ສ​ປ​ຊ​ ຮຽກ​ຮ້ອງ​ໃຫ້​ທົ່ວ​ໂລກ​ປະ​ຕິ​ບັດ​ການ​ເຄື່ອນ​ໄຫວ​ເພື່ອ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ

425 20 ພ.ພ. 2019 ຂ່າວຕ່າງປະເທດ
ສ​ປ​ຊ​ ຮຽກ​ຮ້ອງ​ໃຫ້​ທົ່ວ​ໂລກ​ປະ​ຕິ​ບັດ​ການ​ເຄື່ອນ​ໄຫວ​ເພື່ອ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ

    ທ່ານ ອັນໂຕ​ນີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ (​ສປຊ) ໄດ້​ປະກອບ​ຄຳ​ເຫັນ​ຢູ່​ໃນ​ກອງ​ປະຊຸມ​ເວທີ​ປຶກສາ​ຫາລື ຂອງ​ບັນດາ​ປະເທດ​ເກາະດອນ​ໃນ​ມະຫາ​ສະໝຸດ​ປາ​ຊີ​ຟິກ ທີ່​ຈັດ​ຂຶ້ນ​ຢູ່​ນະຄອນຫຼວງ​ຊູ​ວາ ຂອງ​ປະເທດ​ຟີ​ຈີ ເມື່ອ​ວັນ​ທີ 15 ພຶດສະພາ​ທີ່​​ີ​ຜ່ານ​ມາ ໂດຍ​ຮຽກຮ້ອງ​ໃຫ້​ທົ່ວ​ໂລກ​ເລັ່ງ​ລັດ​ປະຕິບັດ​ການເຄື່ອນໄຫວ ໃນ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ.

    ທ່ານ ກູ​ເຕີ​ເຣ​​ສ ເວົ້າ​ວ່າ ຖ້າ​ຢາກ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ ຫາກ​ມີ​ແຕ່​ແຜນ​ດຳເນີນ​ງານ​ຂອບ ແລະ​ແຜນການ​ເທົ່າ​ນັ້ນ​ແມ່ນ​ບໍ່​ພຽງພໍ ສິ່ງ​ທີ່​ຄວນ​ເຮັດ​ຢ່າງ​ຮີບ​ດ່ວນ​ໃນ​ປັດຈຸບັນ ກໍ​ຄື​ດຳເນີນ​ການເຄື່ອນໄຫວ. ກອງ​ປະຊຸມ​ສຸດ​ຍອດ​ການເຄື່ອນໄຫວ ເພື່ອ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ ຂອງ ​ສປຊ ທີ່​ຈະ​ຈັດ​ຂຶ້ນ​ຢູ່​ນະຄອນ​ນີວ​ຢອກ (ສ. ອາ​ເມ​ຣິ​ກາ) ໃນ​ເດືອນ​ກັນຍາ​ປີ​ນີ້ ຈະ​ເປັນ​ໂອກາດ​ໜຶ່ງ​ສຳລັບ​ໃຫ້​ປະເທດ​ຕ່າງໆ ເລັ່ງ​ລັດ​ປະຕິບັດ​ຕາມ​ຄຳ​ໝັ້ນ​ສັນຍາ​ໃນ​ດ້ານ​ນີ້. ​ສປຊ ຈະ​ພະຍາຍາມ​ຈົນ​ສຸດ​ຄວາມ​ສາມາດ ເພື່ອ​ລະດົມ​ປະຊາ​ຄົມ​ໂລກ​ຕັ້ງໜ້າ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ.

    ຜູ້ນຳ​ປະເທດ​ຕ່າງໆ​ທີ່​ກ່ຽວຂ້ອງ ທີ່​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ ໄດ້​ອອກ​ຖະແຫຼງການ​ຮ່ວມ ໂດຍ​ຢືນຢັນ​ວ່າ ລະດັບ​ໜ້ານ້ຳ​ທະເລ​ສູງ​ຂຶ້ນ ແລະ ອາກາດ​ຮ້າຍ​ແຮງ​ທີ່​ເກີດ​ຈາກ​ການ​ປ່ຽນແປງ​ຂອງ​ດິນ​ຟ້າ​ອາກາດ​ນັ້ນ ບໍ່​ພຽງ​ແຕ່​ຈະ​ສົ່ງ​ຜົນ​ກະທົບ​ຕໍ່​ພາກ​ພື້ນ​ປາ​ຊີ​ຟິກ​ເທົ່າ​ນັ້ນ ຫາກ​ຍັງ​ຈະ​ທຳ​ລາຍການ​ພັດທະນາ​ເສດຖະກິດ​ໂລກ​ເປັນ​ກ້າວໆ ສ້າງ​ຄວາມ​ບໍ່​ສະຫງົບ ແລະ ການ​ປະ​ທະ​ກັນ​ນຳ​ອີກ ຊຶ່ງ​ຈະ​ເປັນ​ໄພ​ຂົ່ມຂູ່​ຕໍ່​ຊີວິດ​ການ​ເປັນ​ຢູ່​ຂອງ​ມວນ​ມະນຸດ ຈົນ​ບໍ່​ມີ​ປະເທດ​ຫຼື​ບຸກຄົນ​ໃດ​ຈະ​ສາມາດ​ຫຼີກ​ລຽງ​ໄດ້. ດ້ວຍ​ເຫດ​ນີ້ ປະເທດ​ຕ່າງໆ​ໃນ​ໂລກ ຕ້ອງ​ດຳເນີນ​ການເຄື່ອນໄຫວ​ທັນທີ.

ຂ່າວທີ່ກ່ຽວຂ້ອງ