ນັກກີລາ 6 ຄົນ ເຂົ້າຊີງລາງວັນນັກເຕະດີເດັ່ນພຣີເມຍລີກອັງກິດ

680 29 ມ.ສ. 2019 ວົງຈອນກີລາ
ນັກກີລາ 6 ຄົນ ເຂົ້າຊີງລາງວັນນັກເຕະດີເດັ່ນພຣີເມຍລີກອັງກິດ

    ການ​ແຂ່ງ­ຂັນ​ເຕະ­ບານ​ພຣີ​ເມຍ​ລີກ​ອັງ­ກິດ ລະ­ດູ​ການ 2018-19 ໃກ້​ຈະ​ສິ້ນ​ສຸດ​ລົງ​ໃນ​ເດືອນ​ພຶດ­ສະ­ພາ 2019 ເຊິ່ງ​ການ​ລຸ້ນ​ແຊັມ ແລະ ການ​ຍາດ​ຊີງ​ອັນ​ດັບ 3-4 ເພື່ອ​ໂຄ​ຕາ​ໄປ​ແຊັມ​ປ້ຽນ​ລີກ ກຳ­ລັງ​ຂຸ້ນ­ຂ້ຽວ​ກັນ​ຢ່າງ​ມ່ວນ​ມັນ ແລະ ອາດ​ລຸ້ນ​ກັນ​ຈົນ​ເຖິງ​ນັດ​ສຸດ​ທ້າຍ

    ປັດ­ຈຸ­ບັນ ຝ່າຍ​ຈັດ­ການ​ແຂ່ງ­ຂັນ ແລະ ກອງ​ເຊຍ​ບານ​ທົ່ວ​ໂລກ ໄດ້​ຄັດ​ເລືອກ​ເອົາ 6 ນັກ​ເຕະ​ເຂົ້າ​ຊີງ​ລາ­ງວັນ​ນັກ​ເຕະ​ດີ­ເດັ່ນ​ແຫ່ງ​ປີ ຂອງ​ພຣີ​ເມຍ​ລີກ​ລະ­ດູ​ການ​ນີ້ ປະ­ກອບ​ມີ: 3 ນັກ​ເຕະ​ຈາກ​ແຊັມ​ເກົ່າ ແມນ​ເຊັສ​ເຕີ​ຊິ​ຕີ: ຣາ​ຮີມ ສະ​ເຕີ​ລິງ ເຊີ​ຈີ​ໂອ ອາ​ເກວ​ໂຣ ແລະ ແບ​ນາ​ໂດ ຊິນ​ວາ ພ້ອມ​ກັບ 2 ນັກ​ເຕະ​ຈາກ​ລີ​ເວີ​ພູ​ລ ຜູ້​ທ້າ​ຊີງ: ຊາ​ດີ​ໂອ ມາ​ເນ່ ແລະ ເວີ​ຈິວ ຟານ​ໄດ ແລະ 1 ນັກ​ເຕະ​ຈາກ​ເຊວ​ຊີ ຄື: ເອ​ເດັນ ອາ­ຊາ ເຈົ້າ​ຂອງ​ລາ­ງວັນ​ນີ້ ລະ­ດູ​ການ 2014-15.

    ສ່ວນ 6 ນັກ​ເຕະ​ເຂົ້າ​ລາ­ງວັນ​ດາວ​ຮຸ່ງ​ດີ­ເດັ່ນ​ແຫ່ງ​ປີ​ປະ­ກອບ​ມີ: ຣາ​ຮີມ ສະ​ເຕີ​ລິງ ເຂົ້າ​ຊີງ​ສອງ​ລາ­ງວັນ​ທັງ​ທົ່ວ​ໄປ ແລະ ດາວ​ຮຸ່ງ ແລະ ແບ​ນາ​ໂດ ຊິນ​ວາ ເພື່ອນ​ຮ່ວມ​ທີມ​ຊາວ​ປ໋ອກ​ຕຸຍ​ການ ລວມ​ທັງ ມາ​ຣຄັສ ຣາ​ສ​ຟອດ ຈາກ​ແມນ​ຢູ ເທັນ ອາ​ເລັກ​ຊານ​ເດີ ອາ​ໂນ​ລ ຈາກ​ລີ​ເວີ​ພູ​ລ ເດ​ວິດ ບຣຸກ ຈາກ​ບຣອນ​ມັດ ແລະ ເດ​ຄານ ໄຣ​ຊ ຈາກ​ເວັສ​ແຮມ ຢູ​ໄນ​ເຕັດ.

ຂ່າວທີ່ກ່ຽວຂ້ອງ