ຂ່າວຫຼ້າສຸດ

ສ້າງຂະບວນການຮັບຕ້ອນກອງປະຊຸມໃຫຍ່ ແມ່ຍິງທົ່ວເມືອງຫົງສາ

593 23 ພ.ພ. 2019 ວົງຈອນກີລາ
ສ້າງຂະບວນການຮັບຕ້ອນກອງປະຊຸມໃຫຍ່ ແມ່ຍິງທົ່ວເມືອງຫົງສາ

    ສະ­ຫະ­ພັນ​ແມ່­ຍິງ​ເມືອງ​ຫົງ​ສາ ແຂວງ​ໄຊ​ຍະ​ບູ​ລີ ຈັດ​ກິດ­ຈະ­ກຳ​ເຕັ້ນ​ເພື່ອ​ສຸ­ຂະ­ພາບ ເພື່ອ​ສ້າງ​ຂະ​ບວນ​ການ​ຕ້ອນ­ຮັບ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ສະ­ຫະ­ພັນ​ແມ່­ຍິງ​ໃນ​ທົ່ວ​ເມືອງ​ຫົງ​ສາ ທີ່​ຈະ​ຈັດ​ຂຶ້ນ​ໃນ​ໄວໆ​ນີ້ ທັງ​ເປັນ​ການ​ສ້າງ​ຂະ​ບວນ​ການ​ຮອບ­ດ້ານ​ຕ້ອນ­ຮັບ​ກອງ​ປະ­ຊຸມ​ໃຫຍ່ ອົງ​ການ­ຈັດ­ຕັ້ງ​ມະ­ຫາ­ຊົນ​ຂັ້ນ​ເມືອງ ແລະ ກອງ​ປະ­ຊຸມ​ໃຫຍ່ ຄັ້ງ​ທີ VIII ໃຫ້​ເປັນ​ຂະ​ບວນ​ຟົດ­ຟື້ນ ມ່ວນ­ຊື່ນ ແລະ ມີ​ຄວາມ​ໝາຍ​ຄວາມ​ສຳ­ຄັນ.

    ກິດ­ຈະ­ກຳ​ເຕັ້ນ​ເພື່ອ​ສຸ­ຂະ­ພາບ​ຄັ້ງ​ນີ້ ຈັດ​ຂຶ້ນ​ວັນ​ທີ 15 ພຶດ­ສະ­ພາ​ຜ່ານ​ມາ ໂດຍ​ມີ​ທ່ານ​ນາງ ດາວ​ວິນ ລາດ​ຊະ​ກິດ ຮອງ​ເຈົ້າ­ເມືອງ​ຫົງ​ສາ ພ້ອມ​ດ້ວຍ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ແມ່­ຍິງ​ເມືອງ ສະ­ມາ­ຊິກ​ສະ­ຫະ­ພັນ​ແມ່­ຍິງ​ແຕ່​ລະ​ກົມ​ກອງ-ຫ້ອງ­ການ​ເຂົ້າ​ຮ່ວມ 200 ທ່ານ.

    ກິດ­ຈະ­ກຳ​ດັ່ງ­ກ່າວ ປະ­ກອບ​ມີ​ການ​ເຕັ້ນ​ຈັງ­ຫວະ​ລີ­ລາ-ລີ­ລາດ ເຊິ່ງ​ນອກ­ຈາກ​ເປັນ​ການ​ສ້າງ​ຂະ​ບວນ​ການ​ຕ້ອນ­ຮັບ ກອງ​ປະ­ຊຸມ​ໃຫຍ່​ຕ່າງໆ​ແລ້ວ ຍັງ​ເປັນ​ການ​ຜູກ​ແໜ້ນ​ຄວາມ​ສາ­ມັກ­ຄີ​ຂອງ​ສະ­ມາ­ຊິກ​ແມ່­ຍິງ​ຢູ່​ໃນ​ເມືອງ ທັງ​ເປັນ​ການ​ອາ​ນຸ​ຮັກ-ສົ່ງ­ເສີມ ສິ­ລະ​ປະ-ວັນ­ນະ­ຄະ­ດີ​ອັນ​ດີ­ງາມ​ຂອງ​ລາວ ໃຫ້​ໝັ້ນ­ຄົງ.

ຂ່າວທີ່ກ່ຽວຂ້ອງ