ຂ່າວຫຼ້າສຸດ

ຄົນ​ງານ​ຈີນ 12.000 ຄົນ​ໄດ້​ຮັບ​ເຊີນ​ຈາກ​ບໍລິສັດ ໄປ​ທ່ອງ​ທ່ຽວ​ທີ່​ປະເທດ​ສະ​ວິດ

407 20 ພ.ພ. 2019 ຂ່າວຕ່າງປະເທດ
ຄົນ​ງານ​ຈີນ 12.000 ຄົນ​ໄດ້​ຮັບ​ເຊີນ​ຈາກ​ບໍລິສັດ ໄປ​ທ່ອງ​ທ່ຽວ​ທີ່​ປະເທດ​ສະ​ວິດ

    ນັກ​ທ່ອງ​ທ່ຽວ​ຊາວ​ຈີນ​ຈຸ​ທຳ​ອິດ ຈາກ​ຈຳນວນ 12.000 ຄົນ ມີ​ກຳນົດ​ເດີນທາງ​ໄປ​ຮອດ ນະຄອນ ລູ​ເຊິນ (Lucerne) ຂອງ​ປະເທດ​ສະ​ວິດ  ໃນ​ວັນ​ທີ 13 ພຶດສະພາ ​ທີ່​ຜ່ານ​ມາ ໂດຍ​ທີ່​ເຂົາເຈົ້າ​ເຫຼົ່ານັ້ນ ເປັນ​ຄົນ​ງານ​ທີ່​ມີ​ຜົນງານ ແລະ ໄດ້​ຮັບ​ການ​ເຊີນ​ຈາກ​ບໍລິສັດ ເພື່ອ​ໄປ​ທ່ອງ​ທ່ຽວ​ນະຄອນ​ດັ່ງກ່າວ ໃນ​ຊຸມ​ມື້​ຕໍ່ໜ້າ​ນີ້.

    ດົນ​ນານ​ມາ​ແລ້ວ​ທີ່​ນະຄອນ ລູ​ເຊິນ ເປັນ​ທີ່​ຮູ້ຈັກ​ດ້ວຍ​ການທ່ອງທ່ຽວ​ມະຫາຊົນ ແຕ່​ວ່າການ​ທີ່​ນັກ​ທ່ອງ​ທ່ຽວ​ຈາກ​ຈີນ 12.000 ຄົນ ເດີນທາງ​ໄປ​ທີ່​ນັ້ນ ນັບ​ວ່າ​ເປັນ​ເຫດການ​ໃນ​ຂອບ​ຂະໜາດ​ທີ່​ມີ​ພຽງ​ໜຶ່ງ​ດຽວ ສຳລັບ​ຢູ່​ໃນ​ສະ​ວິດ. ຈາກ​ການ​ທີ່​ນັກ​ທ່ອງ​ທ່ຽວ​ຈີນ ຈະ​ເຂົ້າ​ໄປ​ໃນ​ນະຄອນ​ລູ​ເຊິນ ພາບ​ກັນ 4.000 ຄົນ ນັ້ນ ນະຄອນ​ແຫ່ງ​ນີ້​ຕ້ອງ​ໄດ້​ມີ​ລົດ​ໂດຍສານ​ຮັບ​ໃຊ້​ຢ່າງ​ໜ້ອຍ 95 ຄັນ ເພື່ອ​ນຳ​ສົ່ງ​ເຂົາເຈົ້າ​ຈາກ​ສະໜາມ​ບິນ ບາ​ແຊລ ແລະ ສະໜາມ​ບິນ ຊູ​ຣິກ.

    ຜົນ​ປະໂຫຍດ​ທາງ​ດ້ານ​ເສດຖະກິດ ຊຶ່ງ​ຄະນະ​ນັກ​ທ່ອງ​ທ່ຽວ​ທີ່​ມີ​ປະລິມານ​ຫຼາຍ​ຈາກ​ຈີນ ໃຫ້​ແກ່​ນະຄອນ ລູ​ເຊິນ ນັ້ນ​ຄາດ​ວ່າ​ຢູ່​ທີ່​ປະມານ 4 ລ້ານ ຝຣັງ.

ຂ່າວທີ່ກ່ຽວຂ້ອງ