ຂ່າວຫຼ້າສຸດ

ສ້າງການເຊື່ອມຕໍ່ເຕັກໂນໂລຊີຂອງລາວຢ່າງເຕັມທີ່

1.160 07 ພ.ພ. 2019 ຂ່າວໜ້າ​ໜຶ່ງ
ສ້າງການເຊື່ອມຕໍ່ເຕັກໂນໂລຊີຂອງລາວຢ່າງເຕັມທີ່

    ບໍ­ລິ­ສັດ ຫົວ​ເຫວີຍ ນຳ​ສະ­ເໜີ​ໂຊ​ລູ​ຊັນ​ດິ​ຈິ​ຕອນ​ທີ່​ມີ​ເຕັກ​ໂນ​ໂລ​ຊີ​ສູງ ສຳ­ລັບ​ຜູ້​ປະ­ກອບ​ການ​ລັດ­ຖະ­ບານ ແລະ ອົງ​ກອນ (HUAWEI MOBILE LAO CONGRESS 2019) ຂຶ້ນ​ວັນ​ທີ 6-8 ພຶດ­ສະ­ພາ 2019 ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ນຳ​ສະ­ເໜີ 4 ຫົວ­ຂໍ້​ຫຼັກ​ຄື: 5G ໄດ້​ເລີ່ມ​ຂຶ້ນ​ແລ້ວ (5G is ON) ນະ​ວັດ­ຕະ​ກຳ​ສ້າງ­ສັນ​ການ​ເຕີບ​ໂຕ​ໃໝ່ (Innovation Inspiring New Growth) AI ຊ່ວຍ​ໃຫ້­ການ​ດຳ­ເນີນ​ທຸ­ລະ​ກິດ​ເກີດ​ຄວາມ​ອັດ​ສະ​ລິ​ຍະ (AI Enabling Intelligent Operations) ແລະ ໂຊ​ລູ​ຊັນ​ອຸດ­ສາ­ຫະ­ກຳ​ທີ່​ຊານ​ສະ­ຫຼາດ(Smart Industry Solution).

    ຈຸດ­ປະ­ສົງ​ຫຼັກ​ຂອງ Mobile Congress ຄື​ການ​ຖ່າຍ​ໂອນ​ໂຊ​ລູ​ຊັນ​ຫຼ້າ​ສຸດ ແລະ ຂໍ້​ມູນ​ອຸດ­ສາ­ຫະ­ກຳ ເພື່ອ​ຊ່ວຍ​ໃນ​ການ​ສ້າງ​ການ​ເຊື່ອມ​ຕໍ່​ທີ່​ຊານ​ສະ­ຫຼາດ​ຢ່າງ​ເຕັມ­ທີ່ ໂດຍ​ສະ­ເພາະ​ຫົວ​ເຫວີຍ​ສະ­ແດງ​ໃຫ້​ເຫັນ​ເຖິງ​ໂຊ​ລູ​ຊັນ​ຂອງ​ຜູ້­ນຳ 5G ທຸ­ລະ​ກິດ​ສູ່​ລູກ​ຄ້າ ທຸ­ລະ​ກິດ​ສູ່​ທຸ­ລະ​ກິດ ທຸ­ລະ​ກິດ​ສູ່​ບອດ​ແບນ​ຂອງ​ບ້ານ ສິ່ງ​ຂອງ​ອິນ​ເຕີ​ເນັດ ຄຣາວ ປັນ­ຍາ​ປະ­ດິດ ສະ­ມາດ​ຊິດ​ຕີ້/ລັດ­ຖະ­ບານ ເມືອງ​ທີ່​ປອດ​ໄພ ການ​ສຶກ​ສາ​ທີ່​ກຳ­ນົດ​ເອງ ສະ­ມາດ​ກຣິດ ແລະ ຜະ­ລິດ​ຕະ​ພັນ IT/IP ຫົວ​ເຫວີຍ​ຈະ​ສາ­ມາດ​ມີ​ສ່ວນ​ຮ່ວມ​ກັບ​ຜູ້­ນຳ​ອຸດ­ສາ­ຫະ­ກຳ ແບ່ງ­ປັນ​ປະ­ສົບ​ການ ແລະ ຄວາມ​ສຳ­ເລັດ ແລະ ຈັດ​ສະ­ແດງ​ຜະ­ລິດ​ຕະ​ພັນ​ຊັ້ນ​ນຳ ລວມ​ທັງ​ໂຊ​ລູ​ຊັນ​ສະ­ເພາະ​ສະ­ຖາ­ນະ​ການ ຫົວ​ເຫວີຍ​ຈະ​ຊ່ວຍ​ໃຫ້​ລັດ­ຖະ­ບານ​ລາວ ຜູ້​ປະ­ກອບ​ການ ແລະ ອົງ​ກອນ ເພື່ອ​ໃຫ້­ການ​ສະ­ໜັບ­ສະ­ໜູນ​ສ້າງ​ການ​ເຊື່ອມ​ຕໍ່ ແລະ ຊີ­ວິດ​ອັດ​ສະ​ລິ​ຍະ.

    ຈາກ​ງານ Mobile World Congress 2019 ທີ່​ໄດ້​ຈັດ​ຂຶ້ນ​ຢູ່​ເມືອງ​ບາ​ເຊ​ໂລ​ນາ ປະ­ເທດ​ແອັດ​ສະ​ປາຍ ຫົວ​ເຫວີຍ​ໄດ້​ຄາດ​ວ່າ​ເຕັກ​ໂນ​ໂລ​ຊີ 5G ຈະ​ສ້າງ​ໂອ­ກາດ​ໃຫ້​ອຸດ­ສາ­ຫະ­ກຳ​ໃນ​ອາ­ຊີ​ຕາ­ເວັນ​ອອກ​ສ່ຽງ​ໃຕ້ ສູງ​ເຖິງ 1,2 ລ້ານ​ໂດ​ລາ​ສະ​ຫາ​ລັດ ຫຼື ປະ­ມານ 10,41 ຕື້​ກີບ ໃນ 5 ປີ​ຂ້າງ​ໜ້າ ອາ­ຊີ​ຕາ­ເວັນ​ອອກ​ສ່ຽງ​ໃຕ້ ຈະ​ໂດດ​ເດັ່ນ​ດ້ວຍ​ອັດ­ຕາ​ການ​ເຕີບ​ໂຕ​ຂອງ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ (GDP) ທີ່​ຂະ­ຫຍາຍ­ຕົວ​ໄວ​ທີ່​ສຸດ ແລະ ເສດ­ຖະ­ກິດ​ດິ​ຈິ​ຕອນ ຈະ​ເປັນ​ຕົວ​ຊຸກ­ຍູ້​ຫຼັກ​ທີ່­ຢູ່​ເບື້ອງ​ຫຼັງ​ການ​ເຕີບ​ໂຕ​ດັ່ງ­ກ່າວ.

ຂ່າວທີ່ກ່ຽວຂ້ອງ