ຂ່າວຫຼ້າສຸດ

ອິນເດຍວາງຄາດໝາຍຄອບຄອງດາວທຽມ 100 ດວງ ພາຍໃນປີ 2025

227 22 ມ.ສ. 2019 ຂ່າວຕ່າງປະເທດ
ອິນເດຍວາງຄາດໝາຍຄອບຄອງດາວທຽມ 100 ດວງ ພາຍໃນປີ 2025

    ເວບ​ໄຊ Defence News India ມີ​ຂ່າວ​ອອກ​ມາ​ເມື່ອ​ບໍ່​ດົນ​ມາ​ນີ້​ວ່າ ອິນ​ເດຍ​ໄດ້​ວາງ​ຄາດໝາຍ​ການ​ຄອບ​ຄອງ​ດາວ​ທຽມ​ໃນ​ອາ​ວະ​ກາດ 100 ດວງ ພາຍ​ໃນ​ປີ 2025 ທຽບໃສ່​ລະດັບ 49 ດວງ​ທີ່​ມີ​ຢູ່​ໃນ​ປັດຈຸບັນ.

   ທ່ານ​ປານ​ກາ​​ສ ຊາ​ຣານ ຮອງ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ອິນ​ເດຍ ໄດ້​ນຳ​ເອົາ​ຂໍ້​ມູນ​ຂ່າວສານ​ດັ່ງ​​ກ່່າວ​ອອກ​ມາ ຢູ່​ນອກ​ກອງ​ປະຊຸມ​ຖະແຫຼງ​ຂ່າວ ໃນ​ວັນ​ທີ 9 ເມສາ ກ່ຽວ​ກັບ​ຄວາມ​ສຳເລັດ​ຂອງ​ອິນ​ເດຍ ໃນ​ການ​ທົດ​ລອງ​ຍິງ​ດາວ​ທຽມ​ໃຫ້​ຕົກ ຊຶ່ງ​ມີ​ຂຶ້ນ​ເມື່ອ​ວັນ​ທີ 27 ມີນາ​ທີ່​ຜ່ານ​ມາ.

    ທ່ານ ຊາ​ຣານ ເວົ້າ​ວ່າ ຄວາມ​ສຳເລັດ​ໃນ​ການ​ຍິງ​ດາວ​ທຽມ​ໃຫ້​ຕົກ​ນັ້ນ ໄດ້​ເຮັດ​ໃຫ້​ອິນ​ເດຍ ຂຶ້ນ​ໄປ​ຢູ່​ໃນ​ລະດັບ​ເທົ່າ​ທຽມ​ກັບ​ບັນດາ​ປະເທດ​ມະຫາ​ອຳນາດ​ດ້ານ​ອາ​ວະ​ກາດ ຄື ສ ອາ​ເມ​ຣິ​ກາ ຣັດ​ເຊຍ ແລະ​ຈີນ. ອິນ​ເດຍ​ມີ​ຄວາມ​ພ້ອມ​ແລ້ວ ສຳລັບ​ບາດກ້າວ​ກະໂດດ​ຢູ່​ໃນ​ຂົງເຂດ​ດັ່ງກ່າວ ດ້ວຍ​ວິທີ​ຍົກ​ຈຳນວນ​ດາວ​ທຽມ​ຢູ່​ໃນ​ຄອບ​ຄອງ ຂຶ້ນ​ເປັນ 100 ດວງ ພາຍ​ໃນ​ປີ 2025.

ຂ່າວທີ່ກ່ຽວຂ້ອງ