ຂ່າວຫຼ້າສຸດ

ເນ​ປານ ຄາດ​ວ່າ​ຈະ​ໃຊ້​ທ່າ​ກຳປັ່ນ​ຂອງ​ຈີນ​ເພື່ອ​ແລກປ່ຽນ​ການ​ຄ້າ​ກັບ​ປະເທດ​ທີ​ສາມ

1.029 10 ພ.ພ. 2019 ຂ່າວຕ່າງປະເທດ
ເນ​ປານ ຄາດ​ວ່າ​ຈະ​ໃຊ້​ທ່າ​ກຳປັ່ນ​ຂອງ​ຈີນ​ເພື່ອ​ແລກປ່ຽນ​ການ​ຄ້າ​ກັບ​ປະເທດ​ທີ​ສາມ

    ຂ່າວສານ ຊິນ​ຮວາ ລາຍ​ງານ​ວ່າ ລັດຖະບານ​ເນ​ປານ​ພວມ​ວາງ​ແຜນ​ສົ່ງ​ຄະນະ​ເຈົ້າ​ໜ້າທີ່ ໄປ​ຍັງ​ຈີນ ເພື່ອ​ຄົ້ນຄວ້າ​ຄວາມ​ສາມາດ​ເປັນ​ໄປ​ໄດ້ ໃນ​ການ​ນຳ​ໃຊ້​ບັນດາ​ທ່າ​ກຳປັ່ນ​ຂອງ​ຈີນ ເພື່ອ​ແລກປ່ຽນ​ການ​ຄ້າ​ກັບ​ປະເທດ​ທີ​ສາມ.

     ການເຄື່ອນໄຫວ​ດັ່ງກ່າວ ເປັນ​ບາດກ້າວ​ຕໍ່​ໄປ ຫຼັງ​ຈາກ​ທີ່​ເມື່ອ​ເດືອນ​ທີ່​ຜ່ານ​ມາ ສອງ​ປະເທດ ເນ​ປານ ແລະ​ຈີນ ໄດ້​ລົງ​ນາມ​ອະນຸ​ສັນຍາ ກ່ຽວ​ກັບ​ຂໍ້​ຕົກລົງ​ດ້ານ​ການ​ຂົນສົ່ງ​ຜ່ານ​ແດນ.

    ທ່ານ ເກ​ດາ ບາ​ຮາ​ດົວ ອາ​ດີກາ​ຣີ ເລຂາທິການ​ຂອງ​ກະຊວງ​ການ​ຄ້າ​ເນ​ປານ ແຈ້ງ​ໃຫ້​ຮູ້ ເມື່ອ​ວັນ​ທີ 7 ພຶດສະພາ​ວ່າ ກະຊວງ​ນີ້​ໄດ້​ສົ່ງ​ຄຳ​ສະເໜີ​ໄປ​ຍັງ​ກະຊວງ​ການ​ຕ່າງປະເທດ​ເນ​ປານ ເພື່ອ​ຈັດ​ແຈງ​ໃຫ້​ແກ່​ການ​ຢ້ຽມຢາມ​ຈີນ ຂອງ​ຄະນະ​ເຈົ້າ​ໜ້າທີ່​ກະຊວງ​ການ​ຄ້າ​ເນ​ປານ.

    ຈີນ​ເປັນ​ປະເທດ​ທີ​ສາມ ທີ່​ເນ​ປານ​ໄດ້​ເຊັນ​ຂໍ້​ຕົກລົງ​ວ່າ​ດ້ວຍ​ການ​ຜ່ານ​ແດນ ຊຶ່ງ​ກ່ອນ​ໜ້າ​ນັ້ນ ແມ່ນ​ມີ​ອິນ​ເດຍ ແລະ ​ບັງ​ກລາ​ເດ​​ສ.

ຂ່າວທີ່ກ່ຽວຂ້ອງ