ຈີນ ໃຫ້ການຊ່ວຍເຫຼືອປັບປຸງລະບົບຂໍ້ມູນຂ່າວສານ

943 22 ພ.ພ. 2019 ຂ່າວໜ້າ​ໜຶ່ງ
ຈີນ ໃຫ້ການຊ່ວຍເຫຼືອປັບປຸງລະບົບຂໍ້ມູນຂ່າວສານ

    ພິ­ທີ​ເປີດ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຊ່ວຍ­ເຫຼືອ ປັບ­ປຸງ​ລະ­ບົບ​ຂໍ້​ມູນ​ຂ່າວ­ສານ​ຂອງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ຈັດ​ຂຶ້ນ​ວັນ​ທີ 21 ພຶດ­ສະ­ພາ 2019 ທີ່​ກະ­ຊວງ​ດັ່ງ­ກ່າວ ມີ​ທ່ານ ສົມ​ຈິດ ອິນ​ທະ​ມິດ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ທ່ານ ຫວັງ ຊີ​ຮຸຍ ທີ່​ປຶກ­ສາ​ເສດ­ຖະ­ກິດ ການ​ຄ້າ​ສະ­ຖານ­ທູດ​ຈີນ ປະ­ຈຳ​ລາວ ພ້ອມ​ດ້ວຍ​ຫົວ­ໜ້າ​ກົມ ຫ້ອງ­ການ ແລະ ຕາງ­ໜ້າ​ບໍ­ລິ­ສັດ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ປັບ­ປຸງ​ລະ­ບົບ​ຂໍ້​ມູນ​ຂ່າວ­ສານ ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ເປັນ​ໂຄງ­ການ​ຊ່ວຍ­ເຫຼືອ​ລ້າ​ຈາກ​ລັດ­ຖະ­ບານ​ຈີນ ຜ່ານ​ຫ້ອງ­ການ​ຄະ­ນະ​ກຳ­ມະ­ການ​ຮ່ວມ​ມື ລາວ-ຈີນ ຂອງ​ກະ­ຊວງ​ແຜນ­ການ ແລະ ການ​ລົງ­ທຶນ ມີ​ຈຸດ­ປະ­ສົງ ເພື່ອ​ຍົກ​ລະ­ດັບ​ລະ­ບົບ​ໄອ​ຊີ​ທີ​ຂອງ​ກະ­ຊວງ ຕາມ​ຍຸດ​ທະ​ສາດ​ພັດ­ທະ­ນາ​ລະ­ບົບ​ໄອ​ຊີ​ທີ 2016-2020 ຂອງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໂຄງ­ການ​ໄດ້​ສຳ​ຫຼວດ ແລະ ຈະ​ເລີ່ມ​ລົງ­ມື​ກໍ່­ສ້າງ​ສຳ­ນັກ­ງານ​ຢູ່​ພາຍ​ໃນ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ມີ​ໄລ­ຍະ​ການ​ກໍ່­ສ້າງ 20 ເດືອນ​ຈະ​ໃຫ້​ສຳ­ເລັດ ເຊິ່ງ​ວຽກ​ງານ​ຫຼັກ​ຂອງ​ໂຄງ­ການ​ມີ 5 ເປົ້າ​ໝາຍ​ຄື: ປັບ­ປຸງ​ຫ້ອງ​ເຊີ​ເວີ ສ້າງ​ລະ­ບົບ​ອີ-ຟິວ​ລິງ ສ້າງ​ຫ້ອງ​ປະ­ຊຸມ​ທາງ­ໄກ ແລະ ຫ້ອງ​ມີ​ເດຍ​ຣູມ ຕິດ​ຕັ້ງ​ລະ­ບົບ​ໄມ​ໂຄ​ໂຟນ​ຢູ່​ຫ້ອງ​ປະ­ຊຸມ​ໃຫຍ່​ຂອງ​ກະ­ຊວງ ພ້ອມ​ກັບ​ວຽກ​ງານ​ການ​ຈັດ​ອົບ­ຮົມ​ໃຫ້​ພະ­ນັກ­ງານ-ວິ­ຊາ​ການ​ພາຍ​ໃນ​ກະ­ຊວງ​ກ່ຽວ​ກັບ​ໄອ​ຊີ​ທີ ເປັນ­ຕົ້ນ.

ຂ່າວທີ່ກ່ຽວຂ້ອງ