ຂ່າວຫຼ້າສຸດ

ຈີນ ເປັນ​ຕະຫຼາດ​ອັນ​ດັບ​ຕົ້ນ​ໃນ​ການ​ຮອງ​ຮັບ​ຜັກ ແລະ ໝາກ​ໄມ້​ຂອງ​ຫວຽດນາມ

454 20 ພ.ພ. 2019 ຂ່າວຕ່າງປະເທດ
ຈີນ ເປັນ​ຕະຫຼາດ​ອັນ​ດັບ​ຕົ້ນ​ໃນ​ການ​ຮອງ​ຮັບ​ຜັກ ແລະ ໝາກ​ໄມ້​ຂອງ​ຫວຽດນາມ

    ຂ່າວສານ​ຫວຽດນາມ ລາຍ​ງານ​ອ້າງ​ຕາມ​ຂໍ້​ມູນ ຈາກ​ກົມ​ການ​ປຸງ​ແຕ່ງ ແລະ​ພັດທະນາ ຕະຫຼາດ​ສິນຄ້າ​ກະສິກຳ ທີ່​ຂຶ້ນ​ກັບ​ກະຊວງ​ກະສິກຳ ແລະ ​ພັດທະນາ​ຊົນນະບົດ​ຫວຽດນາມ ແຈ້ງ​ໃຫ້​ຮູ້​ວ່າ ວ່າ ມູນ​ຄ່າ​ການ​ສົ່ງ​ອອກ​ຜັກ ແລະ​ໝາກ​ໄມ້​ຂອງ​ຫວຽດນາມ ໃນ​ເດືອນ​ເມສາ​ທີ່​ຜ່ານ​ມາ ບັນລຸ 462 ລ້ານ​ໂດ​ລາ​ສະຫະລັດ (ຍອດ​ການ​ສົ່ງ​ອອກ​ໃນ 4 ເດືອນ​ຕົ້ນ​ປີ 2019 ຢູ່​ທີ່ 1,4 ຕື້​ໂດ​ລາ​ສະຫະລັດ ເພີ່ມ​ຂຶ້ນ 7,2% ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ 2018) ໃນ​ນັ້ນ ການ​ສົ່ງ​ອອກ​ໄປ​ຍັງ​ຈີນ ກວມ​ເອົາ 72% ຂອງ​ຍອດ​ມູນ​ຄ່າ​ການ​ສົ່ງ​ອອກ​ຜັກ ແລະ ໝາກ​ໄມ້.

   ຈີນ ຈັດ​ຢູ່​ໃນ​ອັນ​ດັບ​ທີ​ໜຶ່ງ ໃນ​ດ້ານ​ຕະຫຼາດ​ນຳ​ເຂົ້າ​ຜັກ ແລະ ໝາກ​ໄມ້​ຂອງ​ຫວຽດນາມ ໂດຍ​ກວມ​ເອົາ​ກວ່າ 72% ຂອງ​ຍອດ​ມູນ​ຄ່າ​ການ​ສົ່ງ​ອອກ​ຜັກ ແລະ​ໝາກ​ໄມ້; ຖັດ​ລົງ​ມາ​ກໍ​ແມ່ນ ສ ອາ​ເມ​ຣິ​ກາ ກວມ​ເອົາ 3,26%; ສ ເກົາຫຼີ ກວມ​ເອົາ 3,22%; ຍີ່ປຸ່ນ ກວມ​ເອົາ 2,9%; ໂຮນ​ລັງ​ກວມ​ເອົາ 1,71%.

   ບັນດາ​ຕະຫຼາດ ທີ່​ມີ​ມູນ​ຄ່າ​ການ​ສົ່ງ​ອອກ​ຜັກ ແລະ ​ໝາກ​ໄມ້​ຂອງ​ຫວຽດນາມ ເພີ່ມ​ຂຶ້ນ​ຢ່າງ​ແຮງ ກໍ​ແມ່ນ ອົດ​ສະ​ຕຣາ​ລີ ເພີ່ມ​ຂຶ້ນ​ເກືອບ 53% ສ ເກົາຫຼີ ເພີ່ມ​ຂຶ້ນ​ເກືອບ 31% ແລະ ໂຮນ​ລັງ ເພີ່ມ​ຂຶ້ນ 28%.

 

ຂ່າວທີ່ກ່ຽວຂ້ອງ