ຂ່າວຫຼ້າສຸດ

ນັກກີລາແລ່ນ-ລານລາວ ຍາດໄດ້ຫຼຽນຄຳ ໃນລາຍການ ໄທແລນ ໂອເພັນ

864 23 ພ.ພ. 2019 ວົງຈອນກີລາ
ນັກກີລາແລ່ນ-ລານລາວ ຍາດໄດ້ຫຼຽນຄຳ ໃນລາຍການ ໄທແລນ ໂອເພັນ

    ການ​ແຂ່ງ­ຂັນ​ແລ່ນ-ລານ ລາຍ­ການ ໄທ​ແລນ ໂອ​ເພັນ 2019 ຫຼື Thailand Open 2019 ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 18-21 ພຶດ­ສະ­ພາ 2019 ຢູ່​ສະ­ໜາມ​ສຸກ​ພັກ​ສະ​ລາ​ໃສ ບາງ­ກອກ ປະ­ເທດ​ໄທ ເຊິ່ງ​ລາຍ­ການ​ນີ້ ສະ­ຫະ­ພັນ​ແລ່ນ-ລານ​ແຫ່ງ​ຊາດ​ລາວ ສົ່ງ​ນັກ­ກີ­ລາ​ເຂົ້າ​ຮ່ວມ​ທັງ​ໝົດ 9 ລາຍ­ການ ແລະ ສາ­ມາດ​ສ້າງ​ຜົນ­ງານ​ໄດ້​ຢ່າງ​ໜ້າ​ພໍ­ໃຈ ຫຼັງ​ຈາກ​ສາ­ມາດ​ຍາດ​ມາ​ໄດ້ 1 ຫຼຽນ​ຄຳ ຈາກ​ແລ່ນ​ຂ້າມ​ຮົ້ວ 110 ແມັດ​ຊາຍ 2 ຫຼຽນ​ເງິນ ຈາກ​ເຕັ້ນ​ຍາວ​ຍິງ ແລະ 4x100 ແມັດ​ຍິງ ແລະ 1 ຫຼຽນ​ທອງ ຈາກ​ແລ່ນ​ຂ້າມ​ຮົ້ວ 100 ແມັດ​ຍິງ.

    ແນວ­ໃດ​ກໍ​ຕາມ ລາຍ­ການ​ນີ້ ທ້າວ ອາ​ນຸ​ສອນ ໄຊ​ສາ ນັກ­ກີ­ລາ​ທີມ​ຊາດ​ລາວ ປະ­ເພດ​ແລ່ນ​ຂ້າມ​ຮົ້ວ 110 ແມັດ ທີ່​ຍາດ​ໄດ້​ຫຼຽນ​ຄຳ​ຄັ້ງ​ນີ້ ທີ່​ແລ່ນ​ເຂົ້າ​ເສັ້ນ​ໄຊ​ແບບ​ຕ້ອງ​ໄດ້​ໃຊ້​ພາບ​ຖ່າຍ​ຕັດ­ສິນ ເພາະ​ສູ​ສີ​ກັບ​ນັກ­ກີ­ລາ​ຈາກ​ສີ​ລັງ­ກາ ແລະ ຫຼຽນ​ຄຳ​ຄັ້ງ​ນີ້ ເປັນ​ການ​ສ້າງ​ສະ­ຖິ­ຕິ​ໃໝ່​ຂອງ ອາ​ນຸ​ສອນ ໄຊ​ສາ ດ້ວຍ​ເວ­ລາ 14,22 ວິ­ນາ­ທີ ເຊິ່ງ​ຫຼັງ​ຈາກ​ຈົບ​ລາຍ­ການ​ດັ່ງ­ກ່າວ ອາ​ນຸ​ສອນ ພ້ອມ​ດ້ວຍ​ນັກ­ກີ­ລາ​ອີກ 5 ຄົນ ຈະ​ເດີນ­ທາງ​ໄປ​ເກັບ​ຕົວ​ເຝິກ­ຊ້ອມ​ຢູ່​ປະ­ເທດ​ຍີ່­ປຸ່ນ ເພື່ອ​ກະ­ກຽມ​ຄວາມ​ພ້ອມ​ໃນ​ດ້ານ​ຕ່າງໆ ກ່ອນ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟິ​ລິບ​ປິນ ທ້າຍ​ປີ 2019 ນີ້.

ຂ່າວທີ່ກ່ຽວຂ້ອງ