ຂ່າວຫຼ້າສຸດ

ເຜີຍແຜ່​ພາລະ​ບົດບາດ​ຂອງ​ຄະນະ​ກວດກາ​ສູນ​ກາງ​ພັກ​ໃຫ້​ສື່​ມວນ​ຊົນ

805 06 ພ.ພ. 2019 ຂ່າວໜ້າ​ໜຶ່ງ
ເຜີຍແຜ່​ພາລະ​ບົດບາດ​ຂອງ​ຄະນະ​ກວດກາ​ສູນ​ກາງ​ພັກ​ໃຫ້​ສື່​ມວນ​ຊົນ

   ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ລັດຖະບານ ຈັດ​ສຳ​ມະ​ນາ​ກ່ຽວ​ກັບ​ພາລະ​ບົດບາດ ແລະ ກົງຈັກ​ການຈັດຕັ້ງ​ຂອງ​ຕົນ​ໃຫ້​ສຳນັກ​ຂ່າວ 21 ພາກສ່ວນ​ອ້ອມ​ຂ້າງ​ສູນ​ກາງ ຂຶ້ນ​ວັນ​ທີ 3 ພຶດ​ສະ ພາ 2019 ຢູ່​ຄະນະ​ດັ່ງກ່າວ ໂດຍ​ເປັນ​ປະທານ​ຂອງ​ທ່ານ ດາວ​ບົວລະພາ ບາ​ວົງ​ເພັດ ຮອງ​ປະທານ​ຄະ ນະ​ກວດກາ​ສູນ​ກາງ​ພັກ ປະທານ​ອົງການ​ກວດກາ​ລັດຖະບານ ຮອງ​ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ມີ​ຫົວໜ້າ​ບັນນາທິການ​ວາລະສານ ໜັງສືພິມ ໂທລະພາບ ແລະ ນັກ​ຂ່າວ​ເຂົ້າ​ຮ່ວມ.

    ສຳ​ມະ​ນາ​ຄັ້ງ​ນີ້ ແມ່ນ​ປະຕິບັດ​ຕາມ​ແຜນການ​ຈັດ​ສຳ​ມະ​ນາ​ຂອງ​ຄະນະ​ບັນນາທິການ​ວາລະສານ​ກວດ ກາ ສະບັບ​ເລກ​ທີ 047/​ກ​ຄວກ ກ່ຽວ​ກັບ​ພາລະ​ບົດບາດ ແລະ ກົງຈັກ​ການຈັດຕັ້ງ​ຂອງ​ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ລັດຖະບານ ແລະ ອີງ​ຕາມ​ການ​ເຫັນ​ດີ​ໄຂ​ສຳ​ມະ​ນາ​ຂອງ​ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ລັດຖະບານ ຈຸດປະສົງ ເພື່ອ​ສ້າງ​ຄວາມ​ຮັບ​ຮູ້-ເຂົ້າໃຈ​ໃຫ້​ຄະນະ​ບັນນາທິການ ນັກ​ຂ່າວ ແລະ ສື່​ມວນ​ຊົນ​ໃນ​ການ​ຂຽນ​ຂ່າວ ສົ່ງ​ຂ່າວ​ລົງ​ໂຄສະນາ​ທາງ​ລາຍການ​ວິທະຍຸ ໂທລະພາບ ໜັງສືພິມ ແລະ ເວບ​ໄຊ​ຕ່າງໆ ກ່ຽວ​ກັບ​ວຽກ​ງານ​ກວດກາ ເປັນຕົ້ນ ທາງ​ເນື້ອ​ໃນ​ການ​ຂຽນ​ຊື່​ເອີ້ນ​ຂອງ​ຄະນະ​ພັກ ຄະນະ​ນຳ ຄະນະ​ກວດກາ​ສູນ​ກາງ​ພັກ ອົງການ​ກວດກາ​ລັດຖະບານ ໃຫ້​ຖືກຕ້ອງ​ຕາມ​ພາລະ​ບົດບາດ ແລະ ກົງຈັກ​ການຈັດຕັ້ງ.

    ໂອກາດ​ນີ້ ທ່ານ ດາວ​ບົວລະພາ ບາ​ວົງ​ເພັດ ໄດ້​ເຜີຍແຜ່​ພາລະ​ບົດບາດ ແລະ ກົງຈັກ​ການຈັດຕັ້ງ​ຂອງ​ຄະນະ​ກວດກາ​ສູນ​ກາງ​ພັກ ພາລະ​ບົດບາດ​ລະຫວ່າງ​ອົງການ​ກວດກາ​ລັດຖະບານ ກັບ​ອົງການ​ກວດ​ສອບ​ແຫ່ງ​ລັດ ນອກ​ນີ້ ທ່ານ ວັນ​ຄຳ ໄຊ​ວົງ​ສັກ ຫົວໜ້າ​ກົມ​ຄົ້ນຄວ້າ ແລະ ວາລະສານ​ກວດກາ ຫົວໜ້າ​ບັນນາທິການ​ວາລະສານ​ກວດກາ ຍັງ​ໄດ້​ລາຍ​ງານ​ການເຄື່ອນໄຫວ​ວຽກ​ງານ​ບັນນາທິການ​ໃນ​ໄລຍະ​ຜ່ານ​ມາ​ຕື່ມ​ອີກ.

ຂ່າວທີ່ກ່ຽວຂ້ອງ