ນາຍົກລັດຖະມົນຕີ​ອົດ​ສະ​ຕຣາ​ລີ ເວົ້າ​ເຖິງ​ບຸລິມະສິດ​ຂອງ​ລັດຖະບານ

805 21 ພ.ພ. 2019 ຂ່າວຕ່າງປະເທດ
ນາຍົກລັດຖະມົນຕີ​ອົດ​ສະ​ຕຣາ​ລີ ເວົ້າ​ເຖິງ​ບຸລິມະສິດ​ຂອງ​ລັດຖະບານ

    ນາຍົກລັດຖະມົນຕີ​ອົດ​ສະ​ຕຣາ​ລີ ສະ​ກອດ ມໍ​ຣີ​ສັນ ກ່າວ​ຕໍ່​ຜູ້​ສື່​ຂ່າວ​ເມື່ອ​ວັນ​ທີ 20 ພຶດສະພາ​ນີ້ ໂດຍ​ຢືນຢັນ​ວ່າ ລັດຖະບານ​ອົດ​ສະ​ຕຣາ​ລີ ພາຍ​ໃຕ້​ການ​ນຳພາ​ຂອງ​ເຂົາ ຄາດ​ວ່າ​ຈະ​ປະຕິບັດ ຫຼາຍ​ຄາດໝາຍ ຫຼັງ​ຈາກ​ທີ່​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ​ທົ່ວ​ປະເທດ ໃນ​ທ້າຍ​ອາທິດ​ທີ່​ຜ່ານ​ມາ.

    ນາຍົກລັດຖະມົນຕີ ມໍ​ຣີ​ສັນ ໃຫ້​ຮູ້​ວ່າ ບຸລິມະສິດ​ອັນ​ດັບ​ຕົ້ນ​ຂອງ​ຕົນ ກໍ​ແມ່ນ​ການ ປະຕິບັດ ມາດ​ຕະການ​ຫຼຸດ​ພາສີ ການ​ຮັບຮອງ​ກົດໝາຍ​ວ່າ​ດ້ວຍ​ການ​ຕ້ານ​ການ​ກໍ່​ການ​ຮ້າຍ ແລະ​ ການ​ດັດແກ້​ໂຄງ ການ​ປະກັນ​ສຸຂະພາບ​ແຫ່ງ​ຊາດ​ໃຫ້​ແກ່​ຜູ້​ພິການ. ສ່ວນ​ບຸລິມະສິດ​ອື່ນໆ ປະກອບ​ມີ​ການ​ສ້າງ​ກົດ​ໝາ ວ່າ​ດ້ວຍ​ການ​ປົກ​ປ້ອງ​ກະສິກອນ ການ​ຜັນ​ຂະຫຍາຍ​ແຜນການ​ດູ​ແລ​ສຸຂະພາບ​ທາງ​ຈິດ ແລະ​ການ​ປະຕິ ຮູບ​ການ​ສື່ສານ​ສັງຄົມ ເພື່ອ​ຕ້ານ​ກັບ​ຄວາມ​ຮຸນ​ແຮງ. ນາຍົກລັດຖະມົນຕີ ມໍ​ຣີ​ສັນ ກໍ​ໃຫ້​ຮູ້​ວ່າ ຈະ​ບໍ່​ມີ ການ​ປ່ຽນແປງ​ຫຼາຍ​ຢູ່​ໃນ​ຄະນະ​ລັດຖະບານ​ຊຸດ​ໃໝ່ ຂອງ​ເຂົາ.

    ຜົນ​ການ​ນັບ​ບັດ​ຄະແນນ​ສຽງ​ຂອງ​ການ​ເລືອກ​ຕັ້ງ​ດັ່ງກ່າວ ຊຶ່ງ​ມີ​ອອກ​ມາ​ໃນ​ຄ່ຳ​ຄືນ​ຂອງ​ວັນ​ທີ 19 ພຶດສະພາ​ນີ້ ຊີ້​ໃຫ້​ເຫັນ​ວ່າ ພັກ​ຮ່ວມ ຄື​ພັກ​ເສລີ-ພັກ​ແຫ່ງ​ຊາດ ຂອງ​ທ່ານ ມໍ​ຣີ​ສັນ ຍາດ​ໄດ້ 75 ທີ່​ນັ່ງ​ໃນ​ສະພາ​ຕ່ຳ ທີ່​ປະກອບ​ມີ 151 ທີ່​ນັ່ງ ໃນ​ຂະນະ​ທີ່​ພັກ​ແຮງ​ງານ ທີ່​ເປັນ​ພັກ​ຝ່າຍ​ຄ້ານ ໄດ້ 65 ທີ່​ນັ່ງ ແລະ​ບັນດາ​ພັກ​ນ້ອຍ ແລະ​ສະມາຊິກ​ລັດ​ຖະ​ສະພາ​ເອກະລາດ ມີ 6 ທີ່​ນັ່ງ. ໃນ​ເວລາ​ນີ້ ຍັງ​ມີ 5 ທີ່​ນັ່ງ ຍັງ​ບໍ່​ທັນ​ໄດ້​ຕັດສິນ ໂດຍ​ມີ​ອັດຕາ​ສ່ວນ​ຜິດ​ດ່ຽງ ລະຫວ່າງ​ບັນດາ​ຜູ້​ສະໝັກ​ເລືອກ​ຕັ້ງ​ແຖວ​ໜ້າ ຕ່ຳ​ກວ່າ​ປະມານ 1%.

 

ຂ່າວທີ່ກ່ຽວຂ້ອງ