ໃຊ້ສາວເຊຍຢາສູບ ໂຄສະນາຂາຍຢາສູບ ແມ່ນຜິດກົດໝາຍ

947 23 ມ.ສ. 2019 ຂ່າວໜ້າ​ໜຶ່ງ
ໃຊ້ສາວເຊຍຢາສູບ ໂຄສະນາຂາຍຢາສູບ ແມ່ນຜິດກົດໝາຍ

    ດຳ­ລັດ​ວ່າ​ດ້ວຍ​ການ​ປັບ​ໃໝ ແລະ ນຳ​ໃຊ້​ມາດ​ຕະ­ການ​ອື່ນ​ຕໍ່​ການ​ລະ­ເມີດ​ກົດ­ໝາຍ ແລະ ລະ­ບຽບ​ການ​ກ່ຽວ​ກັບ​ການ​ຄວບ​ຄຸມ​ຢາ­ສູບ ໄດ້​ລະ­ບຸ​ວ່າ: ບໍ­ລິ­ສັດ​ຢາ­ສູບ​ທີ່​ໃຊ້​ສາວ​ເຊຍ​ຢາ­ສູບ​ໃຫ້​ລູກ​ຄ້າ​ລອງ​ສູບ­ຢາ ໂຄ­ສະ­ນາ​ຂາຍ​ຢາ­ສູບ ຫຼື ຂາຍ​ແບບ​ຫຼຸດ​ແລກ​ແຈກ​ແຖມ ແມ່ນ​ຜິດ​ກົດ­ໝາຍ ເຊິ່ງ​ຈະ​ປັບ​ໃໝ​ບໍ­ລິ­ສັດ​ຢາ­ສູບ ຫຼື ບໍ­ລິ­ສັດ​ນຳ​ເຂົ້າ​ຢາ­ສູບ​ຄັ້ງ​ລະ 20 ລ້ານ​ກີບ ແລະ ປັບ​ໃໝ​ສູງ​ສຸດ 80 ລ້ານ​ກີບ ພ້ອມ​ທັງ​ໂຈະ ຫຼື ຖອນ​ໃບ​ອະ­ນຸ­ຍາດ​ດຳ­ເນີນ​ທຸ­ລະ​ກິດ.

    ນອກ​ນີ້ ຖ້າ​ຍັງ​ພົບ​ເຫັນ​ບໍ­ລິ­ສັດ​ຢາ­ສູບ ລະ­ເມີດ​ຕໍ່​ກົດ­ໝາຍ​ຄວບ​ຄຸມ​ຢາ­ສູບ ໂດຍ​ການ​ໂຄ­ສະ­ນາ​ຜ່ານ​ກິດ­ຈະ­ກຳ​ເພື່ອ​ສັງ­ຄົມ ເຊັ່ນ: ບໍ­ລິ­ຈາກ​ອຸ­ປະ­ກອນ​ການ​ແພດ ຕົ້ນ­ໄມ້​ໃນ​ວັນ​ປູກ​ຕົ້ນ­ໄມ້ ແລະ ອື່ນໆ ແລະ ຖ້າ​ພົບ​ເຫັນ​ບໍ­ລິ­ສັດ​ຢາ­ສູບ ລະ­ເມີດ​ຕໍ່​ກົດ­ໝາຍ​ຄວບ​ຄຸມ​ຢາ­ສູບ ໂດຍ​ການ​ໂຄ­ສະ­ນາ​ຜ່ານ​ງານ​ສະ­ແດງ​ສິ­ລະ​ປະ (ຄອນ­ເສີດ) ແມ່ນ​ຈະ​ດຳ­ເນີນ​ການ​ປັບ​ໃໝ​ບໍ­ລິ­ສັດ​ຜະ­ລິດ​ຢາ­ສູບ ຫຼື ບໍ­ລິ­ສັດ​ນຳ​ເຂົ້າ​ຢາ­ສູບ ຄັ້ງ​ລະ 20 ລ້ານ​ກີບ ແລະ ປັບ​ສູງ​ສຸດ 80 ລ້ານ​ກີບ ພ້ອມ​ທັງ​ໂຈະ ຫຼື ຖອນ​ໃບ​ອະ­ນຸ­ຍາດ​ດຳ­ເນີນ​ທຸ­ລະ​ກິດ.

ຂ່າວທີ່ກ່ຽວຂ້ອງ