ຂ່າວຫຼ້າສຸດ

ເກືອບ 1.000 ຄົນ​ເຂົ້າ​ຮ່ວມ​ການ​ແລ່ນ​ມາ​ຣາ​ທອນ​ຢູ່​ໃນ ​ສປປ ເກົາຫຼີ

1.552 29 ມ.ສ. 2019 ຂ່າວຕ່າງປະເທດ
 ເກືອບ 1.000 ຄົນ​ເຂົ້າ​ຮ່ວມ​ການ​ແລ່ນ​ມາ​ຣາ​ທອນ​ຢູ່​ໃນ ​ສປປ ເກົາຫຼີ

   ການ​ແຂ່ງຂັນ​ແລ່ນ​ມາ​ຣາ​ທອນ (marathon) ປະຈຳ​ປີ ຢູ່​ໃນ​ນະຄອນຫຼວງ​ພຽງ​ຢາງ ຂອງ ​ສປປ ເກົາຫຼີ ໃນ​ປີ​ນີ້ ດຶງ​ດູດ​ນັກ​ກິລາ​ຕ່າງປະເທດ​ເຂົ້າ​ຮ່ວມ​ຫຼາຍ​ທົບ​ເທົ່າ​ຕົວ ຂອງ​ຈຳນວນ​ເຂົ້າ​ຮ່ວມ​ໃນ​ປີ 2018.

    ບໍລິສັດ​ນຳ​ທ່ຽວ ກໍ​ຣຽວ ທົວ (Koryo Tours) ໃຫ້​ຮູ້​ວ່າ ມີ​ນັກ​ທ່ອງ​ທ່ຽວ​ຕ່າງປະເທດ​ປະມານ 950 ຄົນ ເຂົ້າ​ຮ່ວມ​ການ​ແຂ່ງຂັນ​ແລ່ນ​ມາ​ຣາ​ທອນ ພຽງ​ຢາງ ທີ່​ໄດ້​ໄຂ​ຂຶ້ນ​ເມື່ອ​ບໍ່​ດົນ​ມາ​ນີ້ ຊຶ່ງ​ເປັນ​ຕົວ​ເລກ​ຫຼາຍ​ກວ່າ​ຜູ້​ເຂົ້າ​ຮ່ວມ​ໃນ​ປີ​ກາຍ ທີ່​ມີ​ຈຳນວນ​ນວນ 450 ກວ່າ​ຄົນ. ບໍລິສັດ​ນຳ​ທ່ຽວ Young Pioneer Tours ໃຫ້​ຮູ້​ວ່າ ການ​ແຂ່ງຂັນ​ແລ່ນ​ມາ​ຣາ​ທອນ​ປະຈຳ​ປີ ດັ່ງກ່າວ ຍັງ​ດຶງ​ດູດ​ຜູ້​ທີ່​ມັກ​ແລ່ນ​ໃນ​ທົ່ວ​ໂລກ​ເຂົ້າ​ຮ່ວມ​ດ້ວຍ.

     ຫຼັງ​ຈາກ​ທີ່​ອອກ​ຈາກ​ເສັ້ນ​ໄຊ ພວກ​ນັກ​ກິລາ​ກໍ​ໄດ້​ແລ່ນ​ຜ່ານ​ຖະໜົນ​ສາຍ​ຕ່າງໆ ໃນ​ນະຄອນຫຼວງ​ພຽງ​ຢາງ ທ່າມກາງ​ສຽງ​ໂຮ​ຮ້ອງ​ໃຫ້​ກຳລັງ​ໃຈ ຈາກ​ປະຊາຊົນ​ໃນ​ທ້ອງຖິ່ນ. ໃນ​ຂະນະ​ດຽວ​ກັນ ພວກ​ນັກ​ແລ່ນ​ທັງຫຼາຍ ກໍ​ສາມາດ​ນຳ​ໂທລະສັບ​ມື​ຖື​ຕິດ​ຕົວ ເພື່ອ​ບັນທຶກ​ພາບ ຢູ່​ລຽບ​ຕາມ​ເສັ້ນທາງ ກໍ​ຄື​ຖ່າຍຮູບ​ຮ່ວມ​ກັບ​ປະຊາຊົນ ຖ້າ​ຫາກ​ມີ​ຄວາມ​ຕ້ອງການ.

    ​ສປປ ເກົາຫຼີ ເປັນ​ໜຶ່ງ​ໃນ​ບັນດາ​ປະເທດ ທີ່​ມີ​ພື້ນຖານ​ການ​ກິລາ​ພັດທະນາ​ພໍ​ສົມຄວນ ຢູ່​ໃນ​ທະວີບອາຊີ. ການ​ແຂ່ງຂັນ​ແລ່ນ​ມາ​ຣາ​ທອນ​ພຽງ​ຢາງ ໄດ້​ຮັບ​ການ​ຕີ​ລາຄາ​ວ່າ​ບັນລຸ​ຄຸນ​ນະ​ພາບ​ລະດັບ​ສາກົນ. ໃນ​ຂະນະ​ດຽວ​ກັນ ການ​ແຂ່ງຂັນ​ແລ່ນ​ມາ​ຣາ​ທອນ​ພຽງ​ຢາງ ເປັນ​ຈຸດ​ເນັ້ນ​ໜັກ​ອັນ​ໜຶ່ງ ຢູ່​ໃນ​ໂຄງການ​ການທ່ອງທ່ຽວ​ພາຍ​ໃນ​ປີ​ຂອງ ​ສປປ ເກົາຫຼີ.

ຂ່າວທີ່ກ່ຽວຂ້ອງ