ຂ່າວຫຼ້າສຸດ

ເບ​ລາ​ຣຸ​​ສ ຢຸດ​ການ​ສະໜອງ​ນ້ຳມັນ​ຂອງ​ຣັດ​ເຊຍ ໃຫ້​ແກ່​ໂປ​ໂລຍ ອູ​ແກຣນ ແລະ ​ເຂດ​ບານ​ຕິກ

1.948 25 ມ.ສ. 2019 ຂ່າວຕ່າງປະເທດ
ເບ​ລາ​ຣຸ​​ສ ຢຸດ​ການ​ສະໜອງ​ນ້ຳມັນ​ຂອງ​ຣັດ​ເຊຍ ໃຫ້​ແກ່​ໂປ​ໂລຍ ອູ​ແກຣນ ແລະ ​ເຂດ​ບານ​ຕິກ

    ແຫຼ່ງ​ຂ່າວ Sputniknews ລາຍ​ງານ​ວ່າ ທ່ານ ແຊກ​ເກ ກຣິບ ຮອງ​ຜູ້ອຳນວຍການ​ໃຫຍ່ ຮັບຜິດຊອບ​ທາງ​ດ້ານ​ການ​ຄ້າ ຂອງ​ບໍລິສັດ​ນ້ຳມັນ​ເບ​ລາ​ຣຸ​​ສ (BelOil) ແຈ້ງ​ໃຫ້​ຮູ້ເມື່ອ​ວັນ​ທີ 23 ເມສາ​ນີ້​ວ່າ ເບ​ລາ​ຣຸ​​ສ ໄດ້​ຢຸດ​ການເຄື່ອນໄຫວ​ເປັນ​ການ​ຊົ່ວຄາວ ໃນ​ການ​ສະໜອງ​ບັນດາ​ຜະລິດ​ຕະ​ພັນ​ຈາກ​ນ້ຳມັນ​ຂອງ​ຣັດ​ເຊຍ ໄປ​ໃຫ້​ໂປ​ໂລຍ ອູ​ແກຣນ ແລະ ເຂດ​ບານ​ຕິກ ຍ້ອນ​ຫຼາຍ​ບັນຫາ​ກ່ຽວ​ກັບ​ການເຄື່ອນໄຫວ​ສົ່ງ​ນ້ຳມັນ ຈາກ​ຜູ້​ສົ່ງ​ອອກ​ຂອງ​ຣັດ​ເຊຍ.

   ກ່ອນ​ໜ້າ​ນັ້ນ BelOil ມີ​ຄວາມ​ກັງວົນ​ວ່າ ໃນ​ຊຸມ​ມື້​ທີ່​ຜ່ານ​ມາ ນ້ຳມັນ​ປະສົມ Urals ເພື່ອ​ການ​ສົ່ງ​ອອກ​ຂອງ​ຣັດ​ເຊຍ ທີ່​ຖືກ​ສົ່ງ​ຜ່ານ​ທໍ່​ສົ່ງ​ສຳຄັນ​ຂອງ​ບໍລິສັດ Gomeltransneft Druzhba ໂດຍ​ຜ່ານ​ເບ​ລາ​ຣຸ​​ສ ໄປ​ຍັງ​ເອີ​ຣົບ ນັ້ນ​ໄດ້​ຖືກ​ຫຼຸດ​ຄຸນ​ນະ​ພາບ​ຫຼາຍ​ພໍ​ສົມຄວນ.

   ຫຼັງ​ຈາກ​ນັ້ນ ກະຊວງ​ພະລັງງານ​ຂອງ​ຣັດ​ເຊຍ ໃຫ້​ຮູ້​ວ່າ ສະພາບ​ການ​ດັ່ງກ່າວ ເກີດ​ຂຶ້ນ​ແມ່ນ​ເປັນ​ຍ້ອນ​ບັນຫາ​ທາງ​ດ້ານ​ເຕັກນິກ ໃນ​ຂະນະ​ທີ່​ບໍລິສັດ​ທໍ່​ສົ່ງ​ນ້ຳມັນ Transneft ແຫ່ງ​ລັດ​ຂອງ​ຣັດ​ເຊຍ ໃຫ້​ສັນຍາ​ອອກ​ມາ​ກ່ຽວ​ກັບ​ມາດ​ຕະການ​ອັນ​ຮີບ​ດ່ວນ ເພື່ອ​ແກ້​ໄຂ​ບັນຫາ​ນີ້.

ຂ່າວທີ່ກ່ຽວຂ້ອງ