ຂ່າວຫຼ້າສຸດ

ໄຂ​ເວທີ​ປຶກ​ສາ​ຫາ​ລື​ການ​ຮ່ວມ​ມື​ສື່ມວນ​ຊົນ​ຈີນ-ອາ​ຊຽນ 2019 ​

1.003 17 ພ.ພ. 2019 ຂ່າວຕ່າງປະເທດ
ໄຂ​ເວທີ​ປຶກ​ສາ​ຫາ​ລື​ການ​ຮ່ວມ​ມື​ສື່ມວນ​ຊົນ​ຈີນ-ອາ​ຊຽນ 2019 ​

     ແຫຼ່ງຂ່າວຂອງຈີນ ລາຍງານວ່າ ​ເວທີ​ປຶກ​ສາ​ຫາ​ລື​ການ​ຮ່ວມ​ມື​ສື່ມວນ​ຊົນ​ຈີນ-ອາ​ຊຽນ 2019 ​​ໄດ້​ໄຂ​ຂຶ້ນຢູ່​ນະ​ຄອນ​ຫຼວງ​ປັກ​ກິ່ງ (ຈີນ) ເມື່ອວັນ​ທີ 14 ພຶດ​ສະ​ພາ​ນີ້. ຫົວ​ຂໍ້​ຫຼັກ​ຂອງ​ເວ​ທີ​ປຶກ​ສາ​ຫາ​ລື​ຄັ້ງ​ນີ້​ແມ່ນ “ໄລ​ຍະ​ໃໝ່ ທ່າອ່ຽງ​ໃໝ່ ການ​ຮ່ວມ​ມື​ໃໝ່” ໂດຍຜູ້​ແທນ​ທີ່​ເຂົ້າ​ຮ່ວມ​​ ​ໄດ້ປຶກສາ​ຫ​າ​ລື 2 ຫົວ​ຂໍ້​ຄື “​ສ້າງປະ​ຫວັດ​ສາດ​ໜ້າ​ໃໝ່​ດ້ານ​ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​” ແລະ “ສ້າງ​ອະ​ນາ​ຄົດ​ໃໝ່​ດ້ານ​ການ​ພັດ​ທະ​ນາ​ທີ່​ມີ​ການ​ເຊື່ອມ​ໂຍງ​ເຂົ້າ​ກັນ”.

    ທ່ານ​ກົວ​ເວີ້ຍ​ໝິນ ຮອງ​ຫົວ​ໜ້າ​ຫ້ອງ​ການຖະ​ແຫຼງ​ຂ່າວລັດ​ຖະ​ບານ​ຈີນ​ ກ່າວ​ໃນ​ພິ​ທີ​ເປີດເວທີປຶກສາຫາລືດັ່ງກ່າວ​ວ່າ ຈີນ​ຍິນ​ດີ​ຮ່ວມ​ກັນ​ກັບ​ອາ​ຊຽນ ຖື​ເອົາການ​ຈັດ​ປີ​ແລກ​ປ່ຽນ​ດ້ານ​ສື່ມວນ​ຊົນ​ຈີນ-ອາ​ຊຽນຮ່ວມ​ກັນ​ເປັນ​ໂອ​ກາດ​ໃໝ່ ເພີ່ມ​ທະ​ວີ​ການ​ຮ່ວ​ມ​ມື​ ແລະ​ການ​ແລກ​ປ່ຽນ​ດ້ານ​ສື່ມວນ​ຊົນ​ລະ​ຫວ່າງ​ສອງ​ຝ່າຍ ຊຸກ​ຍູ້​ການ​ເຊື່ອມ​ໂຍງ​​ດ້ານ​ຈິດ​ໃຈ​ຂອງ​ປະ​ຊາ​ຊົນ ລົງ​ເລິກ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ລະ​ຫວ່າງ​ສອງ​ຝ່າຍ.

    ເວ​ທີ​ປຶກ​ສາ​ຫາ​ລື​ຄັ້ງ​ນີ້​ ຈັດ​ຂຶ້ນ​ໂດຍ​ກົມ​ພ​າ​ສາ​ຕ່າງ​ປະ​ເທດ​ຈີນ ຄະ​ນະ​ທູດ​ຈີນ​ປະ​ຈຳ​ອາ​ຊຽນ​ແລະສູນ​ຈີນ-ອາ​ຊຽນ.

 

ຂ່າວທີ່ກ່ຽວຂ້ອງ