ຂ່າວຫຼ້າສຸດ

ກຳ​ປູ​ເຈຍ ​ຈັດ​ງານ​ໂຄສະນາ​ການ​ຄ້າ-ການ​ລົງທຶນ ແລະ​ ການທ່ອງທ່ຽວ​ຢູ່​ຈີນ

795 20 ພ.ພ. 2019 ຂ່າວຕ່າງປະເທດ
ກຳ​ປູ​ເຈຍ ​ຈັດ​ງານ​ໂຄສະນາ​ການ​ຄ້າ-ການ​ລົງທຶນ ແລະ​ ການທ່ອງທ່ຽວ​ຢູ່​ຈີນ

   ງານ​ໂຄສະນາ​ການ​ຄ້າ-ການ​ລົງທຶນ ແລະ ​ການທ່ອງທ່ຽວ​ກຳປູເຈຍ - ສານ​ຊີ່ (ຈີນ) 2019 ໄດ້​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ຢູ່​ນະຄອນ​ຊີ່​ອ່ານ ເທດສະບານ​ແຂວງ​ສານ​ຊີ່ ຂອງ​ຈີນ ໂດຍ​ມີ​ຈຸດປະສົງ​ເພື່ອ​ເພີ່ມ​ທະວີ​ການ​ຮ່ວມ​ມື ດ້ານ​ເສດຖະກິດ-ການ​ຄ້າ ແລະ ການ​ແລກປ່ຽນ​ດ້ານ​ວັດທະນະທຳ ລະຫວ່າງ​ແຂວງ​ສານ​ຊີ່ ຂອງ​ຈີນ ກັບ​ກຳປູເຈຍ ຮ່ວມ​ກັນ​ສ້າງ “ໜຶ່ງ​ແລວ​ໜຶ່ງ​ເສັ້ນທາງ” ເພື່ອ​ບັນລຸ​ການ​ພັດທະນາ​ຮ່ວມ​ກັນ ແລະ​ຕ່າງ​ຝ່າຍ​ຕ່າງ​ມີ​ຜົນ​ປະໂຫຍດ.

    ທ່ານ​ຈູນ ດາ​ຣາ ເລຂາທິການ ກະຊວງ​ການ​ຄ້າ​ກຳປູເຈຍ ກ່າວ​ວ່າ ການ​ຈັດ​ງານ​ໂຄສະນາ​ຄັ້ງ​ນີ້ ກໍ​ເພື່ອ​ຊອກ​ຫາ​ຄູ່​ຮ່ວມ​ທຸລະ​ກິດ​ໃຫ້​ວິ​ສາ​ຫະ​ກິດ ນັກທຸລະກິດ​ການ​ຄ້າ ແລະ ພາກສ່ວນ​ທີ່​ກ່ຽວຂ້ອງ​ຂອງ​ປະເທດ​ຕົນ ທັງ​ເປັນ​ການ​ສ້າງ​ໂອກາດ​ໃນ​ການ​ສະແຫວງຫາ ແລະ ​ພັດທະນາ​ທຸລະ​ກິດ​ຕ່າງໆ ເພື່ອ​ຊຸກຍູ້​ໃຫ້​ກຳປູເຈຍ ແລະ ​ແຂວງ​ສານ​ຊີ່ ໄດ້​ຮັບ​ຮູ້​ເຖິງ​ສະພາບ​ແວດ​ລ້ອມ ແລະ ​ກົດໝາຍ​ທຸລະ​ກິດ​ການ​ຄ້າ​ທີ່​ມີ​ຄວາມ​ແຕກ​ຕ່າງ​ກັນ.

    ງານ​ໂຄສະນາ​ການ​ຄ້າ-ການ​ລົງທຶນ ແລະ ​ການທ່ອງທ່ຽວ​ຄັ້ງ​ນີ້ ມີ​ອຳນາດ​ການ​ປົກຄອງ​ແຂວງ​ສານ​ຊີ່ ແລະ ກະຊວງ​ການ​ຄ້າ​ກຳປູເຈຍ​ເປັນ​ເຈົ້າພາບ ແລະ ​ຈັດ​ຕັ້ງ​ປະຕິບັດ​ໂດຍ​ພະແນກການ​ຄ້າ ແລະ ຫ້ອງການ​ວຽກ​ງານ​ການ​ຕ່າງປະເທດ​ແຂວງ​ສານ​ຊີ່ ແລະ ກົມ​ສົ່ງເສີມ​ການ​ຄ້າ ກະຊວງ​ການ​ຄ້າ​ກຳປູເຈຍ.

ຂ່າວທີ່ກ່ຽວຂ້ອງ