ຂ່າວຫຼ້າສຸດ

ຟານໄດ ໄດ້ຮັບລາງວັນນັກເຕະດີເດັ່ນ PFA

566 02 ພ.ພ. 2019 ວົງຈອນກີລາ
ຟານໄດ ໄດ້ຮັບລາງວັນນັກເຕະດີເດັ່ນ PFA

    ເຟີ​ກິ​ລ ຟານ​ໄດ ກອງ​ຫຼັງ​ຄ່າ​ໂຕ​ແພງ​ທີ່​ສຸດ​ໃນ​ໂລກ ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ​ກັບ​ສະ­ໂມ­ສອນ​ລີ​ເວີ​ພູ​ລ ແລະ ອາດ​ພາ​ທີມ​ຄວ້າ​ແຊັມ​ການ​ແຂ່ງ­ຂັນ​ເຕະ­ບານ ພຣີ​ເມຍ​ລີກ ອັງ­ກິດ ລະ­ດູ​ການ 2018-2019 ເຊິ່ງ​ຈະ​ສິ້ນ​ສຸດ​ລົງ​ໃນ​ເດືອນ​ພຶດ­ສະ­ພາ​ທີ່​ຈະ​ມາ​ເຖິງ ໂດຍ​ກອງ​ຫຼັງ​ທີມ​ຊາດ ໂຮນ​ລັງ ໄດ້​ຮັບ​ຜົນ​ໂຫວດ​ສູງ​ສຸດ ຄວ້າ​ນັກ​ເຕະ​ດີ­ເດັ່ນ​ຂອງ​ພີ​ເອ​ຟ​ເອ ໄປ​ຄອງ​ຕາມ​ຄາດ.

    ຟານ​ໄດ ເປັນ​ນັກ​ເຕະ​ລີ​ເວີ​ພູ​ລ ຄົນ­ທີ 8 ທີ່​ໄດ້​ຮັບ​ລາ­ງວັນ​ນີ້​ຕໍ່​ຈາກ ໂມ​ຮາ​ເໝັດ ຊາ​ລາ (2017-2018) ຫຼຸຍ ຊົວ​ເຣ​ຊ (2013-2014) ສະ­ຕີ​ເວັນ ເຈີ​ຣາດ (2005-06) ຈອນ ບານ (1987-88) ອຽນ ຣັຊ (1983-84) ເຊີ​ເຄນ​ນີ ດັນ​ກີດ (1982-83) ເທີ​ຣີ ແມັກ​ເດ​ມອດ (1979-80) ແລະ ເປັນ​ກອງ​ຫຼັງ​ຄົນ​ທຳ​ອິດ​ໃນ​ຮອບ 14 ປີ ຕໍ່​ຈາກ ຈອນ ເທີ​ຣີ ຕຳ­ນານ​ນັກ​ເຕະ​ເຊວ​ຊີ ທີ່​ໄດ້​ຮັບ​ລາ­ງວັນ​ນີ້ ໃນ​ປີ 2005.

    ນອກ­ຈາກ​ນີ້ ເຟີ​ກິ​ລ ຟານ​ໄດ ຍັງ​ເປັນ​ນັກ​ເຕະ​ໂຮນ​ລັງ​ຄົນ­ທີ 4 ຕໍ່​ຈາກ ໂຣ​ບິນ ຟານ​ເຟີ​ຊີ ຈາກ​ສະ­ໂມ­ສອນ​ອາ​ເຊ​ນອນ ລະ­ດູ​ການ 2011-2012 ຣຸດ ຟານ​ນີ​ສ​ເຕີ​ຣອຍ ຈາກ​ສະ­ໂມ­ສອນ​ແມນ​ເຊ​ສ​ເຕີ ຢູ​ໄນ​ເຕັດ ລະ­ດູ​ການ 2001-2002 ແລະ ເດນ​ນີ​ສ ເບິກ​ແຄມ ຈາກ​ສະ­ໂມ­ສອນ​ອາ​ເຊ​ນອນ ລະ­ດູ​ການ 1997-1998.

ຂ່າວທີ່ກ່ຽວຂ້ອງ