ອີ​ຣານ ປ່ຽນ​ຕົວຜູ້​ບັນຊາ​ການ​ກອງ​ກຳລັງ IRGC

420 23 ມ.ສ. 2019 ຂ່າວຕ່າງປະເທດ
ອີ​ຣານ ປ່ຽນ​ຕົວຜູ້​ບັນຊາ​ການ​ກອງ​ກຳລັງ IRGC

    r ໄດ້​ປ່ຽນ​ຕົວ​ຜູ້​ບັນຊາ​ການ​ກອງ​ກຳລັງ​ທະຫານ​ປ້ອງ​ກັນ​ການ​ປະຕິວັດ ອິ​ສລາມ ອີ​ຣານ (IRGC) ຊຶ່ງ​ການເຄື່ອນໄຫວ​ດັ່ງກ່າວ ມີ​ຂຶ້ນ​ບໍ່​ພໍ​ເທົ່າໃດ​ມື້ ຫຼັງ​ຈາກ​ທີ່ ສ ອາ​ເມ​ຣິ​ກາ ຈັດ​ໃຫ້ IRGC ເຂົ້າ​ໄປ​ຢູ່​ໃນ​ບັນຊີ​ບັນດາ​ອົງການ​ກໍ່​ການ​ຮ້າຍ​ຕ່າງປະເທດ.

    ໂທລະ​ບາບ​ແຫ່ງ​ຊາດ​ອີ​ຣານ ລາຍ​ງານ​ວ່າ ຜູ້ນຳ​ສູງ​ສຸດ​ຂອງ​ອີ​ຣານ ໄດ້​ແຕ່ງຕັ້ງ​ວ່າ​ທີ່​ນາຍ​ພົນ ​ຮົສ​ເຊ​ອິນ ຊາ​ລາ​ມີ ເປັນ​ຜູ້​ບັນຊາ​ການ​ຄົນ​ໃໝ່​ຂອງ IRGC ແທນ​ທີ່​ພົນ​ຈັດຕະວາ ມໍ​ຮາມ​ມັດ ອາລີ ຈາ​ຟາ​ຣີ. ເຖິງ​ຢ່າງໃດ​ກໍ​ຕາມ ແຫຼ່ງ​ຂ່າວ​ນີ້ ບໍ່​ໄດ້​ແຈ້ງ​ໃຫ້​ຮູ້​ເຖິງ​ເຫດຜົນ ຂອງ​ການ​ແຕ່ງຕັ້ງ ຜູ້​ບັນຊາ​ການ​ຄົນ​ໃໝ່​ຂອງ IRGC ນັ້ນ​ແຕ່​ຢ່າງໃດ.

    ຢູ່​ໃນ​ອີ​ຣານ IRGC ຖື​ວ່າ​ມີ​ສິດ​ອຳນາດ​ຫຼາຍ​ກວ່າ​ກອງທັບ​ຂອງ​ອີ​ຣານ. IRGC ມີ​ສະມາຊິກ ປະມານ 125.000 ຄົນ ເປັນ​ຜູ້​ກຳ​ສິດ​ຄວບ​ຄຸມ​ກອງ​ກຳລັງ​ທະຫານ​ບ້ານ Basij ທີ່​ເປັນ​ເຄິ່ງ ການ​ທະຫານ ໂດຍ​ມີ​ສະມາຊິກ​ປະຈຳ​ປະມານ 90.000 ຄົນ ແລະ ກຳ​ທັງ​ກອງ​ກຳລັງ​ປະຕິບັດ ໜ້າທີ່​ພິເສດ Quds ຊຶ່ງ​ເຄື່ອນ​ໄຫວ​ຢູ່​ນອກ​ປະເທດ.

ຂ່າວທີ່ກ່ຽວຂ້ອງ