ຂ່າວຫຼ້າສຸດ

ຍົກລະດັບການເປັນຜູ້ອຳນວຍການ ບັນຍາຍການບໍລິຫານກີລາລະດັບຊາດ

1.024 29 ມ.ສ. 2019 ວົງຈອນກີລາ
ຍົກລະດັບການເປັນຜູ້ອຳນວຍການ ບັນຍາຍການບໍລິຫານກີລາລະດັບຊາດ

    ບຸກ​ຄະ­ລາ​ກອນ​ຮຸ່ນ​ສືບ​ທອດ​ຂອງ​ຄະ­ນະ​ກຳ­ມະ­ການ​ກີ­ລາ​ໂອ​ແລມ​ປິກ​ແຫ່ງ​ຊາດ​ລາວ ຫຼື ຄອລ ຈຳ­ນວນ 6 ຄົນ ຍິງ 1 ຄົນ ໄດ້​ຮັບ​ການ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ​ດ້ານ​ການ​ເປັນ​ຜູ້­ອຳ­ນວຍ­ການ ບັນ­ຍາຍ​ການ​ບໍ­ລິ­ຫານ​ກີ­ລາ​ລະ­ດັບ​ຊາດ ໃນ​ວັນ​ທີ 25 ເມ­ສາ 2019 ທີ່​ຫ້ອງ­ການ ຄອລ ມີ​ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ຮອງ​ປະ­ທານ ແລະ ເລ­ຂາ­ທິ­ການ ຄອລ ທ່ານ ກະ­ເສມ ອິນ​ທະ­ລາ ຮອງ​ປະ­ທານ ຄອລ ທ່ານ​ນາງ ເມີຍ​ຣາ ທານ ແລະ ທ່ານ​ນາງ ທຳ ຈອຍ ລິງ ຜູ້​ຊ່ຽວ­ຊານ​ທີ່​ມາ​ຈາກ​ຄະ­ນະ​ກຳ­ມະ­ການ​ໂອ​ແລມ​ປິກ​ສາ­ກົນ ພ້ອມ​ດ້ວຍ​ບັນ­ດາ​ຜູ້​ສັງ­ເກດ​ການ ແລະ ຕາງ­ໜ້າ​ບາງ​ສະ­ຫະ­ພັນ​ກີ­ລາ​ແຫ່ງ​ຊາດ ເຂົ້າ​ຮ່ວມ.

    ທ່ານ ກະ­ເສມ ອິນ​ທະ­ລາ ໃຫ້​ສຳ­ພາດ​ວ່າ: ປີ​ນີ້​ໄດ້​ມີ​ການ​ຄັດ​ເລືອກ​ບຸກ​ຄະ­ລາ​ກອນ ຜູ້​ທີ່​ມີ​ຄວາມ​ຮູ້​ຄວາມ​ສາ­ມາດ​ໃນ​ຮຸ່ນ​ສືບ​ທອດ​ທີ່​ເໝາະ​ສົມ​ສ້າງ ເພື່ອ​ເຮັດ​ໃຫ້​ເຂົາ­ເຈົ້າ​ມີ​ບົດ­ບາດ​ໃໝ່​ເປັນ​ຜູ້­ອຳ­ນວຍ­ການ ການ​ບັນ­ຍາຍ​ການ​ບໍ­ລິ­ຫານ​ກີ­ລາ​ລະ­ດັບ​ຊາດ​ໃນ­ຕໍ່­ໜ້າ ແລະ ສາ­ມາດ​ເລືອກ​ໄດ້ 6 ຄົນ ໂດຍ​ແມ່ນ​ທ່ານ​ນາງ ເມີຍ​ຣາ ທານ ແລະ ທ່ານ​ນາງ ທຳ ຈອຍ ລິງ ຜູ້​ຊ່ຽວ­ຊານ​ຈາກ​ຄະ­ນະ​ກຳ­ມະ­ການ​ໂອ​ແລມ​ປິກ​ສາ­ກົນ ເປັນ​ຖ່າຍ​ທອດ​ຄວາມ​ຮູ້​ໃຫ້​ໃນ​ການ​ແນະ­ນຳ ກ່ຽວ​ກັບ​ບົດ­ບາດ​ການ​ເປັນ​ຜູ້­ອຳ­ນວຍ­ການ ການ​ບັນ­ຍາຍ​ການ​ບໍ­ລິ­ຫານ​ກີ­ລາ​ລະ­ດັບ​ຊາດ ທີ່​ໄດ້​ມາດ­ຕະ­ຖານ ຄວນ​ຈະ​ມີ​ການ​ກະ­ກຽມ​ຫຍັງ​ແດ່ ຄວນ​ຈະ​ແນະ­ນຳ​ການ​ສົ່ງ​ຄວາມ​ຮູ້​ປະ­ກອບ​ໃສ່­ເຄື່ອງ​ມື​ອຸ­ປະ­ກອນ​ຕ່າງໆ ແລະ ຈະ​ເຝິກ­ອົບ­ຮົມ​ແນວ­ໃດ ເພື່ອ​ເຮັດ​ໃຫ້​ຜູ້​ເຂົ້າ​ຮ່ວມ​ເຝິກ­ອົບ­ຮົມ​ໄດ້​ຮັບ​ຮູ້ ແລະ ເຂົ້າ­ໃຈ​ງ່າຍ ເພື່ອ​ນຳ­ໄປ​ປະ­ຕິ­ບັດ​ຕົວ​ຈິງ​ໄດ້​ຢ່າງ​ມີ​ປະ­ສິດ­ທິ­ພາບ ແລະ ປະ​ສິດ­ທິ​ຜົນ​ຕາມ​ຄວາມ​ຕ້ອງ­ການ​ທີ່​ຕັ້ງ​ໄວ້.

    ນອກ­ຈາກ 6 ຄົນ​ທີ່​ໄດ້​ເຂົ້າ​ຮ່ວມ​ເຝິກ­ອົບ­ຮົມ​ໃນ​ຫົວ­ຂໍ້​ດັ່ງ­ກ່າວ​ແລ້ວ ຄອລ ຍັງ​ໄດ້​ກຳ­ນົດ​ຜູ້​ສືບ​ທອດ 10 ຄົນ ຕາງ­ໜ້າ​ສະ­ຫະ­ພັນ​ກີ­ລາ​ແຫ່ງ​ຊາດ ເຂົ້າ​ຮ່ວມ​ສັງ­ເກດ​ການ​ໃນ​ການ​ເຝິກ­ອົບ­ຮົມ​ຄັ້ງ​ນີ້​ອີກ​ດ້ວຍ ເພື່ອ​ເຮັດ​ໃຫ້​ເຂົາ­ເຈົ້າ​ມີ​ຄວາມ​ເຂົ້າ­ໃຈ ແລະ ຫ້າງ​ຫາ​ກະ­ກຽມ​ເຂົ້າ​ຮ່ວມ​ເຝິກ­ອົບ­ຮົມ​ໃນ​ຊຸດ​ຕໍ່​ໄປ​ຕື່ມ​ອີກ.

ຂ່າວທີ່ກ່ຽວຂ້ອງ