ຂ່າວຫຼ້າສຸດ

ກຸ່ມ​ບໍລິສັດ Hitachi ຊື້​ເອົາ​ໂຮງງານ​ປະກອບ ໂຣ​ໂບດ ຂອງ ສ ອາ​ເມ​ຣິ​ກາ

1.410 29 ມ.ສ. 2019 ຂ່າວຕ່າງປະເທດ
ກຸ່ມ​ບໍລິສັດ Hitachi ຊື້​ເອົາ​ໂຮງງານ​ປະກອບ ໂຣ​ໂບດ ຂອງ ສ ອາ​ເມ​ຣິ​ກາ

    ກຸ່ມ​ບໍລິສັດ Hitachi Ltd. ຂອງ​ຍີ່ປຸ່ນ ແຈ້ງ​ໃຫ້​ຮູ້ເມື່ອ​ວັນ​ທີ 24 ເມສາ​ທີ່​ຜ່ານ​ມາ​ວ່າ ກຸ່ມ​ບໍລິສັດ​ນີ້​ໄດ້​ບັນລຸ​ຂໍ້​ຕົກລົງ​ສະບັບ​ໜຶ່ງ ວ່າ​ດ້ວຍ​ການ​ຊື້​ເອົາ​ໂຮງງານ​ປະກອບ​ໂຣ​ໂບດ JR Automation Technologies LLC (ຂອງ ສ ອາ​ເມ​ຣິ​ກາ) ເປັນ​ມູນ​ຄ່າ 1,43 ຕື້​ໂດ​ລາ​ສະຫະລັດ ທັງ​ນີ້​ກໍ​ເພື່ອ​ເປັນ​ການ​ຊຸກຍູ້​ການເຄື່ອນໄຫວ​ຂອງ​ຕົນ ຢູ່​ໃນ​ຕະຫຼາດ ສ ອາ​ເມ​ຣິ​ກາ.

   Hitachi ໃຫ້​ຮູ້​ວ່າ ກຸ່ມ​ບໍລິສັດ​ນີ້​ໄດ້​ເຫັນ​ດີ​ຊື້​ເອົາ​ໂຮງງານ​ຜະລິດ​ໂຣ​ໂບດ (robot) ອຸດສາຫະກຳ​ຂອງ ສ ອາ​ເມ​ຣິ​ກາ ທີ່ຢູ່​ໃນ​ການ​ຄອບ​ຄອງ​ຂອງ​ບໍລິສັດ​ຫຸ້ນ​ສ່ວນ Crestview Partners ຂອງ​ເອກະ​ຊົນ ຊຶ່ງ​ປັດຈຸບັນ​ນີ້​ຖື​ຫຸ້ນ 93% ຢູ່​ໃນ JR Automation Technologies. Hitachi ຈະ​ຊື້​ເອົາ​ຫຸ້ນ​ສ່ວນ​ທັງ​ໝົດ​ຂອງ JR Automation Technologies LLC ທີ່​ມີ​ສຳນັກງານ​ໃຫຍ່ ຕັ້ງ​ຢູ່​ໃນ​ລັດ ມີ​ຊີ​ແກນ ນັ້ນ​ພາຍ​ໃນ​ທ້າຍ​ປີ​ນີ້.

   JR Automatic Technologies ໄດ້​ຮັບ​ການ​ສ້າງຕັ້ງ​ເມື່ອ​ປີ 1980 ໂດຍ​ມີ​ທ່າແຮງ​ໃນ​ດ້ານ ວິທີ​ການ​ແກ້​ໄຂ​ເຕັກ​ໂນ​ໂລ​ຊີ ແລະ ປະດິດ​ການ​ຫັນ​ເປັນ​ອັດຕະໂນມັດ. ປັດຈຸບັນ​ນີ້ ບໍລິສັດ​ດັ່ງກ່າວ ມີ​ຄົນ​ງານ​ຢູ່​ປະມານ 2.000 ຄົນ ແລະ ມີ​ພື້ນຖານ​ການ​ຜະລິດ 23 ແຫ່ງ ຢູ່​ໃນ​ອາ​ເມ​ຣິ​ກາ​ເໜືອ ເອີ​ຣົບ ແລະ ອາຊີ.

ຂ່າວທີ່ກ່ຽວຂ້ອງ