ສານ​ສູງ​ສຸດ​ຂອງ​ອາ​ຟະ​ກາ​ນິດ​ສະຖານ ຕໍ່​ກຳນົດ​ອາຍຸ​ການ​ຂອງ​ປະທານາທິບໍດີ ກາ​ນີ

624 23 ມ.ສ. 2019 ຂ່າວຕ່າງປະເທດ
ສານ​ສູງ​ສຸດ​ຂອງ​ອາ​ຟະ​ກາ​ນິດ​ສະຖານ ຕໍ່​ກຳນົດ​ອາຍຸ​ການ​ຂອງ​ປະທານາທິບໍດີ ກາ​ນີ

    ສານ​ສູງ​ສຸດ​ຂອງ​ອາ​ຟະ​ກາ​ນິດ​ສະຖານ ແຈ້ງ​ໃຫ້​ຮູ້ເມື່ອ​ວັນ​ທີ 21 ເມສາ​ນີ້ ວ່າ​ໄດ້​ຕໍ່​ກຳນົດ ອາຍຸ​ການ​ດຳລົງ​ຕຳແໜ່ງ ຂອງ​ປະທານາທິບໍດີ ອາ​ສຣາ​​ຟ ກາ​ນີ ໄປ​ຮອດ​ເວລາ​ດຳເນີນ​ການ​ເລືອກ ຕັ້ງ​ປະທານາທິບໍດີ​ຄົນ​ໃໝ່.

    ຕາມ​ແຜນການ​ໃນ​ເບື້ອງ​ຕົ້ນ​ແລ້ວ ການ​ເລືອກ​ຕັ້ງ​ປະທານາທິບໍດີ​ຄົນ​ໃໝ່ ຄາດ​ວ່າ​ຈະ​ມີ​ຂຶ້ນ ໃນ​ວັນ​ທີ 20 ເມສາ​ນີ້. ເຖິງ​ຢ່າງໃດ​ກໍ​ຕາມ ອາ​ຟະ​ກາ​ນິດ​ສະຖານ ຫາ​ກໍ​ຈັດການ​ເລືອກ​ຕັ້ງ ສະພາ​ແຫ່ງ​ຊາດ ເມື່ອ​ເດືອນ​ຕຸລາ ປີ 2018 ແລະ​ເຈົ້າ​ໜ້າທີ່​ຮັບຜິດຊອບ​ການ​ເລືອກ​ຕັ້ງ ຍັງ​ບໍ່​ມີ​ຄວາມ​ພ້ອມ ເພື່ອ​ຈັດການ​ເລືອກ​ຕັ້ງ​ໃໝ່​ໄດ້​ໄວ​ຄື​ແນວ​ນັ້ນ. ເມື່ອ​ເປັນ​ດັ່ງນັ້ນ ຄະນະ​ກຳມະການ ການ​ເລືອກ​ຕັ້ງ​ຂອງ​ອາ​ຟະ​ກາ​ນິດ​ສະຖານ ຈຶ່ງ​ໄດ້​ຕົກລົງ ເລື່ອນ​ການ​ເລືອກ​ຕັ້ງ​ປະທານາທິບໍດີ ໄປ​ໃສ່​ວັນ​ທີ 20 ກໍລະກົດ 2019 ແລະ​ຕໍ່​ມາ​ກໍ​ໄດ້​ສືບຕໍ່​ເລື່ອນ​ໄປ​ໃສ່​ວັນ​ທີ 28 ກັນຍາ 2019 ເພາະວ່າ​ຍັງ​ຕ້ອງ​ໄດ້​ລໍຖ້າ​ຜົນ​ການ​ເລືອກ​ຕັ້ງ​ສະພາ​ແຫ່ງ​ຊາດ.

ຂ່າວທີ່ກ່ຽວຂ້ອງ