ຂ່າວຫຼ້າສຸດ

ບານເຕະຍິງ ຊະນະຟິລິບປິນ ຜ່ານເຂົ້າຮອບຊີງແຊັມອາຊຽນ

680 21 ພ.ພ. 2019 ວົງຈອນກີລາ
ບານເຕະຍິງ ຊະນະຟິລິບປິນ ຜ່ານເຂົ້າຮອບຊີງແຊັມອາຊຽນ

    ການ​ແຂ່ງ​ເຕະ­ບານ​ຍິງ​ຮຸ່ນ​ອາ­ຍຸ​ບໍ່​ເກີນ 15 ປີ ຊີງ​ແຊັມ​ອາ​ຊຽນ 2019 ທີ່​ແຂວງ​ຊົນ​ບູ​ຣີ ປະ­ເທດ​ໄທ ໃນ​ວັນ​ທີ 9-21 ພຶດ­ສະ­ພາ 2019 ເຊິ່ງ​ການ​ແຂ່ງ­ຂັນ​ຮອບ​ຮອງ​ຊະ­ນະ​ເລີດ​ຈັດ​ຂຶ້ນ​ວັນ​ທີ 19 ພຶດ­ສະ­ພາ 2019 ຄູ່​ທຳ​ອິດ ທີມ​ຊາດ​ໄທ ຊະ­ນະ​ທີມ​ຊາດ​ຫວຽດ­ນາມ 1-0 ຄູ່​ທີ 2 ທີມ​ຊາດ​ລາວ ພົບ​ກັບ ທີມ​ຊາດ​ຟີ​ລິບ​ປິນ ເກມ​ການ​ແຂ່ງ­ຂັນ​ນັດ​ດັ່ງ­ກ່າວ ທ່ານ​ນາງ ພອນ​ທິບ ແສງ​ມະ​ນິ ຫົວ­ໜ້າ​ຄູ​ເຝິກ​ທີມ​ຊາດ​ລາວ ໄດ້​ສົ່ງ​ນັກ­ກີ­ລາ​ຕົວ​ຫຼັກ​ລົງ​ສະ­ໜາມ​ເປັນ​ຕົວ​ຈິງ ນຳ​ໂດຍ ວິ­ໄລ​ພອນ ແພງ​ຊະ­ນະ ຫົວ­ໜ້າ​ທີມ ເປ້ ພົມ​ພັກ­ດີ ໃຈ​ຄຳ.

    ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ທີມ​ຊາດ​ລາວ​ສາ­ມາດ​ເອົາ​ຊະ­ນະ​ທີມ​ຊາດ​ຟີ​ລິບ​ປິນ 3-1 ໂດຍ​ທີມ​ຊາດ​ລາວ​ໄດ້ 2 ປະ­ຕູ ຈາກ ເປ້ ພົມ​ພັກ­ດີ ນາ­ທີ​ທີ 1 ແລະ 43 ສ່ວນ​ອີກ 1 ປະ­ຕູ ໄດ້​ຈາກ ທິບ​ປະ­ກອນ ສີ​ວົງ​ລາດ ນາ­ທີ​ທີ 22 ຂະ­ນະ​ທີ່​ທີມ​ຊາດ​ຟີ​ລິບ​ປິນ ໄດ້​ປະ­ຕູ​ຕີ​ແຕກ​ຈາກ Alferez Angely Bebanco ນາ­ທີ​ທີ 59 ຈາກ​ໄຊ­ຊະ­ນະ​ດັ່ງ­ກ່າວ ສົ່ງ​ຜົນ​ໃຫ້​ທີມ​ຊາດ​ຍິງ​ລາວ​ຮຸ່ນ​ອາ­ຍຸ​ບໍ່​ເກີນ 15 ປີ ສ້າງ​ປະ­ຫວັດ​ໜ້າ​ໃໝ່​ໃຫ້​ກັບ​ວົງ​ການ​ບານ­ເຕະ​ລາວ ຜ່ານ​ເຂົ້າ​ຊີງ​ຊະ­ນະ​ເລີດ ເຊິ່ງ​ຈະ​ພົບ​ກັບ​ທີມ​ຊາດ​ໄທ ໃນ​ວັນ​ທີ 21 ພຶດ­ສະ­ພາ 2019 ເວ­ລາ 18:00 ໂມງ ສ່ວນ​ຄູ່​ຊີງ​ອັນ​ດັບ​ທີ 3 ທີມ​ຊາດ​ຟິ​ລິບ​ປິນ ພົບ​ກັບ ທີມ​ຊາດ​ຫວຽດ­ນາມ ເວ­ລາ 15:00 ໂມງ.

ຂ່າວທີ່ກ່ຽວຂ້ອງ