ສ້າງ​ຄວາມ​ເຂັ້ມແຂງ ກ່ຽວ​ກັບ​ຕ໋ອງ​ໂສ້​ມູນ​ຄ່າ ແລະ ການ​ສ້າງ​ນະ​ວັດຕະ​ກຳ​ຂົງເຂດ SMEs

1.056 15 ພ.ພ. 2019 ຂ່າວໜ້າ​ໜຶ່ງ
ສ້າງ​ຄວາມ​ເຂັ້ມແຂງ ກ່ຽວ​ກັບ​ຕ໋ອງ​ໂສ້​ມູນ​ຄ່າ ແລະ ການ​ສ້າງ​ນະ​ວັດຕະ​ກຳ​ຂົງເຂດ SMEs

   ກົມ​ເຕັກ​ໂນ​ໂລ​ຊີ ແລະ ນະ​ວັດຕະ​ກຳ ກະຊວງ​ວິທະຍາສາດ ແລະ ເຕັກ​ໂນ​ໂລ​ຊີ (ກວ​​ຕ) ຮ່ວມ​ກັບ​ທະນາຄານ​ພັດທະນາ​ອາຊີ (ADB) ຈັດ​ເຝິກອົບຮົມ ຫົວຂໍ້ ການ​ສ້າງ​ຄວາມ​ເຂັ້ມແຂງ​ກ່ຽວ​ກັບ​ຕ໋ອງ​ໂສ້ ມູນ​ຄ່າ ແລະ ການ​ສ້າງ​ນະ​ວັດຕະ​ກຳ​ຂົງເຂດ​ວິ​ສາ​ຫະ​ກິດ​ຂະໜາດ​ນ້ອຍ ແລະ ກາງ (SMEs) ຂຶ້ນ​ວັນ​ທີ 14-16 ພຶດສະພາ 2019 ຢູ່​ໂຮງແຮມ​ວຽງ​ຈັນ​ພລາ​ຊາ ພາຍ​ໃຕ້​ໂຄງການ​ຊ່ວຍເຫຼືອ​ດ້ານ​ວິຊາ​ການ TA9316-LAO ໂດຍ​ເປັນ​ປະທານ​ຂອງ​ທ່ານ ສຸ​ມານະ ຈຸລາມະນີ ຫົວໜ້າ​ກົມ​ເຕັກ​ໂນ​ໂລ​ຊີ ແລະ ນະ​ວັດຕະ​ກຳ ມີ​ຜູ້ຕາງໜ້າ​ຈາກ​ບັນດາ​ກະຊວງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

    ເພື່ອ​ສ້າງ​ຄວາມ​ເຂົ້າໃຈ​ກ່ຽວ​ກັບ​ວຽກ​ງານ​ນະ​ວັດຕະ​ກຳ​ການ​ສ້າງ​ຕ໋ອງ​ໂສ້​ໃຫ້​ຜະລິດ​ຕະ​ພັນ​ກະສິກຳ ຂະ​ບວນ​ການ​ຜະລິດ​ໂດຍ​ຜ່ານ​ຕ໋ອງ​ໂສ້​ມູນ​ຄ່າ ແລະ ການ​ນຳ​ໃຊ້​ເຕັກ​ໂນ​ໂລ​ຊີ​ທີ່​ເໝາະ​ສົມ ແລະ ແທດ    ເໝາະ​ໃນ​ຂະ​ບວນ​ການ​ຜະລິດ ໂດຍ​ມີ​ຜູ້​ທີ່​ຊ່ຽວຊານ​ຈາກ​ບໍລິສັດ​ທີ່​ປຶກສາ ຜູ້​ພັດທະນາ ຜູ້​ປະກອບ​ການ ແລະ ADB ມາ​ບັນຍາຍ​ໃຫ້​ຄວາມ​ຮູ້​ແກ່​ຜູ້​ເຂົ້າ​ຮ່ວມ ທັງ​ພາກ​ທິດ​ສະ​ດີ ແລະ ພາກ​ປະຕິບັດ​ຕົວ​ຈິງ ເພື່ອ​ໃຫ້​ຜູ້​ເຂົ້າ​ຮ່ວມ​ນຳໄປ​ກຳນົດ​ການ​ສ້າງ​ແຜນ​ນະໂຍບາຍ ທັງ​ເປັນ​ການ​ສະໜັບສະໜູນ​ພາກ​ທຸລະ​ກິດ​ການ​ຜະລິດ​ຕະ​ພັນ​ກະສິກຳ ກຳນົດ​ໄດ້​ຂົງເຂດ​ບຸລິມະສິດ​ໃນ​ອະນາຄົດ ນອກ​ນີ້ ຜູ້​ເຂົ້າ​ຮ່ວມ​ຍັງ​ໄດ້​ມີ​ໂອກາດ​ປຶກ ສາ​ຫາລື ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ ທີ່​ຕິດ​ພັນ​ກັບ​ການ​ສ້າງ​ນະໂຍບາຍ ແລະ ສ້າງ​ນະ​ວັດຕະ​ກຳ​ໃນ​ຂົງເຂດ​ການ​ຜະລິດ​ດັ່ງກ່າວ.

ຂ່າວທີ່ກ່ຽວຂ້ອງ