ອານຸສອນ ເລັ່ງເຝີກຊ້ອມກຽມເຂົ້າຮ່ວມແຂ່ງຂັນ ໄທແລນໂອເພັນ

1.020 16 ພ.ພ. 2019 ວົງຈອນກີລາ
ອານຸສອນ ເລັ່ງເຝີກຊ້ອມກຽມເຂົ້າຮ່ວມແຂ່ງຂັນ ໄທແລນໂອເພັນ

    ອາ​ນຸ​ສອນ ໄຊ​ສາ ນັກ­ກີ­ລາ​ແລ່ນ​ທີມ​ຊາດ​ລາວ ເລັ່ງ​ເຝີກ​ຊ້ອມ​ທຸກໆ​ມື້ ເພື່ອ​ກຽມ​ເຂົ້າ​ຮ່ວມ​ການ​ແຂ່ງ­ຂັນ​ໄທ​ແລນ​ໂອ​ເພັນ ທີ່​ຈະ​ຈັດ​ຂຶ້ນ​ວັນ​ທີ 18-21 ພຶດ­ສະ­ພາ 2019 ຢູ່​ບາງ­ກອກ ປະ­ເທດ​ໄທ.

    ທ້າວ ອາ​ນຸ​ສອນ ໄຊ​ສາ ໃຫ້​ສຳ­ພາດ​ເມື່ອ​ບໍ່​ດົນ​ມາ​ນີ້​ວ່າ: ຕົນ​ເອງ ໄດ້​ເຝີກ​ຊ້ອມ​ຢ່າງ​ໜັກ​ເພື່ອ​ກະ­ກຽມ​ດ້ານ​ພະ­ລະ​ກຳ­ລັງ​ໃຫ້​ຟິດ​ຢູ່​ສະ­ເໝີ ພາຍ­ຫຼັງ​ການ​ເຂົ້າ​ຮ່ວມ​ແຂ່ງ­ຂັນ​ຊີງ​ແຊັມ​ອາ­ຊີ ຢູ່​ປະ­ເທດ​ກາ​ຕ້າ ຄະ­ນະ​ສະ­ຫະ­ພັນ​ແລ່ນ-ລານ​ແຫ່ງ​ຊາດ​ລາວ ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 3 ຄົນ ປະ­ກອບ​ມີ: ທ້າວ ອາ​ນຸ​ສອນ ໄຊ​ສາ ລາຍ­ການ​ແລ່ນ​ຂ້າມ​ຮົ້ວ 110 ແມັດ ນາງ ມະ­ນີ​ວັນ ຈັນ­ທະ​ວົງ ແລ່ນ​ຂ້າມ​ຮົ້ວ 100 ແມັດ ນາງ ສີ​ລິ​ນາ ພະ​ອາ​ໄພ ແລ່ນ 100 ແມັດ ຜ່ານ​ການ​ແຂ່ງ­ຂັນ​ນັກ­ກີ­ລາ​ທີມ​ຊາດ​ລາວ ບໍ່​ສາ­ມາດ​ຜ່ານ​ຮອບ​ຄັດ​ເລືອກ​ໄດ້ ແຕ່​ກໍ​ຮູ້­ສຶກ​ດີ­ໃຈ​ທີ່​ຕົນ​ເອງ​ສາ­ມາດ​ທຳ­ລາຍ​ສະ­ຖິ­ຕິ​ຂອງ​ຕົນ​ເອງ ໂດຍ​ຍາດ​ໄດ້​ອັນ​ດັບ​ທີ 2 ໃນ​ຮອບ​ຄັດ​ເລືອກ ແຕ່​ໜ້າ​ເສຍ­ດາຍ​ບໍ່​ສາ­ມາດ​ຜ່ານ​ເຂົ້າ​ຮອບ​ຊີງ​ໄດ້ ປັດ­ຈຸ­ບັນ​ຕົນ​ເອງ​ໄດ້​ເຝີກ​ຊ້ອມ​ຢູ່​ສູນ​ເຝີກ​ຊ້ອມ​ສີ​ເກີດ ເພື່ອ​ເຂົ້າ​ຮ່ວມ​ລາຍ­ການ​ແຂ່ງ­ຂັນ​ໄທ​ແລນ​ໂອ​ເພັນ ແລະ ໄດ້​ຕັ້ງ​ເປົ້າ​ຕິດ 1 ໃນ 3.

    ສຳ­ລັບ​ນັກ­ກີ­ລາ​ທີ່​ຈະ​ເຂົ້າ​ຮ່ວມ​ແຂ່ງ­ຂັນ​ໄທ​ແລນ​ໂອ​ເພັນ ປະ­ກອບ​ມີ: ທ້າວ ອາ​ນຸ​ສອນ ໄຊ​ສາ ທ້າວ ໄຊ​ດາ​ວັນ ວົງ​ສະ­ຫວັນ ທ້າວ ສີ​ພາ​ສຸກ ບົດ​ວິ­ໄລ​ທອງ ທ້າວ ນັນ ທະ​ວັດ ເຄນ​ຕານ​ອ່ອນ ທ້າວ ສະ­ຖາ­ພອນ ໄຊ​ຍະ​ພອນ ນາງ ຂັນ​ມະ​ໄລ​ພອນ ບຸນ​ຍະ​ເວີນ ນາງ ມະ­ນີ​ວັນ ຈັນ­ທະ​ວົງ ນາງ ສີ​ລິ​ນາ ພະ​ອາ​ໄພ ນາງ ປ້ອມ ໂລ​ມະ­ນີ ນາງ ລົດ​ແກ້ວ ອິນ​ທະ​ກຸມ­ມານ ນາງ​ໄຂ​ມາ ພົນ​ຍະ​ໄຊ ນາງ ພອນ​ໄຊ ປ່າວ​ສະ​ຫວັດ.

ຂ່າວທີ່ກ່ຽວຂ້ອງ