ຂ່າວຫຼ້າສຸດ

ເຫດການ​ຮຸນ​ແຮງ​ຢູ່​ໃນ​ປະເທດ​ມາລີ ແລະ ນີ​ເຊຣີ

713 23 ມ.ສ. 2019 ຂ່າວຕ່າງປະເທດ
ເຫດການ​ຮຸນ​ແຮງ​ຢູ່​ໃນ​ປະເທດ​ມາລີ ແລະ ນີ​ເຊຣີ

      ຂ່າວສານ AFP ລາຍ​ງານ​ອ້າງ​ຕາມ​ແຫຼ່ງ​ຂ່າວ​ດ້ານ​ຄວາມ​ໝັ້ນຄົງ ໃຫ້​ຮູ້​ວ່າ ທະຫານ​ຂອງ​ມາລີ ເສຍ​ຊີວິດ​ຢ່າງ​ໜ້ອຍ 10 ຄົນ ຈາກ​ເຫດການ​ໂຈມ​ຕີ​ຂອງ​ກຸ່ມ​ຄົນ​ຮ້າຍ ຊຶ່ງ​ເກີດ​ຂຶ້ນ​ເມື່ອ​ວັນ​ທີ 21 ເມສາ​ນີ້ ຢູ່​ໃນ​ເຂດ​ພາກ​ກາງ ປະເທດ​ມາລີ.

    ກ່ອນ​ໜ້າ​ນັ້ນ ເມື່ອ​ວັນ​ທີ 16 ມີນາ​ທີ່​ຜ່ານ​ມາ ກຸ່ມ​ມື​ປືນ​ກໍ​ໄດ້​ໂຈມ​ຕີ ແລະ​ ບຽດ​ຢຶດ​ຖານ​ທີ່​ໝັ້ນ ຂອງ​ກອງທັບ​ມາລີ ຢູ່​ໃນ​ເຂດ​ພາກ​ກາງຂອງ​ປະເທດ  ໂດຍ​ໄດ້​ເຂັ່ນຂ້າ​ພົນທະຫານ​ຢູ່​ທີ່​ນັ້ນ 16 ຄົນ ແລະ​ທຳລາຍ​ລົດຍົນ​ອີກ 5 ຄັນ.

    ສ່ວນ​ທີ່​ປະເທດ​ນີ​ເຊຣີ ກຸ່ມ​ມື​ປືນ​ໄດ້​ໂຈມ​ຕີ​ເຂດ​ພັກຜ່ອນ​ເພື່ອ​ສຸຂະພາບ ກາ​ຈູ​ຣູ ກາ​​ສ​ເລີ (ທິດຕາເວັນຕົກ​ສ່ຽງ​ເໜືອ​ຂອງ​ນີ​ເຊຣີ) ຊຶ່ງ​ເກີດ​ຂຶ້ນ​ໃນ​ເວລາ​ຮຸ່ງ​ເຊົ້າ​ຂອງ​ວັນ​ທີ 22 ເມສາ​ນີ້ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 2 ຄົນ (ໃນ​ນັ້ນ​ມີ​ຜູ້​ໜຶ່ງ​ເປັນ​ເຈົ້າ​ໜ້າທີ່ ຊ່ວຍເຫຼືອ​ຊາວ​ອັງກິດ) ແລະ ​ໄດ້​ລັກ​ພາ​ຕົວ​ນັກ​ທ່ອງ​ທ່ຽວ​ໄປ 4 ຄົນ.

ຂ່າວທີ່ກ່ຽວຂ້ອງ