Olympic Paris 2024 ຈະສ້າງວຽກເຮັດງານທຳ 150.000 ຕຳແໜ່ງງານຢູ່ໃນຝຣັ່ງ

1.187 24 ມ.ສ. 2019 ຂ່າວຕ່າງປະເທດ
Olympic Paris 2024 ຈະສ້າງວຽກເຮັດງານທຳ 150.000 ຕຳແໜ່ງງານຢູ່ໃນຝຣັ່ງ

   ທ່ານ ໂທ​ນີ ເອ​​ສ​ຕັງ​ເກ​​ສ ປະທານ​ຄະນະ​ກຳມະການ ຈັດ​ງານ​ມະຫາ​ກຳ​ກິລາ​ໂລກ Olympic Paris 2024 ເປີດເຜີຍ​ຜົນ​ການ​ຄົ້ນຄວ້າ​ລາຍການ​ໜຶ່ງ ອອກ​ມາ​ເມື່ອ​ບໍ່​ດົນ​ມາ​ນີ້ ຊີ້​ໃຫ້​ເຫັນ​ວ່າ Olympic Paris 2024  ຫວັງ​ວ່າ​ຈະ​ສ້າງ​ວຽກ​ເຮັດ​ງານ​ທຳ​ອອກ​ມາ​ເພີ່ມ​ອີກ 150.000 ຕຳແໜ່ງ​ງານ ຢູ່​ໃນ​ປະເທດ​ຝຣັ່ງ.

    ໃນ​ນັ້ນ​ມີ 12.000 ຕຳແໜ່ງ​ງານ ແມ່ນ​ຢູ່​ໃນ​ຂົງເຂດ​ການ​ກໍ່ສ້າງ ໃນ​ຂະນະ​ທີ່ 78.000 ກວ່າ​ຕຳແໜ່ງ​ງານ ແມ່ນ​ຢູ່​ໃນ​ຂົງເຂດ​ການ​ຄຸ້ມ​ຄອງ​ດ້ານ​ການ​ຮັກສາ​ຄວາມ​ສະຫງົບ ການ​ຂົນສົ່ງ ບຳບັດ​ສິ່ງ​ເສດ​ເຫຼືອ ແລະ ​ມີ 60.000 ຕຳແໜ່ງ​ງານ ຢູ່​ໃນ​ຂົງເຂດ​ການທ່ອງທ່ຽວ.

    ນອກຈາກ​ນັ້ນແລ້ວ Olympic Paris 2024 ຍັງ​ຈະ​ຕ້ອງ​ໄດ້​ຮັບ​ສະໝັກ​ອາສາ​ສະໝັກ​ຕື່ມ​ອີກ 50.000-70.000 ຄົນ ເພື່ອ​ຮັບ​ໃຊ້​ໃຫ້​ແກ່​ເຫດການ​ກິລາ​ທີ່​ສຳຄັນ​ທີ່​ສຸດ​ຂອງ​ໂລກ​ນັ້ນ.

ຂ່າວທີ່ກ່ຽວຂ້ອງ