ຂ່າວຫຼ້າສຸດ

ອະດີດປະທານາທິບໍດີ ເປຣູ ມີບັນຫາດ້ານສຸຂະພາບ

155 22 ມ.ສ. 2019 ຂ່າວຕ່າງປະເທດ
ອະດີດປະທານາທິບໍດີ ເປຣູ ມີບັນຫາດ້ານສຸຂະພາບ

    ຕາມ​ຂ່າວ​ຕ່າງປະເທດ ອະດີດ​ປະທານາທິບໍດີ​ເປ​ຣູ ເປ​ໂດຣ ປາບ​ໂລ ຄຸກ​ຊິນ​ສະ​ກີ (ອາຍຸ 80 ປີ) ຕ້ອງ​ໄດ້​ເຂົ້າ​ໂຮງໝໍ​ເປັນ​ການ​ສຸກ​ເສີນ​ເມື່ອ​ວັນ​ທີ 17 ເມສາ​ນີ້ ຍ້ອນ​ເກີດ​ອາການ ຄວາມດັນເລືອດສູງ.

   ທ່ານ ຄຸກ​ຊິນ​ສະ​ກີ ຜູ້​ຊຶ່ງ​ຖືກ​ຈັບ​ກຸມ​ເມື່ອ​ອາທິດ​ກ່ອນ ໃນ​ຂໍ້​ຫາ​ຟອກ​ເງິນ ນັ້ນ​ເປັນ​ໜຶ່ງ ໃນ​ອະດີດ​ປະທານາທິບໍດີ​ຂອງ​ເປ​ຣູ ຈຳນວນ 4 ທ່ານ ທີ່​ຕິດ​ພັນ​ກັບ​ກໍລະນີ​ຫຍຸ້ງ​ເຫຍືອງ​ຫຼາຍ​ເລື່ອງ ກ່ຽວ​ກັບ​ການ​ສໍ້​ລາດ​ບັງ​ຫຼວງ ທີ່​ພົວພັນ​ເຖິງ​ກຸ່ມ​ບໍລິສັດ​ກໍ່ສ້າງ Odebrecht ຂອງ​ບຣາ​ຊີ​​ລ. ນອກຈາກ​ອະດີດ​ປະທານາທິບໍດີ ຄຸກ​ຊິນ​ສະ​ກີ ແລ້ວ ກໍ​ຍັງ​ມີ​ອະດີດ​ປະທານາທິບໍດີ  ໂອ​ລັນ​ຕາ ຮູ​ມາລາ (2011-2016) ອະດີດ​ປະທານາທິບໍດີ ອາລັນ ກາກ​ເຊຍ (1985-1990 ແລະ 2006-2011) ແລະ ​ອະດີດ​ປະທານາທິບໍດີ ອາ​ເລ​ຈານ​ໂດຣ ໂຕ​ເລ​ໂດ (2001-2006) ທີ່​ກ່ຽວຂ້ອງ​ກັບ​ກໍລະນີ​ຫຍຸ້ງ​ເຫຍືອງ​ດັ່ງກ່າວ.

    ໃນ​ວັນ​ທີ 17 ເມສາ​ນີ້​ເຊັ່ນ​ກັນ ອະດີດ​ປະທານາທິບໍດີ ອາລັນ ກາກ​ເຊຍ ໄດ້​ເສຍ​ຊີວິດ​ຍ້ອນ​ການ​ຂ້າ​ໂຕ​ຕາຍ​ຢູ່​ໃນ​ເຮືອນ​ພັກ ຊຶ່ງ​ເກີດ​ຂຶ້ນ​ໃນ​ຂະນະ​ທີ່​ຕຳຫຼວດ​ກະກຽມ ການ​ຈັບ​ກຸມ​ເຂົາ ເພື່ອ​ດຳເນີນ​ການ​ສືບສວນ​ສອບ​ສວນ ກ່ຽວ​ກັບ​ການ​ສໍ້​ລາດ​ບັງ​ຫຼວງ ທີ່​ພົວພັນ​ເຖິງ​ກຸ່ມ​ບໍລິສັດ​ກໍ່ສ້າງ Odebrecht.

ຂ່າວທີ່ກ່ຽວຂ້ອງ