ສ ອາ​ເມ​ຣິ​ກາ ປະຕິເສດ​ລົງ​ນາມ​ຂໍ້​ຕົກລົງ​ຢູ່​ໃນ​ກອງ​ປະຊຸມ​ຂອງ​ສະພາ​ຂົ້ວ​ໂລກ​ເໜືອ

1.030 10 ພ.ພ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ປະຕິເສດ​ລົງ​ນາມ​ຂໍ້​ຕົກລົງ​ຢູ່​ໃນ​ກອງ​ປະຊຸມ​ຂອງ​ສະພາ​ຂົ້ວ​ໂລກ​ເໜືອ

   ສ ອາ​ເມ​ຣິ​ກາ ໄດ້​ປະຕິເສດ​ເຊັນ​ຂໍ້​ຕົກລົງ​ກ່ຽວ​ກັບ​ຮູບ​ການ​ທີ່​ມີ​ຕໍ່​ຂົ້ວ​ໂລກ​ເໜືອ ຍ້ອນ​ມີ​ການ ແຕກ​ຕ່າງ​ຈຳນວນ​ໜຶ່ງ ກ່ຽວ​ກັບ​ຄຳ​ສັບ ທີ່​ພົວພັນ​ເຖິງ​ການ​ປ່ຽນແປງ​ສະພາບ​ດິນ​ຟ້າ​ອາກາດ.  ນີ້​ເປັນ​ເທື່ອ​ທຳ​ອິດ​ທີ່ ສະພາ​ຂົ້ວ​ໂລກ​ເໜືອ ບໍ່​ມີ​ຖະແຫຼງການ​ຮ່ວມ​ອອກ​ມາ ນັບ​ແຕ່​ສະພາ​ນີ້​ໄດ້​ຮັບ​ການ ສ້າງຕັ້ງ​ເມື່ອ​ປີ 1996 ເປັນຕົ້ນ​ມາ.

    ສຳນັກ​ຂ່າວສານ Reuters ອ້າງ​ຕາມ​ຄຳ​ເວົ້າ​ຂອງ​ບັນດາ​ນັກ​ການ​ທູດ ລາຍ​ງານ​ເມື່ອ​ວັນ​ທີ 7 ພຶດສະພາ​ທີ່​ຜ່ານ​ມາ​ວ່າ ລັດຖະມົນຕີ​ການ​ຕ່າງປະເທດ ສ ອາ​ເມ​ຣິ​ກາ ໄມ ພອມ​ພຽວ ໄດ້​ອອກ​ໄປ​ຈາກ ກອງ​ປະຊຸມ ໂດຍ​ທີ່​ບໍ່​ໄດ້​ລົງ​ນາມ​ຂໍ້​ຕົກລົງ ຍ້ອນ​ວ່າ​ບໍ່​ເຫັນ​ພ້ອມ​ກ່ຽວ​ກັບ​ການ​ພັນ​ລະ​ນາ ການ​ປ່ຽນແປງ​ສະພາບ​ດິນ​ຟ້າ​ອາກາດ ວ່າ​ເປັນ​  ໄພ​ຄຸກ​ຄາມ​ຮ້າຍ​ແຮງ​ຕໍ່​ເຂດ​ດັ່ງກ່າວ.

   ແທນ​ທີ່​ໃສ່​ນັ້ນ ກໍ​ແມ່ນ​ຖະແຫຼງການ​ສັ້ນໆ ນຳ​ອອກ​ມາ​ຫຼັງ​ການ​ປະຊຸມ ໂດຍ​ທີ່​ລັດຖະມົນຕີ​ການ​ຕ່າງປະເທດ​ທີ່​ມາ​ຈາກ ສ ອາ​ເມ​ຣິ​ກາ ຣັດ​ເຊຍ ກາ​ນາ​ດາ ແຟງ​ລັງ ນອກ​ແວ ດານ​ມາກ ຊູ​ແອດ ແລະ ​ອິ​ສລັງ ໄດ້​ທົບ​ທວນຄືນ​ເຖິງ​ຄຳ​ສັນຍາ ທີ່​ມີ​ຕໍ່​ການ​ພັດທະນາ​ແບບ​ຍືນ​ຍົງ ແລະ​ອະນຸລັກ​ສິ່ງແວດລ້ອມ​ຂົ້ວ​ໂລກ​ເໜືອ.

ຂ່າວທີ່ກ່ຽວຂ້ອງ