ລັບ​ກິດ­ຈະ­ກຳ​ການ​ປູກ​ຕົ້ນ­ໄມ້​ຄັ້ງ​ນີ້ ສະ­ເພາະ​ເສັ້ນ­ທາງ​ທ່າ​ເດື່ອ​ຈະ​ປູກ​ໄມ້​ດູ່ ຝາງ​ແດງ ດອກ​ໄມ້​ປະ­ດັບ ຕາມ​ຈຸດ​ເງື່ອນ­ໄຂ​ທີ່​ສາ­ມາດ​ປູກ​ໄດ້ ສ່ວນ​ເສັ້ນ­ທາງ 450 ປີ ມີ​ຄວາມ​ຍາວ 3.000 ແມັດ ລະ­ດົມ​ກັນ​ປູກ​ຕົ້ນ­ໄມ້​ທົດ​ແທນ​ໃນ​ປີ­ຜ່ານ­ມາ​ທີ່​ຕາຍ ແລະ ບໍ່​ຂະ­ຫຍາຍ­ຕົວ​ຄືນ­ໃໝ່​ປະ­ມານ 135 ຕົ້ນ ພ້ອມ​ທັງ​ປູກ​ຕົ້ນ​ດອກ​ຈຳ­ປາ​ຄືນ 393 ຕົ້ນ ແລະ ເພີ່ມ​ປູກ​ດອກ​ເຈ້ຍ 2.971 ຕົ້ນ.

    ນອກ­ຈາກ​ນີ້ ຍັງ​ໄດ້​ລະ­ດົມ​ສຳ­ນັກ­ງານ ອົງ­ການ ອຳ­ນາດ​ການ​ປົກ­ຄອງ ແລະ ປະ­ຊາ­ຊົນ 60 ບ້ານ​ພາຍ​ໃນ​ເມືອງ ພ້ອມ​ກັນ​ປູກ​ຕົ້ນ­ໄມ້​ອຸດ­ສາ­ຫະ­ກຳ ໄມ້​ໃຫ້​ໝາກ ຕາມ​ເງື່ອນ­ໄຂ​ສະ­ພາບ​ແວດ​ລ້ອມ​ທີ່​ເອື້ອ​ອຳ­ນວຍ ເພື່ອ​ປະ­ກອບ­ສ່ວນ​ເຂົ້າ​ໃນ​ຂະ​ບວນ​ການ​ຄັ້ງ​ນີ້ ພ້ອມ​ດຽວ​ກັນ​ກໍ​ຮຽກ­ຮ້ອງ​ມາ​ຍັງ​ອຳ­ນາດ​ການ​ປົກ­ຄອງ ແລະ ປະ­ຊາ­ຊົນ ນອກ­ຈາກ​ການ​ປູກ​ໄມ້​ແລ້ວ ສິ່ງ​ສຳ­ຄັນ​ແມ່ນ​ໃຫ້​ເອົາ­ໃຈ­ໃສ່​ການ​ບົວ­ລະ­ບັດ​ຮັກ­ສາ ເຮັດ​ໃຫ້​ຕົ້ນ­ໄມ້​ທີ່​ປູກ​ໄປ​ແລ້ວ​ນັ້ນ ເກີດ​ດອກ​ອອກ​ຜົນ​ນຳ​ຜົນ​ປະ­ໂຫຍດ​ມາ­ສູ່​ສັງ­ຄົມ.

ຂ່າວທີ່ກ່ຽວຂ້ອງ