ຂ່າວຫຼ້າສຸດ

7 ອາຊີບທີ່ຈະໄດ້ຮັບຜົນກະທົບ ເມື່ອເຕັກໂນໂລຊີເຂົ້າມາທົດແທນ

734 23 ມ.ສ. 2019 ຫົວຂໍ້ຂ່າວອື່ນໆ

    ທ່ານ​ຮູ້​ຫຼື​ບໍ່​ວ່າ ອີກ​ບໍ່​ເທົ່າ­ໃດ​ປີ​ຂ້າງ​ໜ້າ​ນີ້ ຈະ​ມີ​ອາ­ຊີບ​ຫຼາຍ​ອາ­ຊີບ​ທີ່​ເຮົາ​ຄຸ້ນ​ເຄີຍ​ຈະ​ໄດ້​ຮັບ​ຜົນ​ກະ­ທົບ ເພາະ​ມີ​ເຕັກ​ໂນ​ໂລ​ຊີ​ເຂົ້າ​ມາ​ທົດ​ແທນ ຈະ​ມີ​ອາ­ຊີບ​ອັນ​ໃດ​ແດ່​ນັ້ນ ມາ​ເບິ່ງ​ນຳ​ກັນ.

    1. ພະ­ນັກ­ງານ​ຂາຍ ຫຼື ແຄ​ຊ​ເຊຍ ຜູ້​ບໍ­ລິ­ໂພກ​ຈະ​ສາ­ມາດ​ຊື້​ສິນ­ຄ້າ ແລະ ຊຳ­ລະ​ເງິນ​ຜ່ານ​ລະ­ບົບ​ອອນ​ລາຍ ຫຼື​ແອັບ​ພລິ​ເຄ​ຊັນ.

    2. ພະ­ນັກ­ງານ​ສື່​ສິ່ງ​ພິມ E-BOOK ອຸ­ປະ­ກອນ​ເອ​ເລັກ​ໂຕຣ​ນິກ ຈະ​ເຂົ້າ​ມາ​ມີ​ບົດ­ບາດ​ຫຼາຍ​ຍິ່ງ​ຂຶ້ນ ທຸ­ລະ​ກິດ​ສິ່ງ​ພິມ​ຈະ​ຫຼຸດ​ຖອຍ​ໄປ ທັງ​ໜັງ­ສື­ພິມ ວາ­ລະ­ສານ ທຸກ​ຢ່າງ​ຈະ​ມາ​ໃນ​ຮູບ​ແບບ​ດິ​ຈິ​ຕອລ.

    3. ນາຍ​ໜ້າ​ທ່ອງ​ທ່ຽວ ນັກ​ທ່ອງ​ທ່ຽວ​ຈະ​ສາ­ມາດ​ເຮັດ​ການ­ກວດ­ເບິ່ງ​ຂໍ້​ມູນ​ປຽບ­ທຽບ​ລາ­ຄາ ແລະ ວາງ​ແຜນ­ການ​ເດີນ­ທາງ​ຜ່ານ​ເວັບ​ໄຊ ແລະ ແອັບ​ພລິ​ເຄ​ຊັ່ນ​ດ້ວຍ​ຕົນ​ເອງ​ທັງ​ໝົດ.

    4. ຄົນ​ຂັບ​ລົດ​ແທັກ​ຊີ່ ເຕັກ​ໂນ​ໂລ​ຊີ 5G ແລະ IoT ຈະ​ເຮັດ​ໃຫ້​ເກີດ​ບໍ­ລິ­ການ​ລົດ​ໃຫຍ່​ໄຮ້​ຄົນ​ຂັບ​ທີ່​ສົມ­ບູນ ມີ​ຄວາມ​ແມ່ນ​ຢຳ​ໃນ​ເສັ້ນ­ທາງ ສາ­ມາດ​ຄວບ​ຄຸມ​ຄວາມ​ໄວ ແລະ ຄວາມ​ປອດ​ໄພ​ຕາມ​ກົດ​ຈະ­ລາ­ຈອນ ເຮັດ​ໃຫ້​ສາ­ມາດ​ເຂົ້າ​ມາ​ທົດ​ແທນ​ພະ­ນັກ­ງານ​ຂັບ​ລົດ​ໄດ້.

    5. ຜູ້​ປະ­ກາດ​ຂ່າວ ຜູ້​ປະ­ກາດ​ຂ່າວ​ປັນ­ຍາ​ປະ­ດິດ ສາ­ມາດ​ເຮັດ​ວຽກ​ໄດ້ 24 ຊົ່ວ­ໂມງ​ຕໍ່​ວັນ ທັງ​ເທິງ​ເວັບ​ໄຊ ແລະ ຊ່ອງ​ທາງ​ເທິງ​ສື່​ສັງ­ຄົມ​ອອນ​ລາຍ​ຕ່າງໆ ເຊິ່ງ​ຈະ​ຊ່ວຍ​ຫຼຸດ​ຄ່າ​ໃຊ້​ຈ່າຍ​ດ້ານ​ການ​ຜະ­ລິດ​ໄດ້​ຫຼາຍ.

    6. ຄົນ​ໃນ​ສາຍ​ການ​ຜະ­ລິດ ເຕັກ​ໂນ​ໂລ​ຊີ​ຫຸ່ນ​ຍົນ ແລະ ສະ­ໝອງ​ກົນ AI ຈະ​ເຂົ້າ​ມາ​ແທນ​ທີ່​ແຮງ​ງານ​ມະ­ນຸດ​ທັງ​ໝົດ​ໃນ​ໂຮງ­ງານ.

    7. ພະ­ນັກ­ງານ​ທະ­ນາ­ຄານ ການ​ເຮັດ​ທຸ­ລະ​ກຳ​ການ​ເງິນ​ແບບ​ອອນ​ລາຍ ແລະ ແອັບ​ພລິ​ເຄ​ຊັ່ນ​ໂມ​ບາຍ​ແບງ​ກິງ ຈະ​ຖືກ​ໃຊ້​ງານ​ທົດ​ແທນ​ສາ­ຂາ​ທະ­ນາ­ຄານ​ຢ່າງ​ເຕັມ​ຮູບ​ແບບ ລູກ​ຄ້າ​ບໍ່​ຈຳ­ເປັນ​ຕ້ອງ​ເຂົ້າ​ສາ­ຂາ​ອີກ​ຕໍ່​ໄປ.

ຂ່າວທີ່ກ່ຽວຂ້ອງ