Boeing ມີ​ຜົນ​ກຳໄລ​ຫຼຸດ​ລົງ ຍ້ອນ​ເຫດ​ຂັດຂ້ອງ​ຂອງ Boeing 737 MAX

829 29 ມ.ສ. 2019 ຂ່າວຕ່າງປະເທດ
Boeing ມີ​ຜົນ​ກຳໄລ​ຫຼຸດ​ລົງ ຍ້ອນ​ເຫດ​ຂັດຂ້ອງ​ຂອງ Boeing 737 MAX

   ກຸ່ມ​ບໍລິສັດ​ຜູ້​ຜະລິດ​ເຮືອບິນ​ໂບ​ອິງ (Boeing) ຂອງ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 24 ເມສາ​ທີ່​ຜ່ານ​ມາ​ວ່າ ຜົນ​ກຳໄລ​ຂອງ​ບໍລິສັດ​ນີ້ ໃນ​ໄຕ​ມາດ​ທີ 1/2019 ໄດ້​ຫຼຸດ​ລົງ​ຍ້ອນ​ຢຸດ​ການ ບິນ​ທົ່ວ​ໂລກ ກັບ​ເຮືອບິນ Boeing 737 MAX ຫຼັງ​ຈາກ​ທີ່​ເກີດ​ອຸບັດເຫດ​ສອງ​ລາຍ ພາຍ​ໃນ​ເວລາ 6 ເດືອນ ຊຶ່ງ​ເກີດ​ຂຶ້ນ​ຢູ່​ໃນ​ອິນ​ໂດ​ເນ​ເຊຍ ແລະ ເອ​ທີ​ໂອ​ປີ.

   ນີ້​ເປັນ​ເທື່ອ​ທຳ​ອິດ​ທີ່ Boeing ປະກາດ​ຜົນ​ດ້ານ​ທຸລະ​ກິດ ນັບ​ແຕ່​ເກີດ​ກໍລະນີ​ເຮືອບິນ ຂອງ​ບໍລິສັດ​ການບິນ Ethiopian Airlines ຕົກ​ເມື່ອ​ເດືອນ​ທີ່​ຜ່ານ​ມາ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 187 ຄົນ. ຕາມ​ການ​ລາຍ​ງານ ກໍ​ແມ່ນ​ຜົນ​ກຳໄລ​ຂອງ Boeing ໃນ​ໄຕ​ມາດ​ທີ 1 ທີ່​ຜ່ານ​ມາ ບັນລຸ​ພຽງ 2,1 ຕື້​ໂດ​ລາ​ສະຫະລັດ ຫຼຸດ​ລົງ 13,2% ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ​ກາຍ.

    ໄປ​ຄຽງ​ຄູ່​ກັບ​ຜົນ​ກຳໄລ​ທີ່​ຫຼຸດ​ລົງ​ນັ້ນ ລາຍ​ຮັບ​ຂອງ Boeing ກໍ​ຫຼຸດ​ລົງ 2% ລົງ​ມາ​ຍັງ​ເຫຼືອ  22,9 ຕື້​ໂດ​ລາ​ສະຫະລັດ ຊຶ່ງ​ຕົ້ນຕໍ​ແມ່ນ​ເປັນ​ຍ້ອນ​ວ່າ ບັນດາ​ສັນຍາ​ການ​ສົ່ງ​ມອບ​ເຮືອບິນ​ການ​ຄ້າ  Boeing 737 MAX ຖືກ​ຢຸດ​ເປັນ​ການ​ຊົ່ວຄາວ.

ຂ່າວທີ່ກ່ຽວຂ້ອງ