ຂ່າວຫຼ້າສຸດ

ການ​ນຳ​ພັກ-ລັດ ຫວຽດນາມ ວາງ​ພວງມາລາ ແລະ ໄວ້ອາໄລ​ປະທານ​ໂຮ່​ຈິ​ມິນ ທີ່​ສຸສານ​ຂອງ​ເພິ່ນ

692 21 ພ.ພ. 2019 ຂ່າວຕ່າງປະເທດ
ການ​ນຳ​ພັກ-ລັດ ຫວຽດນາມ ວາງ​ພວງມາລາ ແລະ ໄວ້ອາໄລ​ປະທານ​ໂຮ່​ຈິ​ມິນ ທີ່​ສຸສານ​ຂອງ​ເພິ່ນ

    ເນື່ອງ​ໃນ​ໂອກາດ​ລະນຶກ​ວັນ​ເກີດ​ຂອງ​ປະທານ​ໂຮ່​ຈິ​ມິນ ຄົບຮອບ 129 ປີ (19/5/1890-19/5/2019) ຄະນະ​ຜູ້​ແທນ​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູ​ນິດ​ຫວຽດນາມ ປະທານ​ປະເທດ ສະພາ​ແຫ່ງ​ຊາດ ລັດຖະບານ ຄະນະ​ກຳມະການ​ສູນ​ກາງ​ແນວ​ໂຮມ​ປະເທດ​ຊາດ​ຫວຽດນາມ ໄດ້​ໄປ​ວາງ​ພວງມາລາ ແລະ​ໄວ້ອາໄລ​ປະທານ​ໂຮ່​ຈິ​ມິນ ທີ່​ສຸສານ​ຂອງ​ເພິ່ນ ໃນ​ນະຄອນຫຼວງ​ຮ່າ​ໂນ້ຍ ເມື່ອ​ຕອນ​ເຊົ້າ​ຂອງ​ວັນ​ທີ 19 ພຶດສະພາ​ນີ້.

    ຄະນະ​ຜູ້​ແທນ​ດັ່ງກ່າວ ອັນ​ລວມ​ມີ​ເຖິງ​ບັນດາ​ອະດີດ​ການ​ນຳ​ຂັ້ນ​ສູງ​ຂອງ​ຫວຽດນາມ​ນັ້ນ ໄດ້​ສະແດງ​ຄວາມ​ຮູ້​ບຸນຄຸນ ເຄົາລົບ​ນັບຖື ລ້ຳ​ລຶກ​ເຖິງ​ຜົນງານ​ອັນ​ໃຫຍ່​ຫຼວງ​ຂອງ​ປະທານ​ໂຮ​ຈິ​ມິນ ຜູ້ນຳ​ທີ່​ຍິ່ງ​ໃຫຍ່ ອາຈານ​ຜູ້​ແສນ​ເຄົາລົບ​ຮັກ​ຂອງ​ພັກ ແລະ​ປະເທດ​ຊາດ​ຫວຽດນາມ ຊຶ່ງ​ເພິ່ນ​ໄດ້​ເສຍ​ສະລະ​ທັງ​ຊີວິດ​ໃຫ້​ແກ່​ພາລະກິດ​ຕໍ່ສູ້​ປົດ​ປ່ອຍ​ຊາດ ໂຮມ​ປະເທດ​ຊາດ​ເປັນ​ເອກະ​ພາບ ສ້າງສາ​ປະເທດ​ຊາດ​ຫວຽດນາມ ທີ່​ມີ​ເອກະລາດ ແລະ​ເອກະ​ພາບ.

    ຄະນະ​ຜູ້​ແທນ​ດັ່ງກ່າວ ຍັງ​ໄດ້ ໄປ​ວາງ​ພວງມາລາ ແລະ ໄວ້ອາໄລ​ຕໍ່​ບັນດາ​ນັກຮົບ​ທີ່​ເສຍ​ສະລະ​ຊີວິດ ຢູ່​ທີ່​ອະນຸສາວະລີ​ບັນດາ​ວິລະ​ຊົນ​ທີ່​ເສຍ​ສະລະ​ຊີວິດ ຊຶ່ງ​ຕັ້ງ​ຢູ່​ໃນ​ນະຄອນຫຼວງ​ຮ່າ​ໂນ້ນ ນຳ​ອີກ.

ຂ່າວທີ່ກ່ຽວຂ້ອງ