ນັກໂທດ 65 ຄົນ ໂຕນອອກຈາກຄຸກ ໃນເວເນຊູເອລາ

261 22 ມ.ສ. 2019 ຂ່າວຕ່າງປະເທດ
ນັກໂທດ 65 ຄົນ ໂຕນອອກຈາກຄຸກ ໃນເວເນຊູເອລາ

  ເຈົ້າ​ໜ້າທີ່​ຂອງ​ເວ​ເນ​ຊູ​ເອ​ລາ ແຈ້ງ​ໃຫ້​ຮູ້​ວ່າ ນັກໂທດ 65 ຄົນ ໄດ້​ໂຕນ​ໜີ​ອອກ​ໄປ ຈາກ​ຄຸກ​ແຫ່ງ​ໜຶ່ງ ຊຶ່ງ​ຕັ້ງ​ຢູ່​ເທິງ​ເກາະ ມາ​ກາ​ຣີ​ຕາ ຂອງ​ເວ​ເນ​ຊູ​ເອ​ລາ ເມື່ອ ວັນ​ທີ 16 ເມສາ.

   ຮອງ​ນາຍ​ພົນ​ເຮືອ ອາ​ເລັກ​ຊານ​ເດີ​​ຣ ເວ​ລາ​​ສ​ເກ​​ສ ເວົ້າ​ວ່າ ໃນ​ຈຳນວນ​ນັກໂທດ ທີ່​ໂຕນ​ອອກ​ໄປ​ຈາກ​ຄຸກ​ດັ່ງກ່າວ ມີ 5 ຄົນ ຖືກ​ຈັບ​ກຸມ​ກັບ​ມາ​ໄດ້ ແລະ ພວກ​ເຂົາ​ໄດ້ ເຮັດ​ໃຫ້​ມີ​ຜູ້​ເສຍ​ຊີວິດ 1 ຄົນ ໃນ​ລະຫວ່າງ​ທີ່​ປົບ​ໜີ​ອອກ​ໄປ​ຈາກ​ຄຸກ. ໃນ​ຂະນະ​ດຽວ​ກັນ ເຈົ້າ​ໜ້າທີ່​ຮັກສາ​ຄວາມ​ສະຫງົບ​ກວ່າ 2.000 ຄົນ ໄດ້​ຖືກ​ລະດົມ​ເພື່ອ​ຕາ​ລ່າ​ຫາ​ນັກໂທດ​ທີ່​ປົບ​ໜີ​ໄປ.

   ເມື່ອ​ປີ 2018 ກໍ​ມີ​ນັກໂທດ​ປະມານ 470 ຄົນ ໂຕນ​ອອກ​ຈາກ​ຕຸກ 70 ແຫ່ງ​ຢູ່​ໃນ ເວ​ເນ​ຊູ​ເອ​ລາ ໃນ​ນັ້ນ​ມີ 105 ຄົນ ຖືກ​ຈັບ​ຕົວ​ຄືນ​ມາ​ໄດ້.

ຂ່າວທີ່ກ່ຽວຂ້ອງ