ຂ່າວຫຼ້າສຸດ

ສິງກະໂປ ເພີ່ມທະວີການໝູນໃຊ້ເຕັກໂນໂລຊີເຂົ້າໃນການຄຸ້ມຄອງການເຂົ້າອອກເມືອງ

157 22 ມ.ສ. 2019 ຂ່າວຕ່າງປະເທດ
ສິງກະໂປ ເພີ່ມທະວີການໝູນໃຊ້ເຕັກໂນໂລຊີເຂົ້າໃນການຄຸ້ມຄອງການເຂົ້າອອກເມືອງ

    ໃນ​ແຈ້ງ​ການ​ທີ່​ມີ​ອອກ​ມາ​ເມື່ອ​ວັນ​ທີ 17 ເມສາ​ນີ້ ກົມ​ການ​ຍ້າຍ​ບ່ອນຢູ່​ອາ​ໃສ ແລະ​ດ່ານ ຂອງ​ສິງກະໂປ (ICA) ໃຫ້​ຮູ້​ວ່າ ເຖິງ​ວ່າ​ຍັງ​ຄົງ​ນຳ​ໃຊ້​ສອງ​ຮູບ​ການ ໃນ​ການ​ປະກອບ​ເອ​ອະ​ສານ ອອກ​ເມືອງ​ແບບ​ອັດຕະໂນມັດ ແລະ​ ແບບ​ຫັດຖະກຳ ໄປ​ຄວບ​ຄູ່​ກັນ​ກໍ​ຕາມ ແຕ່​ວ່າ ນັບ​ແຕ່​ວັນ​ທີ 22 ເມສາ​ນີ້ ເປັນຕົ້ນ​ໄປ ບັນດາ​ເຈົ້າ​ໜ້າທີ່​ທີ່​ເຮັດ​ວຽກ​ກ່ຽວ​ກັບ​ການ​ເຂົ້າ​ອອກ​ເມືອງ ຢູ່​ໃນ​ດ່ານ​ທຸກໆ​ແຫ່ງ ຂອງ​ສິງກະໂປ ຈະ​ບໍ່​ຈ້ຳ​ກາ​ອອກ​ເມືອງ​ໃສ່​ປັດ​ສະ​ປໍ​ຂອງ​ບັນດາ​ນັກ​ທ່ອງ​ທ່ຽວ​ຕ່າງປະເທດ ຄື​ກັນ​ກັບ​ເມື່ອ​ກ່ອນ​ນັ້ນ​ອີກ.

   ນັບ​ແຕ່​ເດືອນ​ກັນຍາ ປີ 2016 ເປັນຕົ້ນ​ມາ ສິງກະໂປ​ໄດ້​ນຳ​ລະບົບ​ຈັກ​ສະ​ແກນ​ລາຍ​ມື ເຂົ້າ​ມາ​ໃຊ້​ໃນ​ເວລາ​ເຂົ້າ​ເມືອງ ສຳລັບ​ນັກ​ທ່ອງ​ທ່ຽວ​ຕ່າງປະເທດ. ດັ່ງນັ້ນ ມາ​ໃນ​ເວລາ​ນີ້ ພວກ​ນັກ​ທ່ອງ​ທ່ຽວ​ຕ່າງປະເທດ ພຽງ​ແຕ່​ປະກອບ​ເອກະສານ​ອອກ​ເມືອງ​ແບບ​ອັດຕະໂນມັດ ຜ່ານ​ລະບົບ​ສະ​ແກນ ເທົ່າ​ນັ້ນ.

   ກ່ອນ​ໜ້າ​ນັ້ນ ເມື່ອ​ວັນ​ທີ 8 ເມສາ​ທີ່​ຜ່ານ​ມາ ສິງກະໂປ​ກໍ​ໄດ້​ຜັນ​ຂະຫຍາຍ ການ​ທົດ​ລອງ​ລະບົບ​ເຄື່ອງ​ຈັກ​ສະ​ແກນ​ດວງ​ຕາ ແລະ ​ສັນ​ລະ​ສູດ​ໃບ​ໜ້າ ໃນ​ເວລາ​ທີ່​ປະກອບ​ເອກະສານ ເຂົ້າ​ອອກ​ເມືອງ ຢູ່​ໃນ​ດ່ານ​ແຫ່ງ​ຕ່າງໆ.

ຂ່າວທີ່ກ່ຽວຂ້ອງ