ຂ່າວຫຼ້າສຸດ

ກອງທັບ​ຊູ​ດານ​ໃຫ້​ສັນຍາ​ຖ່າຍ​ໂອນ​ອຳນາດ​ໃຫ້​ແກ່​ປະຊາຊົນ

721 23 ມ.ສ. 2019 ຂ່າວຕ່າງປະເທດ
ກອງທັບ​ຊູ​ດານ​ໃຫ້​ສັນຍາ​ຖ່າຍ​ໂອນ​ອຳນາດ​ໃຫ້​ແກ່​ປະຊາຊົນ

     ນາຍ​ພົນ ອັບ​ແດລ ຟາ​ຕາ ອາ​​ລ-ບູ​ຮັນ ປະທານ​ສະພາ​ການ​ທະຫານ​ຂ້າມ​ຜ່ານ​ຂອງ​ຊູ​ດານ ກ່າວ​ໃນ​ວັນ​ທີ 21 ເມສາ ​ນີ້​ວ່າ ການ​ສ້າງຕັ້ງ​ສະພາ​ປະສົມ​ຂອງ​ກອງທັບ-ພົນ​ລະ​ເຮືອນ ພວມ​ໄດ້​ຮັບ​ການ​ປຶກສາ​ຫາລື ພ້ອມ​ທັງ​ຢືນຢັນ​ອີກ​ເທື່ອ​ໜຶ່ງ ເຖິງ​ຄຳ​ສັນຍາ​ການ​ຖ່າຍ​ໂອນ​ອຳນາດ ໃຫ້​ແກ່​ປະຊາຊົນ.

    ນອກຈາກ​ນັ້ນແລ້ວ ນາຍ​ພົນ ບູ​ຮັນ ກໍ​ຢັ້ງຢືນ​ອີກ​ເທື່ອ​ໜຶ່ງ​ວ່າ ອະດີດ​ປະທານາທິບໍດີ ໂອ​ມາ ອາ​​ລ-ບາ​ເຊີ (ອາຍຸ 75 ປີ) ທີ່​ຖືກ​ຂັບ​ໄລ່​ອອກ​ຈາກ​ຕຳແໜ່ງ ເມື່ອ​ວັນ​ທີ 11 ເມສາ​ທີ່​ຜ່ານ​ມາ ພ້ອມ​ດ້ວຍ​ເຈົ້າ​​ໜ້​າທີ່​ລະດັບ​ສູງ​ຫຼາຍ​ຄົນ ໃນ​ອຳ​​ນ​ຍາດ​ການ​ປົກຄອງ​ເກົ່າ ນັ້ນ​ໄດ້​ຖືກ​ກັກ​ຂັງ. ນາຍ​ພົນ ບູ​ຮັນ ກໍ​ໃຫ້​ຮູ້​ວ່າ ເຈົ້າ​ໜ້າທີ່​ໄດ້​ຢຶດ​ເງິນສົດ​ກວ່າ 113 ລ້ານ​ໂດ​ລາ​ສະຫະລັດ ຢູ່​ໃນ​ເຮືອນ​ພັກ​ຂອງ​ທ່ານ ໂອ​ມາ ອາ​​ລ-ບາ​ເຊີ.

    ໃນ​ຂ່າວ​ອີກ​ດ້ານ​ໜຶ່ງ ອາ​ຣາ​ບີ ຊາ​ອຸ​ດິດ ແລະ​ ສະຫະລັດ ອາ​ຣັບ ເອ​ມີ​ເຣດ (UAE) ແຈ້ງ​ໃຫ້​ຮູ້​ໃນ​ວັນ​ດຽວ​ກັນ​ວ່າ ສອງ​ປະເທດ​ນີ້ ໄດ້​ເຫັນ​ດີ​ຊ່ວຍເຫຼືອ​ເງິນ 3 ຕື້​ໂດ​ລາ​ສະຫະລັດ ໃຫ້​ແກ່​ຊູ​ດານ.

ຂ່າວທີ່ກ່ຽວຂ້ອງ