ຢູ-19 ເຂົ້າຮ່ວມແຂ່ງຂັນລາຍການພິເສດ ທີ່ບັງກາລາເທດ

543 23 ມ.ສ. 2019 ວົງຈອນກີລາ
ຢູ-19 ເຂົ້າຮ່ວມແຂ່ງຂັນລາຍການພິເສດ ທີ່ບັງກາລາເທດ

    ພິ­ທີ​ຖະ­ແຫຼງ​ຂ່າວ​ການ​ແຂ່ງ­ຂັນ​ບານ­ເຕະ​ລາຍ­ການ​ພິ­ເສດ ຫຼື Bangamata U-19 Women’s International Gold Cup 2019 ຈັດ​ຂຶ້ນ​ວັນ​ທີ 21 ເມ­ສາ 2019 ຢູ່​ໂຮງ­ແຮມ intercontinental hotels & resorts ນະ­ຄອນ­ຫຼວງ​ທາ​ກາ ປະ­ເທດ​ບັງ​ກະ­ລາ​ເທດ ເຊິ່ງ​ມີ​ຄະ­ນະ​ຄູ​ເຝິກ ແລະ ນັກ­ກີ­ລາ ທັງ​ໝົດ 6 ທີມ​ເຂົ້າ​ຮ່ວມ ພ້ອມ​ດ້ວຍ​ສື່​ມວນ​ຊົນ ສຳ­ລັບ​ຄູ​ເຝິກ​ທີມ​ຊາດ​ລາວ​ເຂົ້າ​ຮ່ວມ​ມີ​ທ່ານ ວົງ​ມີ​ໄຊ ສຸ​ບົວ​ຄຳ ຫົວ­ໜ້າ​ຄູ​ເຝິກ ຢູ-19 ທີມ​ຊາດ​ລາວ.

    ທ່ານ ວົງ​ມີ​ໄຊ ສຸ​ບົວ​ຄຳ ໄດ້​ກ່າວ​ວ່າ: ກ່ອນ​ອື່ນ​ຂໍ​ຂອບ­ໃຈ​ມາ​ຍັງ ບັງ​ກະ­ລາ​ເທດ (ເຈົ້າ­ພາບ) ທີ່​ເຊີນ​ທີມ​ນັກ­ກີ­ລາ​ພວກ​ເຮົາ​ເຂົ້າ​ຮ່ວມ​ແຂ່ງ­ຂັນ​ລາຍ­ການ​ນີ້ ແລະ ພວກ​ເຮົາ​ຮູ້­ສຶກ​ຕື່ນ­ເຕັ້ນ ແລະ ດີ­ໃຈ​ທີ່​ຈະ​ໄດ້​ແລກ­ປ່ຽນ​ການ​ແຂ່ງ­ຂັນ ແລະ ວັດ­ທະ­ນະ­ທຳ​ກັບ 6 ປະ­ເທດ​ທີ່​ເຂົ້າ​ຮ່ວມ​ແຂ່ງ­ຂັນ​ຄັ້ງ​ນີ້ ພ້ອມ​ທັງ​ຈະ​ພະ­ຍາ­ຍາມ​ເຮັດ​ໃຫ້​ດີ​ທີ່​ສຸດ​ໃນ​ການ​ແຂ່ງ­ຂັນ.

    ສຳ­ລັບ​ການ​ແຂ່ງ­ຂັນ Bangamata U-19 Women’s International Gold Cup 2019 ຈັດ​ຂຶ້ນ​ວັນ​ທີ 22 ເມ­ສາ ຫາ 3 ພຶດ­ສະ­ພາ 2019 ມີ​ທັງ​ຫມົດ 6 ປະ­ເທດ​ເຂົ້າ​ຮ່ວມ​ແຂ່ງ­ຂັນ ແບ່ງ​ອອກ​ເປັນ 2 ກຸ່ມ​ຄື: ກຸ່ມ A ມີ ມົງ​ໂກ​ລີ ທາ​ຈິ​ກິດ​ສະ­ຖານ ແລະ ລາວ ສ່ວນ​ກຸ່ມ B ມີ ສະ­ຫະ­ລັດ​ອາ​ຣັບ​ເອ​ມິ​ເຣດ ບັງ​ກະ­ລາ​ເທດ ແລະ ຄີ​ກິ​ສ​ຖານ.

    ສ່ວນ​ຕາ­ຕະ­ລາງ​ການ​ແຂ່ງ­ຂັນ​ທີມ​ຊາດ​ລາວ ວັນ​ທີ 25 ເມ­ສາ 2019 ເວ­ລາ 18:00 ໂມງ ລາວ ພົບ ມົງ​ໂກ​ລີ ແລະ ວັນ​ທີ 27 ເມ­ສາ 2019 ເວ­ລາ 18:00 ໂມງ ລາວ ພົບ ທາ​ຈິ​ກິດ​ສະ­ຖານ ເຊິ່ງ​ທັງ 2 ນັດ ແມ່ນ​ແຂ່ງ­ຂັນ​ຢູ່​ສະ­ໜາມ​ກີ­ລາ Bangabandhu National Stadium Dhaka ອັນ​ດັບ 1 ແລະ ອັນ​ດັບ 2 ແຕ່​ລະ​ກຸ່ມ​ຈະ​ໄດ້​ຜ່ານ​ເຂົ້າ​ສູ່​ຮອບ​ຮອງ​ຊະ­ນະ​ເລີດ.

ຂ່າວທີ່ກ່ຽວຂ້ອງ