ຂ່າວຫຼ້າສຸດ

ການ​ນຳ​ພັກ-ລັດ ຮ່ວມ​ໄວ້ອາໄລ​ຕໍ່​ການ​ຈາກ​ໄປ​ຂອງ ສະຫາຍ ເລ ດຶກ ແອັງ

926 06 ພ.ພ. 2019 ຂ່າວໜ້າ​ໜຶ່ງ
ການ​ນຳ​ພັກ-ລັດ ຮ່ວມ​ໄວ້ອາໄລ​ຕໍ່​ການ​ຈາກ​ໄປ​ຂອງ ສະຫາຍ ເລ ດຶກ ແອັງ

    ວັນ​ທີ 3 ພຶດສະພາ 2019 ຢູ່​ສະຖານ​ເອກ​ອັກ​ຄະ​ລັດ​ຖະ​ທູດ ​ສສ ຫວຽດນາມ ປະຈຳ ​ສປປ ລາວ ທ່ານ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ ປະຕິວັດ​ລາວ ປະທານ​ປະເທດ ​ສປປ ລາວ ພ້ອມ​ດ້ວຍ​ການ​ນຳ​ຂັ້ນ​ສູງ ຕາງໜ້າ​ພັກ-ລັດຖະບານ ສະພາ​ແຫ່ງ​ຊາດ ແລະ ສູນ​ກາງ​ແນວ​ລາວ​ສ້າງ​ຊາດ ເຂົ້າ​ຮ່ວມ​ວາງ​ພວງມາລາ ແລະ ຂຽນ​ປື້ມ​ໄວ້ອາໄລ​ຕໍ່​ການ​ເສຍ​ຊີວິດ​ຂອງ​ສະຫາຍ ເລ ດຶກ ແອັງ ອະດີດ​ກຳມະການ​ກົມ​ການເມືອງ​ສູນ​ກາງ​ພັກ​ກອມ​ມູ​ນິດ​ຫວຽດນາມ ສະ ໄໝ​ທີ V VI VIIVIII  ອະດີດ​ເລຂາທິການ​ສູນ​ກາງ​ພັກ ສະໄໝ​ທີ VII ອະດີດ​ສະມາຊິກ​ສະພາ​ແຫ່ງ​ຊາດ ສະໄໝ​ທີ VI VII VIII ແລະ IX ອະດີດ​ປະທານ​ປະເທດ ​ສສ ຫວຽດນາມ ເຊິ່ງ​ມີ​ເນື້ອ​ໃນ​ຄື: ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ ປະຕິວັດ​ລາວ ສະພາ​ແຫ່ງ​ຊາດ ລັດຖະບານ ​ສປປ ລາວ ແລະ ສູນ​ກາງ​ແນວ​ລາວ​ສ້າງ​ຊາດ ຮູ້ສຶກ​ໂສກເສົ້າ​ເສຍ​ໃຈ​ເປັນ​ຢ່າງ​ຍິ່ງ ເມື່ອ​ໄດ້​ຮັບ​ຂ່າວ​ການ​ຈາກ​ໄປ ໂດຍ​ບໍ່​ມີ​ວັນ​ກັບ​ຄືນ​ມາ​ຂອງ​ສະຫາຍ ເລ ດຶກ ແອັງ ອະດີດ​ກຳມະການ​ກົມ​ການເມືອງ​ສູນ​ກາງ​ພັກ ອະດີດ​ປະທານ​ປະເທດ ​ສສ ຫວຽດນາມ ການ​ຈາກ​ໄປ​ຂອງ​ສະຫາຍ ເລ ດຶກ ແອັງ ບໍ່​ພຽງ​ແຕ່​ເປັນ​ການ​ສູນ​ເສຍ​ຜູ້ນຳ​ທີ່​ເຄົາລົບ​ຮັກ​ຂອງ​ພັກ ລັດ ແລະ ປະຊາຊົນ​ຫວຽດນາມ ແຕ່​ຍັງ​ເປັນ​ການ​ສູນ​ເສຍ​ເພື່ອນ​ມິດ​ສະຫາຍ​ທີ່​ສະໜິດສະໜົມ ແລະ ໃກ້ຊິດ​ຂອງ​ພັກ ລັດ ແລະ ປະຊາຊົນ​ລາວ ອີກ​ດ້ວຍ.

    ສະຫາຍ ເລ ດຶກ ແອັງ ເປັນ​ຜູ້​ໜຶ່ງ​ທີ່​ປະກອບສ່ວນ​ອັນ​ໃຫຍ່​ຫຼວງ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ຂອງ​ຫວຽດນາມ ຕະຫຼອດ​ຊີວິດ​ຂອງ​ການເຄື່ອນໄຫວ​ປະຕິວັດ​ຫຼາຍ​ກວ່າ 80 ປີ ທັງ​ໃນ​ຂະ​ບວນ​ການ​ຕໍ່ສູ້​ກູ້​ຊາດ​ຕ້ານ​ຈັກກະພັດ​ຜູ້​ຮຸກ​ຮານ ກອບ​ກູ້ ແລະ ທ້ອນໂຮມ​ປະເທດ​ຊາດ​ຫວຽດນາມ ແລະ ສະໄໝ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ ສະຫາຍ ເລ ດຶກ ແອັງ ຍັງ​ເປັນ​ຜູ້​ໜຶ່ງ​ທີ່​ປະກອບສ່ວນ​ສຳຄັນ​ໃຫ້ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່ ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງ ລາວ ແລະ ຫວຽດນາມ ຕະຫຼອດ​ມາ.

ຂ່າວທີ່ກ່ຽວຂ້ອງ