ຂ່າວຫຼ້າສຸດ

​ສປຊ ດັດແກ້​ກົດ​ບັດ ບາ​ແຊລ ເພື່ອ​ເຮັດ​ເຄັ່ງ​ການ​ຄຸ້ມ​ຄອງ​ຂີ້​ເຫຍື້ອ​ປະເພດ​ຢາງ

425 20 ພ.ພ. 2019 ຂ່າວຕ່າງປະເທດ
​ສປຊ ດັດແກ້​ກົດ​ບັດ ບາ​ແຊລ ເພື່ອ​ເຮັດ​ເຄັ່ງ​ການ​ຄຸ້ມ​ຄອງ​ຂີ້​ເຫຍື້ອ​ປະເພດ​ຢາງ

    ກົດ​ບັດ​ບາ​ແຊລ ທີ່​ໄດ້​ຮັບ​ການ​ດັດແກ້ ຊຶ່ງ​ມີ​ລັດຖະບານ 180 ປະເທດ​ໃຫ້ການ​ຮັບຮອງ​ນັ້ນ ລະບຸ​ວ່າ ບັນດາ​ຂີ້​ເຫຍື້ອ​ປະເພດ​ຢາງ​ຖ່າຍ​ເທ​ອອກ​ມາ ຊຶ່ງ​ບໍ່​ເໝາະ​ສົມ​ຕໍ່​ການ​ນຳ​ມາ​ປຸງ​ແຕ່ງ​ຄືນໃໝ່ ຈະ​ໄດ້​ຖືກ​ເພີ່ມ​ເຕີມ​ເຂົ້າ​ໄປ​ໃນ​ບັນຊີ​ຂີ້​ເຫຍື້ອ​ທີ່​ຕ້ອງ​ໄດ້​ຄຸ້ມ​ຄອງ ແລະ​ຕ້ອງ​ໄດ້​ມີ​ຄວາມ​ເຫັນ​ດີ​ຈາກ​ບັນດາ​ປະເທດ​ຜູ້ນຳ​ເຂົ້າ ກ່ອນ​ທີ່​ຈະ​ສົ່ງ​ອອກ​ໄປ​ຍັງ​ປະເທດ​ນັ້ນ.

    ສະຫະ​ປະ​ຊາດ​ຊາດ (​ສປຊ) ແຈ້ງ​ໃຫ້​ຮູ້ເມື່ອ​ວັນ​ທີ 10 ພຶດສະພາ​ທີ່​ຜ່ານ​ມາ​ວ່າ ເກືອບ​ວ່າ​ທຸກໆ​ປະເທດ​ໃນ​ໂລກ ໄດ້​ເຫັນ​ດີ​ເປັນ​ເອກະສັນ ຕໍ່​ຂອບ​ນິຕິ​ກຳ​ສະບັບ​ໜຶ່ງ ທີ່​ມີ​ເນື້ອ​ແທ້​ຜູກ​ມັດ ເພື່ອ​ການ​ສະກັດ​ກັ້ນ​ຂີ້​ເຫຍື້ອ​ປະເພດ​ຢາງ ຊຶ່ງ​ເປັນ​ໄພ​ຄຸກ​ຄາມ​ອັນ​ໃຫຍ່​ໂຕ ຕໍ່​ສິ່ງແວດລ້ອມ​ໃນ​ທະເລ.

    ໂຄງການ​ສິ່ງແວດລ້ອມ​ຂອງ​ສະຫະ​ປະຊາ​ຊາດ ໃຫ້​ຮູ້​ວ່າ ຂີ້​ເຫຍື້ອ​ປະເພດ​ຢາງ ມີ​ອອກ​ມາ​ປະມານ 300 ລ້ານ​ໂຕນ ໃນ​ແຕ່​ລະ​ປີ ໃນ​ນັ້ນ​ມີ 8 ລ້ານ​ໂຕນ ໄຫຼ​ອອກ​ສູ່​ມະຫາ​ສະໝຸດ​ຕ່າງໆ.

ຂ່າວທີ່ກ່ຽວຂ້ອງ