ປະກາດແຕ່ງຕັ້ງຮອງຫົວໜ້າ ປກສ ນະຄອນຫຼວງ

2.251 25 ມ.ສ. 2019 ຂ່າວໜ້າ​ໜຶ່ງ

    ເພື່ອ​ປັບ­ປຸງ​ກົງ­ຈັກ​ການ­ຈັດ­ຕັ້ງ​ຂອງ​ກອງ​ບັນ­ຊາ​ການ ປກສ ນວ ຢູ່​ແຕ່​ລະ​ຂັ້ນ​ໃຫ້​ມີ​ຄວາມ​ໜັກ​ແໜ້ນ​ທາງ​ດ້ານ​ການ­ເມືອງ​ແນວ​ຄິດ ເຂັ້ມ­ແຂງ​ທາງ​ດ້ານ​ການ­ຈັດ­ຕັ້ງ ສາ­ມາດ​ຕອບ​ສະ­ໜອງ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ໜ້າ­ທີ່​ການ­ເມືອງ​ໄລ­ຍະ​ໃໝ່ ຜ່ານ​ການ​ຄົ້ນ­ຄວ້າ​ນຳ​ສະ­ເໜີ​ຂອງ​ກົມ​ໃຫຍ່​ການ­ເມືອງ​ປ້ອງ​ກັນ​ຄວາມ​ສະ­ຫງົບ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ຕົກ­ລົງ​ແຕ່ງ­ຕັ້ງ​ທ່ານ ພັນ​ໂທ ສຸກ​ພະ­ຈັນ ບຸດ​ດາ​ຄຳ ແລະ ທ່ານ ພັນ​ໂທ ຈັນ​ຫອມ ແກ້ວ​ສຸ­ລະ​ໄຊ ເປັນ​ຮອງ​ຫົວ­ໜ້າ​ກອງ​ບັນ­ຊາ​ການ ປກສ ນວ ແລະ ຍົກ­ຍ້າຍ​ທ່ານ ພັນ​ເອກ ຫົງ​ສະ​ຫວັດ ຫຼວງ​ຈັນ​ດາ​ວົງ ແລະ ທ່ານ ພັນ​ໂທ ສົມ​ສັກ ປັນ­ຍາ​ສີ ຈາກ​ກອງ​ບັນ­ຊາ​ການ ປກສ ນວ ໄປ​ຮັບ​ໜ້າ­ທີ່​ໃໝ່​ຢູ່​ກະ­ຊວງ​ປ້ອງ​ກັນ​ຄວາມ​ສະ­ຫງົບ ນັບ​ແຕ່​ວັນ​ທີ 12 ເມ­ສາ 2019 ເປັນ­ຕົ້ນ​ໄປ.

    ພິ­ທີ​ປະ­ກາດ​ການ­ຈັດ­ຕັ້ງ​ຄັ້ງ​ນີ້ ຈັດ​ຂຶ້ນ​ວັນ​ທີ 24 ເມ­ສາ 2019 ທີ່​ກອງ​ບັນ­ຊາ​ການ ປກສ ນວ ມີ​ທ່ານ ພົນ​ຕີ ກົງ​ທອງ ພົງ​ວິ­ຈິດ ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ທ່ານ ພູ​ວົງ ວົງ​ຄຳ​ຊາວ ຫົວ­ໜ້າ​ຫ້ອງ​ວ່າ­ການ​ປົກ­ຄອງ ນວ ຄະ­ນະ​ພັກ ຄະ­ນະ​ບັນ­ຊາ ຄະ­ນະ​ຫ້ອງ ກອງ ພະ​ແນກ ປກສ 9 ເມືອງ ຫົວ­ໜ້າ ປກສ ກຸ່ມ ອ້ອມ​ຂ້າງ ປກສ ນວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ