ຢູ-19 ຍິງທີມຊາດລາວ ຊະນະ ຄີກິດສະຖານ 7-1 ຜ່ານເຂົ້າຊີງຊະນະເລີດ

615 02 ພ.ພ. 2019 ວົງຈອນກີລາ
ຢູ-19 ຍິງທີມຊາດລາວ ຊະນະ ຄີກິດສະຖານ 7-1 ຜ່ານເຂົ້າຊີງຊະນະເລີດ

    ທັບ​ນັກ­ກີ­ລາ​ເຕະ­ບານ​ຍິງ ທິມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 19 ປີ ຫຼື ຢູ-19 ສ້າງ​ຜົນ­ງານ​ໂດດ​ເດັ່ນ​ຢ່າງ​ຕໍ່​ເນື່ອງ ຫຼ້າ​ສຸດ​ໃນ​ວັນ​ທີ 29 ເມ­ສາ 2019 ສາ­ມາດ​ເອົາ​ຊະ­ນະ ຢູ-19 ທີມ​ຊາດ​ຄີ​ກິດ​ສະ­ຖານ ເຖິງ 7-1 ຂອງ​ຮອບ​ຮອງ​ຊະ­ນະ​ເລີດ ໃນ​ການ​ແຂ່ງ­ຂັນ​ເຕະ­ບານ​ຍິງ ລາຍ­ການ Bangamata U-19 Women’s International Gold Cup 2019 ທີ່​ສະ­ໜາມ​ກີ­ລາ Bangabandhu National Stadium ປະ­ເທດ​ບັງ​ກະ­ລາ​ເທດ.

    ທີມ​ຊາດ​ລາວ ໄດ້​ປະ­ຕູ​ຈາກ ພົມ​ພັກ­ດີ ນາ­ທີໆ 9 21 86 ແລະ 89 ຈຸດ​ໂທດ ວາ​ດີ ອິນ­ທີ​ຍາ ນາ­ທີໆ 57 ມົນ​ທິບ ສີ­ສະ​ເກດ ນາ­ທີ 74 ແລະ ຫຼ້າ​ນ້ອຍ ວົງ​ສິງ​ຄຳ ນາ­ທີໆ 90+2 ຂະ­ນະ​ທີ່ ຄີ​ກິດ​ສະ­ຖານ ໄດ້​ປະ­ຕູ​ຈາກ Aiturgan ນາ­ທີໆ 43 ສຳ­ລັບ​ນັກ​ເຕະ​ດີ­ເດັ່ນ​ໃນ​ນັດ​ນີ້ ຍັງ​ຕົກ​ເປັນ​ຂອງ ເປ້ ພົມ​ພັກ­ດີ ໂດຍ​ຍິງ​ໄດ້​ທັງ​ໝົດ 8 ປະ­ຕູ ໃນ​ລາຍ­ການ​ດັ່ງ­ກ່າວ ໄດ້​ຮັບ​ເງິນ 500 ໂດ​ລາ​ສະ­ຫະ­ລັດ ລວມ 3 ນັດ ໄດ້​ຮັບ​ເງິນ 1.500 ໂດ​ລາ​ສະ­ຫະ­ລັດ.

    ຈາກ​ໄຊ­ຊະ­ນະ​ດັ່ງ­ກ່າວ ສົ່ງ​ຜົນ​ໃຫ້​ທີມ​ຊາດ​ຍິງ​ລາວ ຮຸ່ນ​ອາ­ຍຸ​ບໍ່​ເກີນ 19 ປີ ຜ່ານ​ເຂົ້າ​ຊີງ​ຊະ­ນະ​ເລີດ ລໍ­ຖ້າ​ພົບ​ກັບ ບັງ​ກະ­ລາ​ເທດ ຫຼື ມົງ​ໂກ​ລີ ເຊິ່ງ​ແຂ່ງ­ຂັນ​ໃນ​ວັນ​ອັງ­ຄານ 30 ເມ­ສາ 2019 ຜ່ານ​ມາ ສ່ວນ​ຮອບ​ຊີງ​ຊະ­ນະ​ເລີດ ຈະ​ມີ​ຂຶ້ນ​ໃນ​ວັນ​ທີ 3 ພຶດ­ສະ­ພາ 2019 ແຂ່ງ­ຂັນ​ຢູ່​ສະ­ໜາມ​ກີ­ລາ Bangabandhu National Stadium Dhaka.

ຂ່າວທີ່ກ່ຽວຂ້ອງ