ໂຮງໝໍ​ເອກະ​ຊົນ ເລີ່ມ​ປະຕິບັດ​ລະບົບ​ຄຸ້ມ​ຄອງ​ການ​ບໍລິການ​ດ້ວຍ​ລະບົບ​ໄອ​ທີ

1.393 06 ພ.ພ. 2019 ຂ່າວໜ້າ​ໜຶ່ງ

    ກົມ​ປິ່ນປົວ ແລະ ຟື້ນ​ຟູ​ໜ້າທີ່​ການ ກະຊວງ​ສາທາລະນະ​ສຸກ ຈັດ​ກອງ​ປະຊຸມ​ຈັດ​ຕັ້ງ​ປະຕິບັດ​ການ​ຄຸ້ມ​ຄອງ​ລະບົບ​ຂໍ້​ມູນ​ຂ່າວສານ​ການ​ບໍລິການ​ຂອງ​ໂຮງໝໍ​ເອກະ​ຊົນ ດ້ວຍ​ການ​ນຳ​ໃຊ້​ລະບົບ​ໄອ​ທີ ຂຶ້ນ​ວັນ​ທີ 30 ເມສາ 2019 ຢູ່​ກະຊວງ​ສາທາລະນະ​ສຸກ ໂດຍ​ເປັນ​ປະທານ​ຂອງ​ທ່ານ ບຸນ​ໜັກ ໄຊຊະນະ​ສົງຄາມ     ຫົວໜ້າ​ກົມ​ປິ່ນປົວ ແລະ ຟື້ນ​ຟູ​ໜ້າທີ່​ການ ມີ​ຜູ້​ບໍລິຫານ-ວິຊາ​ການ​ໂຮງໝໍ​ເອກະ​ຊົນ 18 ແຫ່ງ​ໃນ ນວ ເຂົ້າ​ຮ່ວມ.

    ຈຸດປະສົງ ເພື່ອ​ໃຫ້​ບັນດາ​ໂຮງໝໍ​ເອກະ​ຊົນ​ທີ່​ສ້າງຕັ້ງ​ໃນ​ນະຄອນຫຼວງ​ວຽງ​ຈັນ ດຳເນີນ​ທຸລະ​ກິດ​ໃຫ້​ຖືກ ຕ້ອງ ແລະ ສອດຄ່ອງ​ຕາມ​ລະບຽບ​ການ​ຂອງ​ກະຊວງ​ສາທາລະນະ​ສຸ​ກວາງ​ອອກ ເພື່ອ​ປັບປຸງ​ລະບົບ​ການ​ຄຸ້ມ​ຄອງ​ພາກ​ເອກະ​ຊົນ​ດ້ານ​ຂໍ້​ມູນ​ຂ່າວສານ ດ້ານ​ການ​ບໍລິການ​ໃຫ້​ມີ​ຄວາມ​ຊັດ​ເຈນ​ເຊັ່ນ: ດ້ານ​ບຸ​ຄະລາ​ກອນ ອຸປະກອນ ແລະ ຄວາມ​ສາມາດ​ດ້ານ​ເຕັກ​ໂນ​ໂລ​ຊີ​ຂອງ​ໂຮງໝໍ​ໃຫ້​ມີ​ຄຸນ​ນະ​ພາບ ການ​ບໍລິການ​ຂອງ​ເອກະ​ຊົນ ກໍ​ຄື ກັບ​ພາກ​ລັດ​ຕາມ​ການ​ເຈາະ​ຈີ້ມ​ຂອງ​ລັດຖະບານ ເຊິ່ງ​ລະບົບ​ຄຸ້ມ​ຄອງ​ຂໍ້​ມູນ​ຂ່າວສານ​ການ​ບໍ ລິ​ການ​ຂອງ​ໂຮງໝໍ​ເອກະ​ຊົນ ດ້ວຍ​ການ​ນຳ​ໃຊ້​ລະບົບ​ໄອ​ທີ ຈະ​ເລີ່ມ​ປະຕິບັດ​ຕົ້ນ​ເດືອນ​ພຶດສະພາ 2019 ເປັນຕົ້ນ​ໄປ.

ຂ່າວທີ່ກ່ຽວຂ້ອງ